Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Roma 7:1-25

7  Pe e tou te lē iloa ea le ʻauuso e, (o loo oʻu talanoa atu i ē e iloa tulafono) e pule le Tulafono i le tagata a o ola o ia?+  Auā e noatia le fafine ua faaipoipo i le tulafono a lana tane a o ola le tane, ae afai e oti le tane, ona saʻoloto lea o ia mai i le tulafono a lana tane.+  O lea la, e taʻua o ia o sē e mulilua, pe afai e nonofo ma se isi tamāloa+ a o ola pea lana tane. Ae afai e oti lana tane, ona saʻoloto lea o ia mai i lana tulafono, ma e lē mulilua o ia pe a faaipoipo i se isi tamāloa.+  O lenei oʻu uso e, ua faapena foʻi ona outou oti e tusa ma le Tulafono+ i le tino o Keriso, ina ia fai outou mo se isi,+ o lē na faatūina mai i le oti,+ ina ia tatou fua mai ai ni fua+ i le Atua.  Ina ua tatou ola e tusa ma le tino,+ na galulue i o tatou tino tuʻinanauga agasala talu le Tulafono, ina ia fua mai ai ni fua e oti ai.+  A o lenei, ua tuusaʻoloto i tatou mai i le Tulafono,+ ona ua tatou oti+ i le mea na taofia ai i tatou, ina ia avea i tatou ma pologa+ ona o le agaga+ i se auala fou, ae e lē o le auala tuai i le tulafono na tusia.+  O le ā la sa tatou upu? Po o le agasala ea le tulafono?+ Ia aua lava neʻi manatu faapena! O le mea moni, ana leai le Tulafono, semanū ou te lē iloa le agasala.+ Auā foʻi ana lē fai mai le Tulafono “Aua e te manaʻo tele,”+ semanū ou te lē iloa le sesē o le manaʻo tele.+  A ua maua e le agasala se togafiti i le poloaʻiga,+ ona faatupu ai lea i totonu iā te aʻu o le manaʻo tele i mea uma lava. Auā ua oti le agasala a o leai se tulafono.+  Sa ou ola foʻi e aunoa ma le tulafono;+ ae ina ua oo mai le poloaʻiga,+ na toe ola ai le agasala, a ua ou oti.+ 10  Ua ou iloa o le poloaʻiga e ola ai,+ ua oo mai ai le oti.+ 11  Ona o le poloaʻiga na mafai ai e le agasala ona maileia+ aʻu ma ua fasiotia ai aʻu. 12  O lenei foʻi, e paia+ lava le Tulafono, ma e paia le poloaʻiga, e tonu,+ ma lelei.+ 13  Po ua avea ea le mea lelei ma mea ou te oti ai? Ia aua lava neʻi faapea! O le mea lenā na faia e le agasala, ina ia iloa mai o le agasala lea, e faatupuina ai le oti iā te aʻu i le mea lelei;+ ina ia iloa i le poloaʻiga,+ o le agasala e matuā leaga lava. 14  Auā ua tatou iloa e faaleagaga+ le Tulafono; a o aʻu o le tagata faaletino, ua faatauina atu i le agasala.+ 15  Auā ou te lē iloa mea ou te faia. Auā o le mea ou te loto i ai, o le mea lea ou te lē faia, a o le mea ou te ʻinoʻino i ai, o lea ou te faia. 16  Ae peitaʻi, afai ou te faia mea ou te lē loto i ai,+ ou te ioe e lelei le Tulafono.+ 17  E lē o aʻu e faia lea mea, a o le agasala o loo nofo i totonu iā te aʻu.+ 18  Auā ua ou iloa e leai se mea lelei ua nofo i totonu iā te aʻu, i loʻu tino lea.+ Auā ou te loto e fai le mea lelei,+ a ou te lē iloa ona fai+ o le mea lelei. 19  Ou te lē faia le mea lelei ou te loto i ai,+ a o le mea leaga ou te lē loto i ai, o le mea lea ou te faia. 20  O lenei, afai ou te faia le mea ou te lē loto i ai, e lē o aʻu e faia, a o le agasala o loo nofo i totonu iā te aʻu.+ 21  O lenei ua ou iloa le tulafono ua iā te aʻu; pe a ou loto atu e fai le mea lelei,+ ae ua iā te aʻu le leaga.+ 22  Ou te matuā naunau+ i le tulafono a le Atua e tusa ma le tagata+ i totonu, 23  ae ua ou iloa i loʻu tino+ se isi tulafono, o loo feteenaʻi+ ma le tulafono a loʻu mafaufau,+ ma ua faapologaina ai aʻu i le tulafono a le agasala+ o loo i loʻu tino. 24  Auē o aʻu le tagata malaia! O ai na te laveaʻiina aʻu mai i le tino e iʻu ai i loʻu oti?+ 25  Ia faafetaia le Atua ona o lo tatou Alii o Iesu Keriso!+ O lea, ua avea ai aʻu ma pologa i le tulafono a le Atua+ i loʻu mafaufau, ae i le tulafono a le agasala i loʻu tino.+

Faamatalaga Pito i Lalo