Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Roma 1:1-32

1  O aʻu o Paulo o le pologa+ a Iesu Keriso, ua valaauina+ e avea ma aposetolo,+ ua tofia* mo le tala lelei+ a le Atua,  lea na ia muaʻi folafola mai i Tusitusiga Paia e ala i ana perofeta,+  e faatatau i lona Alo, o lē na fanau mai i le aiga o Tavita+ i le itu faaletino.+  O lē na folafolaina mai o le Alo+ o le Atua e tusa ma le mana+ o le agaga paia,+ e ala i le toetū mai i le oti,+ ioe, o Iesu Keriso lea o lo tatou Alii.  O ia ua tatou maua ai le agalelei faifua+ ma le tofiga o ni aposetolo,+ ina ia usiusitaʻi nuu uma+ i le faatuatua ona o lona suafa,  ua valaauina foʻi outou mai ia atunuu ina ia avea ma soo o Iesu Keriso.  O laʻu tusi lenei iā i latou uma o i Roma ua alofagia e le Atua, o ē ua valaauina+ e avea ma le ʻaupaia:+ Ia iā te outou le agalelei faifua ma le filemu+ mai le Atua lo tatou Tamā, ma le Alii o Iesu Keriso.+  E muamua lava ona ou faafetai+ i loʻu Atua e ala iā Iesu Keriso ona o outou, auā ua taʻua+ lo outou faatuatua i le lalolagi atoa.  O le Atua o loo oʻu faia i ai le auaunaga paia ma loʻu agaga atoa, e tusa ma le tala lelei i lona Alo, o loo molimau+ o ia i aʻu tatalo e lē aunoa mo outou,+ 10  ma ou te ʻaiʻoi atu foʻi iā te ia pe a tusa ai ma lona finagalo,+ ina ia ou manuia ma ia ou alu atu iā te outou. 11  Ua ou matuā naunau lava e fia feiloaʻi ma outou,+ ina ia ou avatu ni meaalofa faaleagaga+ e faatumauina ai outou; 12  ma ia tatou fefaalaeiauaʻi+ ai i le faatuatua,+ o outou atoa ma aʻu. 13  Ae ou te manaʻo ina ia outou iloa le ʻauuso e,+ e tele lava taimi na ou fuafua ai e alu atu iā te outou,+ ina ia ou maua ni fua+ mai iā te outou e pei foʻi o isi nuu uma, ae ua taofia aʻu e oo mai i le taimi nei. 14  Ua iai loʻu tiute tauave* i tagata Eleni ma nuu ese, o ē e atamamai+ ma ē e lē malamalama: 15  o lea la, ua ou naunau tele ai e folafola atu le tala lelei+ iā te outou foʻi i Roma.+ 16  Ou te lē mā+ i le tala lelei; ona o le mana+ lea o le Atua e faaolaina ai ē ua faatuatua,+ e muamua+ i tagata Iutaia atoa ma Eleni;+ 17  auā ua iloa e i latou o ē faatuatua,+ o le mea lenei ua faaalia ai le amiotonu+ a le Atua, ma ua faamalosia ai lo latou faatuatua, auā ua tusia: “O lē e amiotonu, e ola o ia i le faatuatua.”+ 18  Ua faaalia le toʻasā+ o le Atua mai le lagi i amioga faalēmataʻu ma amioga lē tonu+ a tagata, o ē ua taofiofia ma le lē tonu+ le upu moni,+ 19  auā o mea e mafai ona latou iloa e uiga i le Atua,+ ua faailoa atu e le Atua iā i latou.+ 20  Auā o ona uiga lē vaaia,+ ua vaaia lava ia talu ona foafoaina le lalolagi,+ ona ua mafai ona vaaia i mea na faia,+ e oo foʻi i lona mana e faavavau+ ma lona tulaga o le Atua,+ o lea ua lē mautali ai i latou.+ 21  E ui lava ina latou iloa le Atua, ae e latou te leʻi faamamaluina o ia pe e faafetaia foʻi o ia,+ ua faavaleaina o latou mafaufau+ ma ua faapouliuligia o latou loto vālea.+ 22  Ua vālea+ i latou e ui ina manatu ua atamamai i latou 23  ma fesuiaʻi le mamalu+ o le Atua o lē e soifua pea lava, ina ia pei o le faatusa+ o le tino o le tagata iʻuvale, ma manufelelei, o manu vaefā, ma manu fetolofi.+ 24  Ona o tuʻinanauga o o latou loto, ua tuu ai pea i latou e le Atua i amioga lē mamā,+ ina ia faaleagaina+ ai o latou tino,+ 25  e oo foʻi i ē na fesuiaʻia le upu moni+ a le Atua ma le upu pepelo,+ ma na latou tapuaʻi ma avatu le auaunaga paia i mea na foafoaina, ae e lē o Lē na foafoaina nei mea uma, o lē e viia e faavavau. Amene. 26  O le mea lea ua tuu ai pea i latou e le Atua i o latou tuʻinanauga i feusuaʻiga e māsiasi ai,+ auā ua fesuiaʻi e fafine tū e masani ai, i tū e lē masani ai.+ 27  E faapena foʻi tane, ua latou tuua tū e masani ai ma fafine,+ a ua mū i le tuʻinanau e feusuaʻi ma isi tane+ ma faia amioga matagā,+ ma tauia ai i latou+ i mea sesē ua latou faia.+ 28  Talu ai latou te leʻi mananaʻo e iloa lelei le Atua,+ na tuu ai pea i latou e le Atua i o latou mafaufauga leaga+ e faia mea e lē tatau,+ 29  ua tutumu i latou i le amiolētonu uma lava,+ o le amioleaga,+ o le manaʻo tele,+ o le faalēmataʻu,+ o le matauʻa,+ o le fasioti tagata,+ o le femisaaʻi,+ o le taufaasesē,+ o le taulamalama,+ o le faitala,+ 30  o le taumuimui,+ o ē e ʻinoʻino i le Atua, o le fiasili,+ o le faamaualuga,+ o le fia tagata,+ o le faitogafiti i mea leaga,+ o le lē usitaʻi i mātua,+ 31  o le lē malamalama,+ o le lē tausisi i maliega,+ o le lē lotoaiga,+ ma ē e lē alolofa mutimutivale.+ 32  E ui lava ina latou iloa lelei le poloaʻiga tonu mai le Atua+ e faapea, e tatau ona oti+ i latou o ē e faia mea faapena, ae e lē gata ina latou faia pea na mea, a ua fiafia foʻi i ē ua faia na mea.+

Faamatalaga Pito i Lalo

I le gagana Eleni, ua “vavae ese mo le tala lelei.”
I le gagana Eleni, “ua ou nofo aitalafu i tagata.”