Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 4:1-14

4  Ua foʻi mai le agelu sa ma talanoa ma fafagu iā te aʻu, e pei o se tagata ua ala mai sa moe.+  Ona ia faapea mai lea iā te aʻu: “O ā mea ua e vaaia?”+ Ona ou faapea atu lea: “Ua ou iloa, faauta! o le tuugāmolī e auro uma,+ ua iai le ipu faaofuofu i ona luga. O loo iai ona molī e fitu i luga o le tuugāmolī, e fitu lava;+ ma ua iai paipa e fitu i molī o loo i luga o le tuugāmolī.  E lua laau o le olive i tala ane o le tuugāmolī,+ o le tasi i le itu taumatau o le ipu faaofuofu, ma le isi i le itu tauagavale.”  Ona ou fai atu lea i le agelu o loo ma talanoa e faapea: “Loʻu Alii e, o le ā le uiga o ia mea?”+  Ua tali mai le agelu o loo ma talanoa ma faapea mai iā te aʻu: “Pe e te lē iloa ea le uiga o nei mea?” Ona ou fai atu lea: “Loʻu alii e, e leai.”+  Ua ia faapea mai iā te aʻu: “O le afioga lenei a Ieova iā Serupapelu e faapea, ʻ “E lē o ʻautau,+ e lē o le malosi,+ a o loʻu agaga,”+ ua fetalai mai ai Ieova o ʻau.  Le mauga tele e, o ai ea oe?+ E fai oe ma laueleele laugatasi i luma o Serupapelu.+ O le a ia aumaia lava le maa tulimanu pito i luga.+ O le a alalaga+ atu foʻi i le maa tulimanu pito i luga: “Maʻeu le matagofie!+ Maʻeu le matagofie!” ’ ”  Ua oo mai pea iā te aʻu le afioga a Ieova, e faapea:  “Ua faataatia e lima o Serupapelu le faavae o lenei fale,+ ma o le a faaumaina e ona lava lima le fale.+ E tou te iloa ai, na auina mai aʻu iā te outou e Ieova o ʻau.+ 10  Auā o ai ua ʻinoʻino i aso o mea iti?+ E olioli lava tagata+ ma vāai atu i le fua e tautau i le lima o Serupapelu, e oo i mata e fitu.+ O ia mata, o fofoga o Ieova ma o loo fetaufetuliaʻi i le lalolagi uma.”+ 11  Ona ou tali atu lea ma faapea atu iā te ia: “O le ā le uiga o laau olive e lua ia o loo i le itu taumatau ma le itu tauagavale o le tuugāmolī?”+ 12  Ona ou toe tali faalua atu lea iā te ia e faapea: “O ā lālā e lua o laau olive, ia o loo liligi mai ai le suāuu auro e ala i faagaʻau auro e lua?” 13  Ua ia faapea mai iā te aʻu: “Pe e te lē iloa ea le uiga o nei mea?” Ona ou tali atu lea: “Loʻu alii e, e leai.”+ 14  Ona ia faapea mai lea: “O tagata e toʻalua nei ua faauuina,+ o ē o loo tutū i autafa o le Alii o le lalolagi uma.”+

Faamatalaga Pito i Lalo