Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Numera 32:1-42

32  Ua matuā tele lava lafumanu a atalii o Reupena+ ma atalii o Kato.+ Ua latou vaavaai atu foʻi i le laueleele o Iasaru+ ma le laueleele o Kiliata, faauta! o se laufanua lelei mo lafumanu.  Ona ō mai lea o atalii o Kato ma atalii o Reupena ma faapea mai iā Mose ma Eleasaro le ositaulaga ma taʻitaʻi o le faapotopotoga:  “O Atarota,+ o Tipona,+ o Iasaru, o Nimara,+ o Hesepona,+ o Eleale,+ o Sepema, o Nepo+ ma Peona,+  o le laufanua lea na faatoʻilaloina+ e Ieova i luma o le faapotopotoga o Isaraelu, o le laufanua e lelei mo lafumanu, ma o loo iai lafumanu a au auauna.”+  Ua latou faapea atili mai: “Afai e te lotomalie iā i matou, ia tuu mai lenei laufanua i au auauna e fai mo i matou. Aua neʻi tuua i matou e sopoʻia Ioritana.”+  Ona faapea atu lea o Mose i atalii o Kato ma atalii o Reupena: “Pe e ō ea o outou uso i le taua a o nonofo pea outou i inei?+  Aiseā foʻi tou te faalotovaivai ai i le fanauga a Isaraelu mai i le ō atu i le laueleele lea o le a avatu e Ieova iā i latou?  O le mea lenā na faia e o outou tamā+ ina ua ou aauina atu i latou mai i Katesapanea+ e mataʻi le laueleele.  Ina ua latou ō aʻe i le vanu o Esekolo+ ma vāai atu ai i le laueleele, ona latou faalotovaivai ai lea o le fanauga a Isaraelu, ina ia aua neʻi ō atu i le laueleele lea o le a avatu e Ieova iā i latou.+ 10  Ona matuā toʻasā ai lea o Ieova i lenā aso ma tautō mai e faapea,+ 11  ‘O le a lē vāai tane na ō mai mai i Aikupito e lua sefulu tausaga agaʻi i luga le matutua,+ i le laueleele lea na ou tautō atu ai iā Aperaamo, Isaako, ma Iakopo,+ auā ua latou lē matuā mulimuli mai iā te aʻu, 12  seʻi vaganā ai Kalepo+ le atalii o Iefune le tagata Kinasa ma Iosua+ le atalii o Nuno, auā ua la matuā mulimuli iā Ieova.’ 13  Ona matuā toʻasā ai lea o Ieova iā Isaraelu ma ia tuu ai i latou e feofeoaʻi solo i le toafa mo le fā sefulu tausaga,+ seʻia feoti le tupulaga atoa na faia mea leaga i le silafaga a Ieova.+ 14  A o lenei o outou o ni tagata agasala, ua outou faia le mea na faia e o outou tamā ma atili toʻasā tele ai Ieova+ iā Isaraelu. 15  Afai tou te liliuese mai i le mulimuli iā te ia,+ e mautinoa e na te faaumiumi ona toe tuu i latou e nonofo i le toafa,+ ma e tou te faapogaia mea leaga e oo i lenei nuu.”+ 16  Mulimuli ane, ua latou ō atu iā te ia ma faapea mai: “Ia tuu mai i matou seʻi fausia i inei ni pā maa mo lafumanu ma ni aai mo a matou fanau. 17  A o i matou, e matou te sauni mo le taua+ e ō muamua i luma o le fanauga a Isaraelu seʻia matou avatu i latou i lo latou laueleele, ae e nonofo a matou fanau i aai malupuipuia mai i tagata o le atunuu. 18  E matou te lē toe foʻi i o matou aiga seʻiloga ua maua e le fanauga a Isaraelu o latou fanua, e taʻitasi ma lona lava tofi.+ 19  Auā e lē maua so matou tofi faatasi ma i latou mai i le isi itu o Ioritana ma tala atu, ae e maua lo matou tofi i lenei itu o Ioritana i le itu e oso aʻe ai le lā.”