Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Opetaia 1:1-21

 O le faaaliga a Opetaia: O le fetalaiga lenei a le Alii Pule Silisili Ese o Ieova e faatatau iā Etoma:+ “Ua tatou faalogo i se tala mai iā Ieova, ma ua auina atu foʻi se avefeʻau i atunuu, ‘Tulaʻi ia outou, seʻi o tatou sii atu i ai le taua.’ ”+  “Faauta! Ua ou faia oe ia faatauvaa i atunuu.+ Ua matuā inosia lava oe.+  O le faamaualuga o lou loto ua faasesēina ai oe,+ o oe o lē e nofo i mea malupuipuia  o le papa,+ e maualuga le mea e nofo ai o ia, ma ua faapea ifo i lona loto, ‘O ai sē e na te ave ifo aʻu i lalo i le eleele?’  Afai e te faia lou nofoaga ia maualuga e pei o le aeto, pe faia foʻi lou faamoega i fetu, ou te ave ifo oe i lalo mai i lenā mea,”+ ua fetalai mai ai Ieova.  “Ana ō atu iā te oe ni tagata gaoi, pe ana ō atu foʻi ni ʻaufaomea i le pō, pe e matuā faatamaʻia ai oe?+ Pe e latou te lē gaoia ea e na o mea latou te manaʻomia? Ana ō atu iā te oe o ē e tau vine, pe e latou te lē faatotoeina ai ea ni nai vine ina ia aoina?+  Ua matuā suʻesuʻeina lava le fanau a Esau!+ Ua matuā saʻilia foʻi ana oloa ua natia!  Ua latou tuli lava oe e oo i le tuaoi. Ua faasesēina+ oe e tagata uma o ē sa osi feagaiga ma oe. Ua manumalo iā te oe tagata na nonofo filemu ma oe.+ E tuu e i latou e aai faatasi ma oe se upega e fai ma mailei iā te oe, e pei o oe o sē e leai se faautaga loloto.+  Pe e lē o le mea ea lea o le a tupu i lenā aso?” ua fetalai mai ai Ieova. “Ou te faaumatia o ē e atamamai i Etoma,+ ma le faautaga loloto i vaega maugā o Esau.  Timanu e,+ e atuatuvale ou tagata totoa,+ talu ai o le a faaumatia+ i latou i vaega maugā o Esau, auā o le a fasiotia i latou taʻitoʻatasi.+ 10  Talu ai faiga sauā i lou uso o Iakopo,+ o le a ufitia oe i le mā+ ma o le a faaumatia foʻi oe e faavavau.+ 11  O le aso sa e tūtū ai ma vaavaai ane, o le aso sa ave faapagota ai e tagata ese ana ʻautau,+ ma ulu atu ai tagata mai i isi atunuu i faitotoʻa o ona pā,+ ma latou faia le vili mo Ierusalema,+ na pei ai foʻi oe o se tasi o i latou. 12  “Ae ua lē tatau ona e vaavaai atu ma le lotofiafia i le aso leaga o lou uso,+ o le aso o lona puapuaga; ua lē tatau foʻi ona e olioli ona o atalii o Iuta i le aso o lo latou faaumatiaga;+ ua lē tatau ona e tautala faamaualuga i le aso o lo latou puapuaga. 13  Ua lē tatau ona e ulu atu i le faitotoʻa o le pā o loʻu nuu i le aso o lo latou malaia.+ O oe foʻi, ua lē tatau ona e autilo atu i lona puapuaga i le aso o lona malaia; ua lē tatau foʻi ona tuu atu lou lima i ana oloa i le aso o lona malaia.+ 14  Ua lē tatau ona e tū i magāala ina ia faaumatia ona tagata ua sosola;+ ma ua lē tatau foʻi ona e avatua ona tagata ua faasaoina i ona fili i le aso o le puapuaga.+ 15  Auā ua latalata mai le aso o Ieova faasaga i atunuu uma.+ E faia iā te oe, e pei ona e faia iā te ia.+ E toe iʻu atu lava i luga o lou ulu mea na e faia.+ 16  E pei ona outou feinu i loʻu mauga paia, e faapea foʻi ona feinu pea atunuu uma.+ O le a latou feinu ma folo faatopetope le ipu o le toʻasā o le Atua, ma avea i latou e peiseaʻī e leʻi feola mai. 17  “O le a iai i le Mauga o Siona o ē e sosola,+ ma e avea o se mea paia;+ o le aiga foʻi o Iakopo e fai mo i latou lava, o a latou lava mea.+ 18  E fai le aiga o Iakopo ma afi,+ e fai le aiga o Iosefa ma afi mumū, e fai foʻi le aiga o Esau ma tagutugutu o saito;+ e ao ona latou faamū ma faatamaʻia i latou. E leai foʻi se tasi e faasaoina i le aiga o Esau;+ auā ua fetalai mai ai Ieova. 19  E fai mo i latou Nekepi, e oo foʻi i le vaega maugā o Esau,+ o Sefila, ma Filisitia.+ E fai mo i latou fanua o Efaraima+ ma fanua o Samaria,+ ae e fai Kiliata+ mo Peniamina. 20  A o ē e ave faapagota mai i tua o lenei mea maupuʻepuʻe,+ o le fanauga a Isaraelu ia, o le a fai mo i latou mea ua i tagata Kanana+ e oo i Sarefata.+ O ē e ave faapagota o Ierusalema, o i latou ia o iai i Sefarata e fai mo i latou aai o Nekepi.+ 21  “O le a tulaʻi mai i le Mauga o Siona+ o ē e faaola,+ ina ia faamasino i vaega maugā o Esau;+ ma e fai foʻi Ieova ma tupu.”+

Faamatalaga Pito i Lalo