Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 1:1-21

1  O le masina lona valu i le tausaga lona lua o le nofoaiga a Tariu,+ na oo mai ai le afioga a Ieova i le perofeta o Sakaria,*+ o le atalii o Perekia, o le atalii o Ito+ e faapea:  “Na matuā toʻasā Ieova i o outou augātamā.+  “Ia e fai atu iā i latou, ‘O le mea lenei ua fetalai mai ai Ieova o ʻau: “ ‘Ia foʻi mai iā te aʻu,’+ ua fetalai mai ai Ieova o ʻau, ‘ona ou foʻi atu lea iā te outou,’+ ua fetalai mai ai Ieova o ʻau.” ’  “ ‘Aua neʻi pei outou o o outou tamā+ o ē na valaauina e perofeta anamua,+ na faapea: “O le fetalaiga lenei a Ieova o ʻau, ‘Faamolemole, inā foʻi mai ia i o outou ala leaga ma a outou galuega leaga.’ ” ’+ “ ‘Ae e leʻi faalogo i latou ma e leʻi uaʻi mai iā te aʻu,’+ ua fetalai mai ai Ieova.  “ ‘A o fea o iai o outou tamā?+ O le ʻauperofeta foʻi,+ pe e faavavau ea ona feola i latou?  Ae peitaʻi, o aʻu upu ma aʻu tuutuuga na ou poloaʻi atu ai i aʻu auauna le ʻauperofeta,+ pe e leʻi maua atu ai ea o outou tamā?’+ Ona latou foʻi mai lea, ma faapea ane: ‘O le mea na finagalo i ai Ieova o ʻau e faia iā i tatou,+ e tusa ma o tatou ala ma a tatou galuega, o le mea lea ua ia faia iā i tatou.’ ”+  O le aso lua sefulu fā, o le masina lona sefulu tasi, o le masina lea o Sapata, i le tausaga lona lua o le nofoaiga a Tariu,+ na oo mai ai le afioga a Ieova i le perofeta o Sakaria,+ o le atalii o Perekia, o le atalii o Ito,+ e faapea:  “Na ou iloa i le pō ma faauta foʻi! o se tagata+ o loo tiʻetiʻe i le solofanua mūmū,+ o loo ia tū pea i le va o laau o le atasi+ ua iai i le vanu; ma i tua atu o loo iai ni solofanua mūmū, e mūmū sesega, ma e papaʻe.”+  Ona ou fai atu lea: “Loʻu alii e, o ai i latou nei?”+ Ua fai mai iā te aʻu le agelu o loo ma talanoa:+ “Ou te faaali atu iā te oe po o ai i latou nei.” 10  Ona tali mai lea o le tagata o loo tū i le va o laau o le atasi e faapea: “O i latou nei ua aauina mai e Ieova e fesavaliaʻi solo i le lalolagi.”+ 11  Ua latou tali atu i le agelu a Ieova o lē o loo tū i le va o laau o le atasi e faapea: “Ua matou fesavaliaʻi solo i le lalolagi+ ma vaai foʻi! o loo nofonofo le lalolagi uma ua fifilemu lava.”+ 12  Ona tali atu lea o le agelu a Ieova, ua faapea atu: “Ieova o ʻau e, o le ā le umi e te lē faaalia ai lou alofa mutimutivale iā Ierusalema, ma aai o Iuta+ o ē na e taʻusalaina i nei tausaga e fitu sefulu?”+ 13  Ua tali mai Ieova i le agelu o loo ma talanoa, i upu lelei ma upu faamāfanafanaloto;+ 14  ua toe faapea mai iā te aʻu le agelu o loo ma talanoa: “Ia alaga atu e faapea, ‘O le fetalaiga lenei a Ieova o ʻau: “Ua ou fuā ona o Ierusalema ma ua ou matuā fuā foʻi ona o Siona.+ 15  Ua ou matuā ita lava i atunuu o ē o loo nonofo fifilemu;+ auā o aʻu, na itiiti loʻu ita i loʻu nuu,+ a o i latou ua latou faateleina ai le leaga o le malaia.” ’+ 16  “O lea, o le fetalaiga lenei a Ieova, ʻ “Ou te liliu atu i Ierusalema ma le alofa mutimutivale.+ E fausia ai loʻu fale,”+ ua fetalai mai ai Ieova o ʻau, “e faataoto atu foʻi le fua faalava i luga o Ierusalema.” ’+ 17  “Ia toe alaga atu, e faapea, ‘O le fetalaiga lenei a Ieova o ʻau: “E toe tumu oʻu aai i mea lelei;+ e toe faanoanoa foʻi Ieova ona o Siona+ ma na te toe filifilia lava Ierusalema.” ’ ”+ 18  Ua tepa aʻe oʻu mata ma ou iloa ai; faauta! ua iai seu e fā.+ 19  Ona ou fai atu lea i le agelu o loo ma talanoa: “O ā nei mea?” Ua ia tali mai iā te aʻu: “O seu nei na faataapeapeina o Iuta,+ o Isaraelu,+ ma Ierusalema.”+ 20  E lē gata i lea, ua faaali mai e Ieova iā te aʻu o tufuga e toʻafā. 21  Ona ou fai atu lea: “O ā mea e ō mai i latou nei e fai?” Ua ia faapea mai: “O seu+ ia na matuā faataapeapeina Iuta ma na lē mafai ai e se isi ona ea i luga lona ulu; e ō mai i latou nei e faamataʻu iā i latou, e lafo i lalo seu o atunuu o loo sii i luga le seu* e faasagatau i le atunuu o Iuta, ina ia faataapeapeina ai o ia.”+

Faamatalaga Pito i Lalo

O lona uiga “ua manatua e Ioa.”
Ua masani ona faaaogā le nifo po o le seu o le manu i le Tusi Paia e fai ma faailoga o le malosi, o le mana po o le pule.