Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ruta 3:1-18

3  Ua fai mai Naomi le tinā o lana tane iā te ia: “Si aʻu tama e, ou te lē saʻilia ea se mapusaga+ mo oe, ina ia e manuia ai?  O lenei, pe tatou te lē aiga ea ma Poasa, o lē na e iai faatasi ma ana auauna fafine?+ Faauta! O loo ia faamamāina+ le karite i le mea e soli ai saito i le pō a nanei.  Ia e faamamā ma uu lou tino i le uu,+ ma fai ou ofu+ ma e alu ifo i le mea e soli ai saito. Aua le faailoa atu oe i le tamāloa, seʻia uma ona ʻai o ia ma inu.  Pe a taoto o ia, ia e iloa foʻi le mea e taoto ai o ia; ona e alu lea ma susuʻe le ufiufi o ona vae ma e taoto ai; ona ia taʻu atu lea iā te oe o le mea e fai.”  Ona fai atu lea o Ruta iā te ia: “Ou te faia mea uma lava ua e fai mai ai iā te aʻu.”  Ua ia alu ifo i le mea e soli ai saito, ma faia mea uma lava na poloaʻi atu ai le tinā o lana tane iā te ia.  O le taimi lea, ua ʻai Poasa ma inu, ma ua fiafia foʻi lona loto.+ Ona alu lea o ia ma taoto i tafatafa o le faaputuga karite. Mulimuli ane, ua alu atu lemū o ia ma susuʻe le ufiufi o ona vae, ma taoto ai.  Ua oo i le vaeluapō, ua gatete le tamāloa. Ona ia punou ifo lea, faauta! o se fafine o loo taoto i ona vae!  Ua fai mai o ia: “O ai ea oe?” A ua tali atu o ia: “O aʻu o Ruta lau teine pologa, ia e faaafu i lau teine pologa i le pito o lou ofu, auā o oe o lē e toe faatauina i matou.”+ 10  Ona fai mai lea o ia: “Loʻu afafine e, ia faamanuia oe e Ieova.+ Ua sili atu lou alofa faamaoni+ ua faaalia i le taimi mulimuli nai lo o le taimi muamua,+ i lou lē mulimuli atu i tauleleʻa, pe faatauvaa, pe mauʻoa. 11  O lenei loʻu afafine e, aua e te fefe. O mea uma e te fai mai ai ou te faia lava,+ auā ua iloa uma e tagata o le aai, o oe o le fafine e matuā lelei tele.+ 12  O lenei, e moni o aʻu o lē e toe faatauina mai outou,+ ae e iai foʻi se isi o lē na te toe faatauina mai outou e vavalalata la outou faiā nai lo o aʻu.+ 13  Ia nofo pea i inei i lenei pō, ma a oo i le taeao afai e na te toe faatauina+ oe, ua lelei lea! Ia toe faatauina e ia o oe. Ae afai e lē manaʻo e toe faatauina oe, ona ou toe faatauina lea o oe, ou te tautō iā Ieova le Atua soifua.+ Ia e taoto pea seʻia ao.” 14  Ua ia taoto pea i ona vae seʻia oo i le taeao, ona tulaʻi lea a o leʻi iloa e se tasi o ia. Ua fai atu Poasa: “Aua neʻi iloa e se tasi, na sau se fafine i le mea e soli ai saito.”+ 15  Ua fai mai o ia: “Aumai le ofu o loo e pulupulu ai, ma fofola mai.” Ona ia fofola lea o le ofu, ma ua fuaina e Poasa o fua o karite e ono ma tuu i luga iā Ruta, ona alu lea o Poasa i le aai. 16  Ua alu o ia i lona ala i le tinā o lana tane, o lē ua fai mai: “Po o oe ea lea o laʻu tama?” Ona ia taʻu lea iā te ia o mea uma lava na faia e le tamāloa iā te ia. 17  Ua toe fai atu o ia: “O fua nei o karite e ono na ia aumai iā te aʻu, auā ua ia faapea mai, ‘Aua e te alu ae lē ave se mea mo le tinā o lau tane.’ ”+ 18  Ona ia fai mai lea: “Inā nofo pea ia laʻu tama e, seʻia e iloa po o le ā le mea e tupu, auā e lē mālōlō le tamāloa seʻia ona faaiʻuina le mataupu i le asō.”+

Faamatalaga Pito i Lalo