Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 10:1-12

10  “Ia outou talosaga atu iā Ieova ia timu+ i le taimi e masani ona timu ai i le tau e totogo ai mea,+ ia talosaga atu foʻi iā Ieova o lē e faia ao mafiafia ma faititili,+ ma o lē na te faatotō ifo le timu i tagata,+ ma foaʻi mai iā i latou taʻitoʻatasi fua o le laueleele.+  Ua tautatala faatagata+ i mea leaga; ma ua vāai o ē e faia valovaloga faataulāitu i faaaliga pepelo,+ ua latou tautatala pea i miti e lē aogā, ma ua latou faamāfanafana fua.+ O le mea lea e latou te ō ese ai e pei o le lafu mamoe;+ e faapuapuagatia i latou auā ua leai se leoleo mamoe.+  “Ua ou matuā ita i leoleo mamoe,+ ma ou te taui atu i taʻitaʻi e pei o ni ʻoti,+ ou te faasalaina i latou;+ auā ua silasila atu Ieova o ʻau i lana lafu,+ o le aiga o Iuta, ma ua ia faia i latou e pei o lana solofanua+ matagofie i le taua.  E mai iā te ia le alii sili,+ e mai iā te ia le pule lagolago,+ e mai iā te ia le ʻaufana o le taua;+ e ō atu mai iā te ia foʻi o pule uma,+ o i latou uma e mai iā te ia.  O le a pei i latou o tagata totoa+ o loo soli le palapala o auala i le taua.+ E latou te ō atu i le taua, auā ua faatasi Ieova ma i latou;+ ae e faamāina o ē e tiʻetiʻe i solofanua.+  Ou te faamalosia le aiga o Iuta, ma ou te faaolaina le aiga o Iosefa.+ Ou te avatu iā i latou se mea e nonofo ai, auā ou te alofa mutimutivale iā i latou;+ ma o le a avea i latou e peiseaʻī ou te leʻi lafoaʻiina i latou;+ auā o aʻu o Ieova lo latou Atua, ma ou te tali atu iā i latou.+  E pei i latou o Efaraima o le tagata toa,+ ma e olioli o latou loto e pei ua feinu i le uaina.+ E vāai i ai o latou atalii ma olioli ai;+ e fiafia o latou loto iā Ieova.+  “ ‘Ou te tuufaaili+ atu iā i latou ma aoaoina i latou; auā ou te togiolaina i latou,+ e faatoʻateleina i latou e pei o ē na faatoʻateleina+ i aso ua mavae.  O le a ou faataapeapeina i latou i nuu e pei o fatu,+ ma o le a latou manatua aʻu i nofoaga mamao;+ ma e ao ona faamalosia i latou ma o latou atalii ma toe foʻi mai.+ 10  Ou te toe aumaia i latou mai i le atunuu o Aikupito;+ ou te faapotopotoina faatasi foʻi i latou mai i Asuria;+ ma ou te avatu i latou i le laueleele o Kiliata+ ma Lepanona, talu ai e lē lava mea e nonofo ai i latou uma.+ 11  E ui ane o ia i le sami ma le puapuaga;+ ma e na te taia peau o le sami,+ ma e mātūtū ai o mea loloto uma o le Naila.+ E faamaulaloina foʻi le faamaualuga o Asuria,+ ma e mavae atu le tootoo+ o Aikupito.+ 12  O aʻu o Ieova, ou te faia i latou ina ia malolosi,+ e latou te savavali foʻi i lona suafa,’+ ua fetalai mai ai Ieova.”

Faamatalaga Pito i Lalo