Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Roma 9:1-33

9  O aʻu o se soo o Keriso,  ou te taʻu atu le upu moni;+ ou te lē pepelo,+ auā ua molimau mai iā te aʻu loʻu lotofuatiaifo i le agaga paia,  ua matuā mafatia ma tigā tele loʻu loto.+  Ua ou manaʻo e faateʻaese aʻu mai iā Keriso e pei o lē ua faamalaiaina, ona o oʻu uso,+ ma loʻu aiga i le tino,+  o i latou na o tagata Isaraelu,+ o ē na avea ma ataliifai+ o le Atua, na tuuina atu i ai le mamalu+ ma feagaiga,+ atoa ma le Tulafono,+ ma le auaunaga paia,+ ma folafolaga;+  o ē na tupuga mai ai augātamā,+ ma na tupuga mai ai foʻi ma Keriso i la le tino:+ E pule aoao le Atua,+ ma ia viia o ia e faavavau. Amene.  Peitaʻi, e leʻi faapea ua iʻuvale+ le afioga a le Atua. Auā o i latou na tupuga mai i Isaraelu, e lē o ni “Isaraelu”+ i latou uma.  E lē faapea o le fanau+ i latou uma ona na tutupu mai iā Aperaamo, ae ua tusia: “O lē e taʻua o ‘lau fanau,’ e auala mai lea iā Isaako.”+  O lona uiga la, o le fanau i le tino,+ e lē o le fanau moni lea a le Atua,+ a o le fanau o le folafolaga,+ ua taʻua o le fanau.  O le upu lenei na folafolaina: “Ou te toe sau i le taimi faapenei i le tausaga a sau, ma e maua ai e Sara se tama tama.”+ 10  E lē na o lea, ae faapea foʻi Repeka ina ua tō o ia i se masaga+ mai i le tagata e toʻatasi, o Isaako lea o lo tatou augātamā: 11  ma a o leʻi fananau mai i laʻua, pe la te faia foʻi ni mea lelei po o ni mea leaga,+ ina ia faalagolago pea le finagalo o le Atua e faatatau i le filifiliga, e lē i galuega a o Lē ua valaau mai,+ 12  ua faapea atu iā te ia: “E pologa le ulumatua i le uii.”+ 13  E pei ona tusia: “Na ou alofa iā Iakopo, ae na ou ʻinoʻino iā Esau.”+ 14  O le ā la sa tatou upu? Po ua fai mea lē tonu ea le Atua?+ Aua lava neʻi faapea! 15  Ua fetalai atu o ia iā Mose: “Ou te alofa mutimutivale i lē ua ou alofa mutimutivale i ai, ma ou te tigā alofa i lē ua ou tigā alofa i ai.”+ 16  E lē faalagolago i le tagata e manaʻo, po o lē e tamoʻe, ae e faalagolago i le Atua+ o lē e alofa mutimutivale.+ 17  Auā ua faapea mai Tusitusiga Paia iā Farao: “O le mea tonu lea ua ou lē faaumatiaina ai oe, ina ia faaalia ai loʻu mana e ala iā te oe, ma faailoa atu ai loʻu igoa i le lalolagi uma.”+ 18  Ua ia alofa mutimutivale foʻi i lē ua ia finagalo i ai,+ a ua ia tuu ai pea o lē e lotomaaa e faamaaa pea,+ e tusa ma lona finagalo. 19  Ona e faapea mai lea iā te aʻu: “Aiseā e vaavaai masei mai ai o ia? Auā o ai sē e tetee atu i lona finagalo ua faaalia?”+ 20  Le tagata e,+ o ai ea oe ua e finau atu ai i le Atua?+ Pe e faapea atu ea le mea ua faia i lē na faia o ia, “Aiseā ua e faia ai aʻu faapea?”+ 21  Pe e te lē iloa ea, e pule le faiipu omea+ i le omea, ina ia fai mai i le paluga lava e tasi le ipu e faaaogā mo mea taʻuleleia, a o le isi ipu mo mea faatauvaa?+ 22  O lenei, e ui lava ua finagalo le Atua e faaalia mai lona toʻasā ma faalauiloa ai lona mana, ae ua faapalepale o ia ma ua matuā onosaʻi i ipu o le toʻasā ua tatau i ai le faaumatiaga,+ 23  ina ia faalauiloa e ia le tele+ o lona mamalu i ipu+ o le alofa mutimutivale, na ia muaʻi saunia mo le mamalu,+ 24  o i tatou ia, o ē ua ia valaauina, e lē mai na o tagata Iutaia, ae atoa foʻi ma nuu ese,+ pe e iai ea se leaga o lenā mea? 25  E pei ona ia fetalai ai i le tusi o Hosea: “Ou te taʻua o ‘loʻu nuu’ o ē e lē o soʻu nuu+ ma ou te taʻua ua ‘alofaina’ le fafine ua lē alofagia;+ 26  ma i le mea na faapea atu ai iā i latou, ‘E lē o soʻu nuu outou,’ e taʻua ai i latou o ‘atalii o le Atua soifua.’ ”+ 27  Na alaga foʻi Isaia e faatatau iā Isaraelu e faapea: “E ui lava e pei o le oneone o le sami+ le toʻatele o le fanauga a Isaraelu, ae e faaolaina le vaega totoe.+ 28  Auā e faia e Ieova le faamasinoga i le lalolagi, ma faaiʻuina ai, ma e lē faatuai foʻi.”+ 29  E pei foʻi ona taʻua e Isaia i aso anamua: “Pe ana lē faatotoeina e Ieova o ʻau+ se fanau mo i tatou, semanū e pei i tatou o Sotoma, ma semanū foʻi e pei i tatou o Komoro.”+ 30  O le ā la sa tatou upu? E ui ina lē saʻilia e tagata o nuu ese le amiotonu, a ua latou maua le amiotonu,+ o le amiotonu lea e maua mai i le faatuatua;+ 31  a o Isaraelu, e ui lava ina latou saʻilia le tulafono o le amiotonu, ae latou te leʻi maua le tulafono.+ 32  Aiseā? Auā ua latou saʻilia e ala i galuega, ae lē o le faatuatua.+ Ua latou tausuai ona o le “maa e tausuai ai”;+ 33  e pei ona tusia: “Faauta! Ua ou tuuina i Siona se maa+ e tausuai ai ma le papa e tautevateva ai,+ ae o lē e faatuatua i ai, e lē faanoanoa o ia.”+

Faamatalaga Pito i Lalo