Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Ruta 2:1-23

2  Sa iai se tamāloa+ e aiga i le tane a Naomi, o le tagata e mauʻoa+ tele o le aiga o Elimeleka, ma o lona igoa o Poasa.+  Ua mavae sina taimi, ona fai atu lea o Ruta le fafine Moapi iā Naomi: “Faamolemole, seʻi tuu mai aʻu ou te alu i le fanua e ao+ mai ni fua o karite o loo totoe, ma mulimuli i se tasi e manatu mai iā te aʻu.” Ona ia fai mai lea iā te ia: “Inā alu ia laʻu tama e.”  Ua alu o ia ma ua oo i le fanua, ua ia mulimuli atu i ē e selesele ma ao mai karite.+ Peitaʻi, ua alu atu o ia ma lona lē iloa i le fasi fanua o Poasa,+ o le aiga o Elimeleka.+  Faauta! Ua sau Poasa mai i Peteleema ma fai mai i ē ua selesele: “Ia faatasi Ieova iā te outou.”+ Ona latou fai atu lea iā te ia: “Ia faamanuia Ieova iā te oe.”+  Ona fai mai lea o Poasa+ i le tauleʻaleʻa na tofia e vaaia ē e selesele: “O le aiga o ai e sau ai lenei fafine talavou?”  Ona tali atu lea o le tauleʻaleʻa na tofia e vaaia ē e selesele e faapea: “O le fafine talavou e mai i Moapi,+ o lē na toe foʻi mai ma Naomi mai i le fanua o Moapi.+  Ona fai mai lea o ia, ‘Faamolemole, seʻi oʻu alu e ao+ ma faaputu fua o karite o loo totoe, ma mulimuli atu i ē ua selesele.’ Ona alu lea o ia ma galue pea mai i le taeao, seʻia oo mai i le taimi ina ua mālōlō teisi o ia i le fale.”+  Mulimuli ane, ona fai atu lea o Poasa iā Ruta: “Po ua e faalogo mai ea, loʻu afafine e? Aua neʻi e alu atu e ao i se isi fanua,+ aua foʻi neʻi e alu ese mai i lenei nofoaga, a ia e faalatalata i aʻu auauna fafine.+  Ia e vaai i le fanua latou te selesele ai, ma ia tou ō faatasi ma i latou. Ou te leʻi poloaʻi ea i oʻu tauleleʻa e aua le paʻi+ atu iā te oe? A e fia inu, ia e alu atu i fagu ma inu mai i vai ua utu e tauleleʻa.”+ 10  Ona ia faapaʻū faō lea ma ifo i le eleele,+ ma fai atu iā te ia: “Aiseā ua e manatu mai ai iā te aʻu, ma e silasila mai ai a o aʻu o le tagata ese?”+ 11  A ua tali mai Poasa iā te ia: “Ua uma ona faamatala+ mai iā te aʻu o mea uma na e faia i le tinā o lau tane ina ua oti lau tane,+ ina ua e tuua lou tamā, ma lou tinā, ma le nuu o lou aiga, a ua e sau i le nuu e te leʻi iloa muamua.+ 12  Tau ina ia tauia e Ieova au gaoioiga,+ ma ia iai se taui+ sili ona lelei mo oe mai iā Ieova le Atua o Isaraelu, o lē ua e sulufaʻi ai i lalo o ona apaʻau.”+ 13  Ona ia faapea atu lea: “Loʻu alii e, ia e alofa mai iā te aʻu, auā ua e faamāfanafana iā te aʻu ma ua e faamautinoa mai i lau auauna fafine,+ e ui lava ou te lē pei o se tasi o au auauna fafine.”+ 14  Ina ua fai le meaʻai, ona fai mai lea o Poasa iā te ia: “Inā faalatalata mai ia i inei, ma ʻai sau fasi falaoa+ ma fufui i le vineta.” Ona ia nofo lea i lalo i tafatafa o ē e selesele, ua ia tuu atu iā te ia o karite+ tunu ma ʻai ai, ua ia maʻona, ua totoe lana meaʻai. 15  Ua tulaʻi o ia e ao.+ Ua poloaʻi atu Poasa i ona tauleleʻa, e faapea: “Ia tuu atu o ia e ao mai fusi karite o loo totoe, aua foʻi neʻi outou faamāsiasi+ iā te ia. 16  Ia outou to mai ni karite mai i faaputuga mo ia, ia outou tuu na karite e ao e ia,+ aua foʻi neʻi outou taofia o ia.” 17  Ua faaauau ona ia ao i le fanua seʻia oo i le afiafipō,+ ona ia sasa lea+ o mea na ia aoina, ua tusa ma le efa+ o karite. 18  Ona ia sii aʻe lea ma alu i le aai, ua iloa foʻi e le tinā o lana tane mea na ia aoina. Ua ia ave aʻe foʻi meaʻai na totoe+ ina ua ia maʻona, ma avatu iā te ia. 19  Ua fai mai le tinā o lana tane iā te ia: “O fea na e ao ai i le asō, ma o fea foʻi na e galue ai? Ia manuia lē na manatu mai iā te oe.”+ Ua ia taʻu atu i le tinā o lana tane o le tagata na ia galue ai; ma ua ia faapea atu: “O le igoa o le tagata na ou galue ai i lona fanua i le asō, o Poasa.” 20  Ona fai mai lea o Naomi i le avā a lana tama: “Ia faamanuia o ia e Ieova,+ o lē e alofa faamaoni+ pea i ē o ola ma ē ua oti.”+ Ua fai mai foʻi Naomi iā te ia: “E aiga le tamāloa iā i tatou.+ O ia o se tasi e toe faatauina i tatou.”+ 21  Ua faapea atu foʻi Ruta le fafine Moapi: “Ua fai mai foʻi o ia iā te aʻu, ‘Ia e faalatalata atu pea i oʻu tagata talavou, seʻia o latou faauma laʻu seleselega atoa.’ ”+ 22  Ona fai mai lea o Naomi+ iā Ruta le avā a lana tama:+ “Laʻu tama e, e sili atu ona tou ō faatasi ma ana auauna fafine, ina neʻi o latou faasoesa atu iā te oe i se isi fanua.”+ 23  Ua faalatalata atu pea o ia i auauna fafine a Poasa e ao mai mea, seʻia uma le seleselega o karite+ ma le seleselega o saito. Ua faaauau foʻi ona ia nofo ma le tinā o lana tane.+

Faamatalaga Pito i Lalo