Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Ruta 1:1-22

1  I aso a o faia e faamasino o faamasinoga,+ na oo ai le oge+ i le nuu, ona alu atu lea o se tagata mai i Peteleema+ i Iuta e aumau ai o se tagata ese i fanua o Moapi,+ o ia, o lana avā, ma ona atalii e toʻalua.  O Elimeleka le igoa o le tagata, o Naomi le igoa o lana avā, ma o igoa foʻi o ona atalii e toʻalua o Maalona ma Kiliona, o tagata Efarata+ mai i Peteleema i Iuta. Ona latou ō atu lea i fanua o Moapi ma nonofo ai i inā.  Mulimuli ane, ona oti ai lea o Elimeleka le tane a Naomi, ae ua totoe ai e na o ia ma lana fanau tama e toʻalua.  Mulimuli ane, ona faiavā lea o tama i fafine Moapi.+ O le igoa o le tasi o Orepa, a o le igoa o le isi o Ruta.+ Ua latou nonofo ai pea i inā pe tusa ma le sefulu tausaga.  Ua mavae sina taimi, ona feoti ai foʻi lea o i laʻua, o Maalona ma Kiliona, ua totoe ai e na o le fafine, a ua leai lana fanau e toʻalua ma lana tane.  Ona tutū lea o ia ma avā a lana fanau, ma toe foʻi atu mai i fanua o Moapi, auā na ia faalogo a o iai i fanua o Moapi, ua liuliualo Ieova i lona nuu+ ma foaʻi atu meaʻai+ iā i latou.  Ona alu ese lea o ia mai i le mea na nofo ai,+ ma ua faatasi foʻi ma ia o avā a lana fanau, ua latou savavali pea i le ala e toe foʻi mai i le nuu o Iuta.  Mulimuli ane, ona fai mai lea o Naomi i avā a lana fanau: “Inā ō ia, ia toe foʻi atu e taʻitasi i le aiga o lona tinā. Tau ina ia alofa faamaoni Ieova iā te oulua,+ e pei ona oulua faia i a oulua tane ua feoti, atoa foʻi ma aʻu.+  Ia foaʻi atu e Ieova se meaalofa+ iā te oulua, ma ia maua e oulua taʻitoʻatasi le mapusaga+ i le aiga o lana tane.” Ona sogi+ atu lea o ia iā i laʻua, ma ua latou fetagisi leotetele. 10  Ua la fai atu pea iā te ia: “E leai, ae tatou te ō atu ma oe i lou nuu.”+ 11  A ua fai mai Naomi: “Inā toe foʻi atu ia laʻu fanau e. Aiseā e lua te ō ai ma aʻu? Pe e iai pea ni tama i loʻu manava, ma pe e avea ea i laʻua ma a oulua tane?+ 12  Inā toe foʻi ia, laʻu fanau e, auā ua ou loomatua, e lē mafai ona ou toe nofotane. Afai ou te fai atu ou te faamoemoe e maua saʻu tane i le pō nei ma maua ai saʻu fanau tama,+ 13  pe e te lua faatali pea ea seʻia matutua i laʻua? Pe e te lua nonofofua pea ea e lē faia ni a oulua tane? E leai, laʻu fanau e, auā ua ou tigā tele pe a ou mafaufau iā te oulua, ina ua oo mai iā te aʻu le aao o Ieova.”+ 14  Ua latou toe fetagisi leotetele, ona sogi atu lea o Orepa i le tinā o lana tane, ma alu. A ua pipii atu pea Ruta iā te ia.+ 15  Ona ia fai mai lea: “Faauta! Ua toe foʻi le avā a le uso o lau tane ua oti i lona nuu ma ona atua.+ Inā toe foʻi faatasi ia ma le avā a le uso o lau tane.”+ 16  Ona fai atu lea o Ruta: “Aua e te finau mai iā te aʻu ina ia ou tuulafoaʻi iā te oe, ia ou lē mulimuli atu iā te oe; auā o le mea e te alu i ai, ou te alu i ai, o le mea e te moe ai i le pō, ou te moe ai foʻi i le pō.+ O lou nuu e fai ma oʻu nuu,+ ma o lou Atua, o loʻu Atua foʻi lea.+ 17  O le mea e te oti ai, ou te oti ai,+ e tanu ai foʻi aʻu. Ia faapea ona faia e Ieova iā te aʻu ma faaopoopo+ i ai, pe afai e iai se mea e tuueseeseina ai i taʻua seʻi vaganā le oti.” 18  Ina ua ia iloa e lē suia lava lona manatu e ō faatasi ma ia,+ ona lē toe fai atu lea iā te ia. 19  Ua la ō pea i lo la ala seʻia oo i Peteleema.+ Ina ua la oo i Peteleema, ona vevesi ai lea o le aai atoa ona o i laʻua,+ ua faapea ane fafine: “Po o Naomi ea lenei?”+ 20  A ua ia fai atu i fafine: “Aua neʻi taʻua aʻu o Naomi. Ia taʻua aʻu o Mara, auā ua matuā oona mea ua faia e Lē e ona le malosi uma lava+ iā te aʻu.+ 21  Na ou tamaoaiga ina ua ou alu atu,+ a ua ou mativa ina ua toe faafoʻi mai aʻu e Ieova.+ Aiseā e tou te taʻua ai aʻu o Naomi, a o Ieova na ia faalumaina aʻu,+ ma ua faapuapuagatia aʻu e Lē e ona le malosi uma lava?”+ 22  Ua toe foʻi mai Naomi faatasi ma Ruta le fafine Moapi, o le avā a lana tama, ina ua toe foʻi mai mai i fanua o Moapi;+ ua la ō mai i Peteleema+ i le amataga o le seleselega o karite.*+

Faamatalaga Pito i Lalo

O le “karite” o se isi ituaiga saito. O le upu faa-Peretania o le barley.