Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Roma 3:1-31

3  O le ā la se mea e sili ai le Iutaia,+ po o le ā foʻi le aogā o le peritomeina?+  E tele mea e sili ai. Muamua lava, na tuuina atu iā i latou afioga paia a le Atua.+  A faapefea la? Afai e leʻi faatuatua nisi,+ po ua lē aogā ai ea la le faamaoni+ o le Atua, ona o lo latou lē faatuatua?+  Ia aua lava neʻi faapea! Ae ia tuu atu le faamaoni i le Atua,+ e ui ina pepelo tagata uma,+ auā ua tusia: “Ina ia iloa lou amiotonu i au upu, ma e mālō ai pe a faamasinoina oe.”+  Ae peitaʻi, o le ā sa tatou upu, pe afai ua faaalia i lumāmea le amiotonu+ a le Atua, ona o la tatou amiolētonu? Pe e amiolētonu+ ea le Atua pe a ia faaoo mai lona toʻasā? (Ou te tautala atu e pei o upu a tagata.)+  Ia aua lava neʻi faapea! A lē o lea, e faapefea ona faamasinoina e le Atua le lalolagi?+  Afai ua faasilisilia le faamaoni o le Atua+ ma tupu ai lona viiga ona o loʻu pepelo, aiseā la ua faamasinoina ai nei aʻu o se tagata agasala?+  Aiseā e lē faapea atu ai, e pei ona tuuaʻi sesē+ ai i tatou, ma e pei foʻi ona fai mai ai nisi tagata, ua tatou fai atu: “Inā tatou faia ia o mea leaga ina ia oo mai ai o mea lelei”?+ Ua tonu lava le faamasinoga+ i na tagata.+  A faapefea la? Po ua sili ea i matou?+ E leai lava! Auā ua uma ona tatou molia tagata Iutaia ma Eleni e faapea, e agasala uma lava.+ 10  E pei ona tusia: “E leai se tagata amiotonu, e leai lava se tasi;+ 11  e leai lava se tasi e iai le tofā mamao, e leai foʻi se tasi e saʻili i le Atua.+ 12  Ua liliuese tagata uma, ma ua lē aogā i latou uma; e leai se tasi e agalelei, e leai lava ma se tasi.”+ 13  “Ua pei o latou faaʻī o se tuugamau ua faamaga, ua tautatala o latou laulaufaiva i mea pepelo.”+ “O loo i o latou laugutu mea oona a le gata.”+ 14  “Ua tumu foʻi o latou gutu i upu fetuu ma upu faatigā.”+ 15  “Ua televavave o latou vae e sasaa le toto.”+ 16  “Ua na o le faatafunaina ma le puapuaga ua i o latou ala,+ 17  ma ua latou lē iloa le ala o le filemu.”+ 18  “Ua leai so latou mataʻu i le Atua.”+ 19  O lenei ua tatou iloa o mea uma ua fai mai ai le Tulafono,+ ua faatatau atu iā i latou o loo nonofo i le Tulafono, ina ia punitia ai gutu+ uma ma ia nofosala+ ai le lalolagi uma+ i luma o le Atua. 20  O lea la, e lē taʻuamiotonuina+ se tagata i ona luma ona o galuega o le tulafono, auā o le tulafono+ ua iloa lelei ai le agasala.+ 21  A o lenei, ua faaalia le amiotonu a le Atua+ e aunoa ma le tulafono, e pei ona molimau+ i ai le Tulafono+ ma le ʻau Perofeta;+ 22  ioe, o le amiotonu lea a le Atua e ala i le faatuatua iā Iesu Keriso+ iā i latou uma o ē e faatuatua,+ auā e tutusa uma lava.+ 23  Talu ai ua agasala+ tagata uma lava, ma ua lē ausia le mamalu o le Atua,+ 24  ma o se meaalofa+ foaʻifua le taʻuamiotonuina o i latou i lona agalelei faifua,+ ma ua faasaʻolotoina ai e ala i le togiola+ a Keriso Iesu. 25  Ua tuuina mai o ia e le Atua e fai ma taulaga ina ia tatou lelei ai ma le Atua,+ i le faatuatua i lona toto.+ Na faia lenei mea ina ia faaalia ai lana lava amiotonu, auā na ia faamagaloina agasala+ ua mavae, a o faapalepale+ mai pea le Atua; 26  ina ia faaalia ai lana lava amiotonu+ i le taimi nei, ma iloa ai lona amiotonu a o ia taʻuamiotonuina+ le tagata e faatuatua iā Iesu. 27  Aiseā la e mimita ai?+ E leai se māfuaaga. E ala i lē fea tulafono?+ Po o galuega ea?+ E leai lava, ae e ala i le tulafono o le faatuatua.+ 28  Auā ua tatou manatu, ua taʻuamiotonuina le tagata i le faatuatua ae lē o galuega o le tulafono.+ 29  Po o ia ea o le Atua mo na o tagata Iutaia?+ Pe e lē o ia ea foʻi o le Atua o tagata o nuu ese?+ Ioe, o ia foʻi o le Atua o tagata o nuu ese.+ 30  E moni e toʻatasi+ lava le Atua, o lē na te taʻuamiotonuina tagata peritomeina+ ona o le faatuatua, atoa ma tagata e lē peritomeina+ ona o lo latou faatuatua. 31  Po ua tatou faalēaogā ea le tulafono i lo tatou faatuatua?+ Ia aua lava neʻi faapea! Nai lo o lea, ua tatou faamausalīina ai le tulafono.+

Faamatalaga Pito i Lalo