Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Roma 4:1-25

4  O lea la, o le ā sa tatou upu e uiga iā Aperaamo lo tatou augātamā e tusa i la le tino?+  Pe ana taʻuamiotonuina Aperaamo ona o galuega,+ semanū e iai se mea e mitamita ai, ae lē i luma o le Atua.  O le ā ua fai mai ai tusitusiga paia? “Na faatuatua Aperaamo iā Ieova, ma na silasila iā te ia o lē e amiotonu.”+  O le taui e maua e le tagata faigaluega,+ e vaai i ai o lona totogi*+ ae e lē ona o le agalelei faifua.+  A o le tagata e lē faigaluega ae e faatuatua+ i lē na te taʻuamiotonuina le tagata e lē amioatua, ua silasila i ai e amiotonu o ia i lona faatuatua.+  E pei foʻi ona taʻua e Tavita le fiafia o le tagata e silasila i ai le Atua e amiotonu e aunoa ma galuega:  “E fiafia i latou o ē e faamagaloina+ a latou solitulafono ma ua ufitia+ a latou agasala;  e fiafia foʻi le tagata e lē faitaulia e Ieova ana agasala.”+  Pe e na o tagata ua peritomeina e maua lenei fiafia, pe e fiafia foʻi ma tagata e lē peritomeina?+ Auā ua tatou faapea atu: “Na silasila i ai e amiotonu Aperaamo ona o lona faatuatua.”+ 10  O lē fea la tulaga na silasila i ai? Pe ina ua peritomeina o ia pe a o leʻi peritomeina?+ E lē ina ua peritomeina, ae a o leʻi peritomeina. 11  Na ia maua se faailoga,+ o le peritomeina lea, e avea ma faamaoniga* o le amiotonu ona o lona faatuatua a o leʻi peritomeina o ia, ina ia avea ai o ia ma tamā+ o i latou uma e faatuatua+ a o leʻi peritomeina, ina ia silasila i ai o ē e amiotonu. 12  O ia foʻi o le tamā o fanau ua peritomeina. E lē gata iā i latou o ē e tausisi i le peritomeina, a o i latou foʻi o ē e mulimulituʻi i tulagavae o le faatuatua o lo tatou tamā+ o Aperaamo, a o leʻi peritomeina. 13  Auā e lē o tulafono na maua ai e Aperaamo po o lana fanau le folafolaga+ e fai o ia ma suli o le lalolagi, ae e ala i le amiotonu ona o le faatuatua.+ 14  E faalēaogāina le faatuatua pe a tausisia pea le tulafono e i latou ua fai ma suli, ma ua soloia ai le folafolaga.+ 15  O le mea moni, o le Tulafono e oo mai ai le toʻasā,+ ae a leai se tulafono e leai foʻi se solitulafono.+ 16  O lea la, ua maua lenei mea ona o le faatuatua, ina ia tusa ma le agalelei faifua+ ina ia faamautinoa ai le folafolaga+ i lana fanau uma,+ e lē na o ē e tausisi i le Tulafono, a o ē foʻi e tausisi i le faatuatua o Aperaamo. (O ia o le tamā+ o i tatou uma lava, 17  e pei ona tusia: “Ua ou tofia oe e fai ma tamā o nuu e tele.”)+ Na faia lenei mea i luma o Lē na ia faatuatua i ai, o le Atua lea, o Lē na te toe faaolaina+ mai o ē ua maliliu, ma taʻua ai e ia mea e lē o iai e peiseaʻī ua iai.+ 18  E ui ua siliga se faamoemoe, ae na faatuatua+ o ia e faavae i le faamoemoe, ina ia avea o ia ma tamā o nuu e tele,+ e tusa ma le mea ua fetalai mai ai: “E faapena foʻi lau fanau.”+ 19  E ui e leʻi vaivai lona faatuatua, ae na ia manatu i lona lava tino ua oti,+ po ua selau ona tausaga,+ e faapea foʻi Sara ua lē mafai ona toe fanau.+ 20  Ae ona o le folafolaga+ a le Atua, e leʻi maluelue ai lona faatuatua,+ ae na malosi tele o ia i le faatuatua,+ ma vivii atu ai i le Atua, 21  ma ua matuā mautinoa e na te mafai foʻi ona faataunuu lana folafolaga.+ 22  O lea la, “ua silasila iā te ia o lē e amiotonu.”+ 23  Peitaʻi ua tusia, “ua silasila iā te ia”+ e lē na o ia lava+ 24  ae e mo i tatou foʻi o le a silasila i ai, auā ua tatou talitonu iā te ia, o lē na toe faatūina Iesu lo tatou Alii mai i le oti.+ 25  Na fasiotia o ia ona o a tatou agasala,+ ma toe faatūina o ia ina ia taʻuamiotonuina+ ai i tatou.

Faamatalaga Pito i Lalo

I le gagana Eleni, o le “aitalafu.”
Po o le “faamaufaailoga.”