Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ruta 4:1-22

4  Ua alu aʻe Poasa i le faitotoʻa+ o le aai ma nofo ai i inā. Vaai! ua alu ane le tagata na taʻua muamua e Poasa e na te toe faatauina le tofi.+ Ona ia fai atu lea: “Seʻi e afe mai, ma nofo i inei.” Ona ia afe ane lea, ma nofo i lalo.  Ua mavae lenā, ona ia aami lea o tamāloloa e toʻasefulu o toeaina+ o le aai, ma faapea atu: “Inā nonofo ia i lalo i inei.” Ona latou nonofo lea i lalo.  Ona ia fai atu lea i lē na te toe faatauina le tofi:+ “O le fasi fanua o lo tatou uso o Elimeleka,+ o le a faatau atu e Naomi, o lē ua toe foʻi mai i le fanua o Moapi.+  A ua ou manatu e tatau ona faailoa atu iā te oe lenei mea e faapea, ‘Ia e faatauina+ lenei fanua i luma o ē o nonofo mai, faapea toeaina o loʻu nuu.+ Afai e te toe faatauina, inā faatau ia; ae afai e te lē toe faatauina, ia e taʻu mai iā te aʻu ina ia ou iloa ai, auā e leai se tasi ua na o oe e mafai ona toe faatauina,+ o aʻu foʻi ou te pito atu iā te oe.’ ” Ona ia fai mai lea: “O aʻu ou te toe faatauina le fanua.”+  Ua fai atu Poasa: “O le aso e te faatau mai ai le fanua mai i le lima o Naomi, e te faatau mai foʻi iā Ruta le fafine Moapi, o le avā a le tamāloa ua oti, ina ia faatumauina ai le igoa o le tamāloa ua oti i lona tofi.”+  Ona fai mai lea o lē e na te toe faatauina mai le tofi: “E lē mafai ona ou toe faatau mai mo aʻu, ina neʻi faalēaogā ai loʻu tofi. Ua ou tuuina atu iā te oe le aiā e toe faatauina mai ai le tofi, auā e lē mafai ona ou toe faatauina mai.”  O le tū masani lea i Isaraelu i aso ua mavae, e tusa ai ma le aiā o le toe faatau mai ma le toe faatau atu, ina ia faamau ai mea uma: E tatala ese e se tagata lona seevae+ ma avatu i lona uso, o le faamaoniga lenei i Isaraelu.  Ina ua faapea mai iā Poasa lē e toe faatauina le tofi: “Inā faatau ia mo oe,” ona ia tatala ese lea o lona seevae.+  Ona fai atu lea o Poasa i toeaina ma le nuu uma: “O outou o molimau+ i lenei aso, ua ou toe faatauina mai mea uma lava na iā Elimeleka, ma mea uma foʻi na iā Kiliona ma Maalona mai i le lima o Naomi. 10  Ua ou faatau foʻi e fai ma aʻu avā o Ruta le fafine Moapi, le avā a Maalona, ina ia faatumauina ai le igoa o le tamāloa ua oti+ i lona tofi, ma ia lē motusia ai le igoa o lē ua oti mai i ona uso ma mai le faitotoʻa o lona nuu. O le asō ua fai ai outou ma molimau+ i lenei mea.” 11  Ua fai mai le nuu uma o ē sa i le faitotoʻa atoa ma toeaina: “O i matou lava o molimau! Ia faia e Ieova le avā o lē e sau i lou aiga ia pei o Rasela+ ma Lea,+ sa avea i laʻua uma ma tinā o le aiga o Isaraelu;+ ia e malosi i Efarata+ ma ia viia ai oe i Peteleema.+ 12  Ia avea foʻi lou aiga e pei o le aiga o Faresa lea na fanaua e Tamara mai iā Iuta,+ mai le fanau lea e foaʻi atu e Ieova iā te oe mai i lenei fafine talavou.”+ 13  Ona ave lea e Poasa o Ruta, ua fai ma ana avā, ua momoe ma ia. Ua tō+ o ia i le pule a Ieova, ma ua fanau mai ai se tama tama. 14  Ua fai mai fafine+ iā Naomi: “Ia vivii atu iā Ieova,+ o lē ua ia foaʻi atu iā te oe i le asō o lē e na te toe faatauina mai outou; ina ia viia ai lona igoa i Isaraelu. 15  Ua fai o ia ma lē ua faafouina lou ola ma tausia oe i lou soifua matua,+ auā ua fanau le avā a lau tama, o lē e alofa iā te oe,+ ma ua sili atu o ia iā te oe nai lo o le fanau tama e toʻafitu.”+ 16  Ua aumai e Naomi le tamaitiiti ua tuu i lona fatafata, ma tausi iā te ia. 17  Ona faaigoa lea e fafine o le tuaoi+ e faapea: “Ua fanau mai se tama iā Naomi.” Ona latou faaigoa lea o ia o Opeta.+ O ia o le tamā o Iese,+ o le tamā lea o Tavita. 18  O le gafa lenei o Faresa:+ na fanaua e Faresa o Esarona;+ 19  na fanaua e Esarona o Rama; na fanaua e Rama+ o Aminatapu; 20  na fanaua e Aminatapu+ o Naasona;+ na fanaua e Naasona o Salemona; 21  na fanaua e Salemona+ o Poasa; na fanaua e Poasa+ o Opeta; 22  na fanaua e Opeta o Iese;+ ma na fanaua e Iese o Tavita.+

Faamatalaga Pito i Lalo