+ 20  Ona fai atu lea o Mose iā latou: “Afai tou te faia lenei mea, afai tou te sauni mo le taua i luma o Ieova,+ 21  ma sopoʻia Ioritana e i latou uma ua sauni i le taua mai iā te outou i luma o Ieova, seʻia tulia e ia ona fili mai i ona luma,+ 22  ma ua faatoʻilaloina le atunuu i luma o Ieova,+ a mavae ona outou toe foʻi lea,+ ona saʻoloto lea o outou mai i le nofosala iā Ieova ma Isaraelu; e fai mo outou tofi lenei laueleele i luma o Ieova.+ 23  Afai tou te lē faia faapea, o le a outou agasala iā Ieova.+ Afai o lea ia outou iloa e tuliloaina lava outou e a outou agasala.+ 24  Ia outou fausia mo outou ma a outou fanau ni aai, ma ni pā maa mo a outou lafumanu, ma ia outou faatino mea uma ua outou fai mai ai.”+ 25  Ona faapea mai ai lea o atalii o Kato ma atalii o Reupena iā Mose: “O le a faia e au auauna mea uma ua poloaʻi mai ai lo matou alii.+ 26  E nonofo i le aai o Kiliata a matou fanau, o a matou avā, o a matou lafumanu ma a matou manu lalata uma,+ 27  ae o le a sopoʻia le isi itu e au auauna o ē ua sauni mo le ʻautau,+ i luma o Ieova e tau ai le taua, e pei ona fai mai ai lo matou alii.” 28  Ua taʻu atu e Mose le poloaʻiga e faatatau iā i latou iā Eleasaro le ositaulaga, ma Iosua le atalii o Nuno, ma i ulu o aiga mai i ituaiga o le fanauga a Isaraelu. 29  Ua fai atu Mose iā i latou: “Afai e sopoʻia e atalii o Kato ma atalii o Reupena Ioritana faatasi ma outou, o i latou uma ua sauni mo le taua,+ i luma o Ieova, ma e faatoʻilaloina le atunuu i o outou luma, e ao ona outou avatu e fai mo latou le laueleele o Kiliata.+ 30  E ao ona latou sopoʻia faatasi ma outou a o sauni mo le taua, afai e leai e ao ona latou nonofo faatasi ma outou i le laueleele o Kanana.”+ 31  Ona tali mai ai lea o atalii o Kato ma atalii o Reupena: “O mea ua fetalai mai ai Ieova i au auauna, o mea ia matou te faia.+ 32  E matou te sopoʻia a o sauni mo le taua i luma o Ieova i le laueleele o Kanana,+ ma o le a iai o matou fanua i lenei itu o Ioritana e fai ma o matou tofi.”+ 33  Ona avatu lea e Mose iā i latou, o atalii ia o Kato+ ma atalii o Reupena+ ma le ʻafa o le ituaiga o Manase+ o le atalii o Iosefa, o le malo o Sekono+ le tupu o tagata Amorī ma le malo o Oko+ le tupu o Vasana, o le laueleele ma aai o ia vaipanoa ma aai o le laueleele ua soo ai lea mea. 34  Ua fausia e atalii o Kato o Tipona,+ o Atarota,+ o Aroeru,+ 35  o Atirota-sofano, o Iasaru,+ o Iakepea,+ 36  o Petenimara+ ma Petearana+ o aai malupuipuia+ ma pā maa mo lafumanu.+ 37  Ua fausia e atalii o Reupena o Hesepona,+ o Eleale,+ o Kiriataima,+ 38  o Nepo,+ o Paalameona,+ ua suia igoa, ma Sepena; ona latou faaigoa lea o ia aai i isi igoa o aai ia na latou fausia. 39  Ona ō atu ai lea i Kiliata o atalii o Makiro+ le atalii o Manase, ma ua latou faatoʻilaloina Kiliata ma tuliese tagata Amorī sa iai i lea atunuu. 40  Ona foaʻi atu lea e Mose o Kiliata* iā Makiro le atalii o Manase ma ua ia nofo ai i inā.+ 41  Ua alu atu Iairo le atalii o Manase ma faatoʻilaloina o latou nuu ma ua ia faaigoa foʻi i ai o Havota-iairo.+ 42  Ua alu atu Nopa ma faatoʻilaloina Kinata+ ma ona tamaʻi aai; ua ia faaigoa foʻi i ai i lona lava igoa o Nopa.

Faamatalaga Pito i Lalo

O se vaega o le vaipanoa o Kiliata.