Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Roma 11:1-36

11  O lea, ou te fesili atu ai, pe e na teena ea e le Atua ona tagata?+ E leai! Auā o aʻu foʻi o le Isaraelu,+ o le fanau a Aperaamo, e mai i le ituaiga o Peniamina.+  E leʻi teena e le Atua ona tagata, o ē na ia muaʻi uaʻi atu i ai.+ Pe tou te leʻi iloa ea le mea ua tusia i Tusitusiga Paia e faatatau iā Elia, ina ua ia faitio iā Isaraelu i luma o le Atua?+  Na ia faapea atu: “Ieova e, ua latou fasiotia au perofeta, ua latou elia ou fata faitaulaga, ua totoe mai na o aʻu, ma o loo latou saʻili e fasioti iā te aʻu.”*+  Ae o le ā le tali mai a le Atua+ iā te ia? “Ua ou faatotoeina le toʻafitu afe tamāloloa mo aʻu, o nei tane e leʻi tootutuli i latou iā Paala.”+  Ua faapea foʻi i le taimi nei, ua iai se vaega totoe+ o ē ua filifilia+ e tusa ma le agalelei faifua.  Afai e faia lenei mea ona o le agalelei faifua,+ e lē toe faia ona o galuega;+ ana lē faia faapea, semanū e lē toe avea ai le agalelei faifua ma agalelei faifua.+  Ae faapefea la? E leʻi maua+ e Isaraelu le mea na latou naunau e saʻilia, ae na maua e ē ua filifilia.+ Ae ua maaa loto o isi uma;+  e pei ona tusia: “Ua tuuina atu e le Atua iā i latou le agaga e moegase ai,+ o mata e lē vāai ai, o taliga e lē faalogo ai, ua oo mai lava i aso nei.”+  Ua faapea mai foʻi Tavita: “Ia avea la latou laoai* ma mailei, ma matāsele, ma mea e tausuai ai, ia fai foʻi ma taui iā i latou;+ 10  ia faapogisaina o latou mata ina ia lē mafai ai ona vāai, ma ia faanoʻunoʻu pea o latou tua.”+ 11  O lea la ou te fesili atu ai, Pe na tausuai ea i latou ina ia paʻuʻū ai?+ Ia aua lava neʻi faapea! Ae o la latou solitulafono+ ua maua ai e tagata o nuu ese+ le faaolataga, a ia faatupu ai iā i latou le fuā.+ 12  Afai o la latou solitulafono ua oo ina tamaoaiga ai le lalolagi, ma o le faaitiitia o i latou ua tamaoaiga ai tagata o nuu ese,+ e atili ai ona tamaoaiga ona o le aofaʻiga atoa+ o i latou! 13  O lenei, ou te tautala atu iā te outou tagata o nuu ese. Auā o aʻu foʻi o le aposetolo+ o nuu ese,+ ou te faamamaluina+ laʻu faiva,+ 14  pe a mafai ona ou faatupu le fuā i oʻu tagata, ma faaolaina+ nisi o i latou.+ 15  Auā afai o le lafoaʻiina+ o i latou ua faia ai se leleiga+ mo le lalolagi, ae po ua lē maua ai ea le ola mai i le oti ona o le taliaina o i latou? 16  Afai e paia le vaega muamua, o uluaʻi fua ia,+ e paia foʻi le paluga atoa; ma afai e paia+ le aa, e paia foʻi lālā. 17  Ae peitaʻi, afai ua gauia ese nisi o lālā, a o oe, e ui o le olive vao, a ua faapipiiina atu iā i latou,+ ona tofusia faatasi ai lea i le tele o mea lelei+ mai i le aa o le olive,+ 18  aua le mitamitavale ona o na lālā. Ae afai ua e mitamitavale ona o lālā,+ ia manatua e lē o oe ua ola ai le aa,+ a o le aa ua e ola ai.+ 19  E te ono faapea mai: “A ua gauia ese+ lālā ina ia faapipii atu i ai aʻu.”+ 20  Ua lelei! Ona o lo latou lē faatuatua,+ ua gauia ese ai i latou, a ua e tumau ona o le faatuatua.+ Soia le manatu faamaualuga,+ a ia e mataʻu.+ 21  Auā afai e leʻi faasaoina e le Atua lālā moni, e na te lē faasaoina foʻi oe.+ 22  Vaai i le agalelei+ ma le toʻasā+ o le Atua. E lē fiafia+ o ia iā i latou ua paʻuʻū ese, ae e te maua le agalelei o le Atua, pe afai e te tumau+ i lona agalelei; a lē faia faapea, e salaeseina foʻi oe.+ 23  E faapea foʻi i latou, afai e toe faatuatua, e toe faapipiiina i ai,+ auā e mafai e le Atua ona toe faapipiiina i latou. 24  Afai e salaeseina oe mai i le olive vao, ma faapipiiina+ i le olive moni na totō e ui e lē o se mea e masani ai, e sili atu ona faapipiiina lālā moni i lo latou lava laau olive!+ 25  Le ʻauuso e, ou te manaʻo ina ia outou iloa lenei mea lilo paia,+ ina ia aua neʻi o outou faafiapopoto: ua faamaaaina manatu+ o le toʻatele o Isaraelu, seʻia ō mai i totonu le aofaʻiga atoa+ o tagata o nuu ese,+ 26  ma o le auala lenei e faaolaina ai Isaraelu+ uma. E pei ona tusia: “E sau mai i Siona+ le faaola, ma faateʻaeseina amioga leaga mai i le fanauga a Iakopo.+ 27  O laʻu feagaiga lenei ua faia ma i latou,+ pe a ou aveesea a latou agasala.”+ 28  E moni, ona o le tala lelei ua avea ai i latou ma fili mo lo outou lelei,+ ae ona o le filifiliga a le Atua, ua alofagia ai i latou ona o o latou augātamā.+ 29  Auā e lē salamō+ lava le Atua i ana meaalofa ma lana valaau. 30  E pei ona sa outou lē usiusitaʻi+ muamua i le Atua, a ua maua nei le alofa mutimutivale+ ona o lo latou lē usiusitaʻi,+ 31  o le lē usiusitaʻi foʻi o i latou nei, ua iʻu ai ina outou maua le alofa mutimutivale,+ ua mafai ai foʻi ona maua e i latou nei le alofa mutimutivale. 32  Auā ua punitia e le Atua i latou uma faatasi i le lē usiusitaʻi,+ ina ia mafai ai ona ia alofa mutimutivale+ iā i latou uma. 33  Maʻeu le tele o le tamaoaiga,+ ma le atamai+ atoa ma le silafaga+ a le Atua! E lē masuʻesuʻeina ana faamasinoga,+ ma e lē mafai foʻi ona iloa ona ala! 34  Auā “po o ai ua na iloa le finagalo+ o Ieova, o ai foʻi na te faatonuina+ o ia?” 35  Po “O ai foʻi na muaʻi foaʻi atu se mea iā te ia, ina ia toe totogi mai iā te ia?”+ 36  Auā e mai iā te ia, ma e ala iā te ia, e iʻu atu foʻi iā te ia mea uma lava.+ Ia iā te ia le mamalu e oo i le faavavau.+ Amene.

Faamatalaga Pito i Lalo

Po ua “latou saʻili i loʻu ola.”
Po o le “taumafataga.”