Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 14:1-21

14  “O lenei, o le a oo mai le aso, o le aso lea o Ieova,+ e vaevaeina ai i lou* lotolotoi au oloa o le a vetea.  Ou te faapotopotoina lava atunuu uma e siitaua iā Ierusalema;+ e faatoʻilaloina foʻi le aai+ ma faoa fale ma tatoso faamalosi fafine.+ E ave faapagota le ʻafa o le aai;+ a o ē e totoe o le nuu,+ e lē faaumatiaina i latou mai i le aai.+  “E afio atu lava Ieova ma tau faasaga i na nuu+ e pei o le aso na tau ai o ia, i le aso o le taua.+  E tū ona aao i lea aso i luga o le mauga o laau o olive, o loo i luma o Ierusalema i le itu i sasaʻe,+ ona vaeluaina ai lea o le mauga o laau o olive+ i lona ogatotonu,+ e mai i le mea e oso aʻe ai le lā e oo atu i le itu i sisifo. O le a iai le vanu telē; ma o le a siitia le ʻafa o le mauga i le itu i mātū a o le isi ʻafa i le itu i saute.  E tou te sosola lava i le vanu o loo i oʻu mauga;+ auā e oo atu le vanu i Aselu. E tou te sosola foʻi e pei ona outou sosola ona o le mafuiʻe i aso o Usia le tupu o Iuta.+ E afio mai lava Ieova loʻu Atua+ faatasi ma le ʻaupaia uma.+  “O lea aso foʻi, o le a leai se malamalama lea e tāua,+ o le a malō mea uma ona o le mālūlū.+  O le a iloa ai foʻi o le aso lea o le aso o Ieova.+ E lē o le ao, e lē o le pō foʻi;+ ae a oo i le afiafipō o le a iai le malamalama.+  O lea aso foʻi, o le a tafe mai ai le vai ola+ mai i Ierusalema,+ e tafe le tasi ʻafa i le sami i sasaʻe+ ma le isi ʻafa e tafe i le sami i sisifo.+ O le a tupu lea mea i le tau māfanafana ma le tau mālūlū.+  E fai Ieova ma tupu i le lalolagi uma.+ O lea aso, o le a iloa ai e toʻatasi lava Ieova,+ ma e tasi lona suafa.+ 10  “E suia le laueleele atoa ina ia pei o le vanu o Arapa,+ e mai i Kepa+ e oo atu i Rimoni+ i le itu i saute o Ierusalema; ma e tulaʻi o ia ma toe nonofo ai lona nuu iā te ia,+ e mai i le Faitotoʻa o Peniamina+ e oo atu lava i le mea ua iai le Faitotoʻa Muamua, e oo atu foʻi i le Faitotoʻa o le Tulimanu, ma e mai i le ʻolo o Hananiali+ e oo atu i le mea e tali ai suāvine a le tupu. 11  O le a nonofo ai lava tagata; e lē toe tuueseesea mo le faaumatiaga,+ e nofoia Ierusalema ma le saogalemu.+ 12  “O le mala lenei o le a faamalaia ai e Ieova nuu uma e siitaua atu iā Ierusalema:+ E pala le tino o se tasi, a o tū o ia i ona vae;+ ma o le a pala mata i le mea e tutū ai, o le a pala foʻi le laulaufaiva o se tasi i lona lava gutu. 13  “O lea aso foʻi, o le a matuā tele ai le fenuminumiaʻi o i latou mai iā Ieova;+ ona taʻitasi ai lea ma uu e le tasi i le lima o lona tuaoi, e sii aʻe foʻi lona lima e faasagatau i le lima o lona tuaoi. 14  O le a tau foʻi Iuta i le mea ua iai Ierusalema; e faaputuina foʻi le tamaoaiga o atunuu uma o loo siʻosiʻomia ai, o auro, o siliva ma le tele naʻuā o ofu.+ 15  “E faapea foʻi ona iai le mala i solofanua, i miula, i kamela, i asini poʻa, ma isi ituaiga o manu lalata ua i togālauapi, o le a pei o lea mala. 16  “A o ē e totoe mai i atunuu uma o loo faasagatau iā Ierusalema,+ e ō atu i lea tausaga ma lea tausaga+ e ifo i le Tupu,+ o Ieova o ʻau,+ ma faamanatu tausamiga o fale lauvao.+ 17  O lē e lē alu aʻe+ i Ierusalema mai i aiga+ o le lalolagi e ifo i le Tupu, o Ieova o ʻau, o le a lē faatotōina ifo i ai le timu iā i latou.+ 18  Afai e lē ō aʻe tagata o Aikupito ma ō atu i lea mea, e leai foʻi se timu e faatotō ifo iā i latou. Ona oo lea o le mala e faamalaia ai e Ieova nuu e lē ō aʻe e faamanatu tausamiga o fale lauvao. 19  O le faasalaga lenei ona o le agasala a Aikupito, ma agasala a nuu uma e lē ō aʻe e faamanatu tausamiga o fale lauvao.+ 20  “O lea aso,+ o le a iai i luga o logo o solofanua, ‘E Paia Ieova!’+ O ulo e tetelē gutu+ i le fale o Ieova o le a pei o ipu faaofuofu+ i luma o le fata faitaulaga.+ 21  O ulo uma foʻi e tetelē gutu i Ierusalema ma Iuta e avea ma mea paia a Ieova o ʻau, ma o i latou uma o ē e fai taulaga e ō mai ma avatu nisi ulo ma faaaogā e tunu ai mea.+ O le a lē toe iai se tagata Kanana+ i le fale o Ieova o ʻau i lea aso.”+

Faamatalaga Pito i Lalo

E faasino le upu “lou” i le aai.