Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 3:1-10

3  Ona ia faaali mai lea iā te aʻu o Iosua+ le ositaulaga sili, o loo tū i luma o le agelu a Ieova, ma Satani+ o loo tū i lona itu taumatau e tetee+ atu iā te ia.  Ua fai atu le agelu+ a Ieova iā Satani: “Satani e, ia aʻoaʻi malosi+ atu Ieova iā te oe, ioe, ia aʻoaʻi malosi atu Ieova iā te oe, o lē ua filifilia Ierusalema!+ Pe e lē o le tamāloa ea lenei o le ogālaau na seʻi mai i le afi?”+  A o Iosua, ua ofu o ia i ofu eleelea+ ma o loo tū i luma o le agelu.  Ona ia tali atu lea ma faapea atu iā i latou o loo tutū i ona luma: “Ia tatala ese lona ofu eleelea.” Ua ia faapea atili atu iā te ia: “Vaai, ua ou aveesea ou sesē mai i ou luga,+ ma o le a faaofuina oe i ofu matagofie.”+  Ona ou fai atu lea: “Ia tuu se pulou ʻie mamā i lona ulu.”+ Ona latou tuu lea o le pulou ʻie mamā i lona ulu ma faaofu iā te ia i ofu; a o loo tū mai le agelu a Ieova.  Ua molimau atu le agelu a Ieova iā Iosua e faapea:  “O le fetalaiga lenei a Ieova o ʻau, ‘Afai e te savali i oʻu ala, afai foʻi e te tausia laʻu matafaioi,+ ona e faamasino ai lea i loʻu nuu+ ma tausia oʻu lotoā; ma ou te avatu iā te oe le saʻolotoga e te sau ai i oʻu luma faatasi ma ē o loo tutū mai.’  “ ‘Iosua e, le ositaulaga sili, faamolemole ia faalogo mai, o oe ma au aumea o ē o loo nonofo i ou luma, auā o i latou o tagata o loo auauna e avea ma faailoga;+ auā ua ou aumaia laʻu auauna,+ o lona igoa o le Tātupu!+  Faauta! o le maa+ ua ou tuuina i luma o Iosua! E fitu mata o le maa e tasi.+ Ou te vane i ai ona tusitusiga,’+ ua fetalai mai ai Ieova o ʻau, ‘o le a ou aveeseina mea sesē na faia e lenā atunuu i le aso e tasi.’+ 10  “ ‘I lenā aso,’ ua fetalai mai ai Ieova o ʻau, ‘E tou te valaau atu, o le tasi i le isi, a o iai i lalo o le vine ma lalo o le mati.’ ”+

Faamatalaga Pito i Lalo