Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Numera 29:1-40

29  “ ‘E ao ona outou faia se tauaofiaga paia+ i le aso muamua o le masina lona fitu. Aua neʻi outou faia ai ni galuega mamafa.+ O le aso foʻi lenā e fai ai le iligāpū iā te outou.+  E ao ona outou faia se taulaga mū i le tamaʻi povi poʻa e tasi, o le mamoe poʻa e tasi, o mamoe poʻa e fitu e taʻitasi tausaga e matuā lelei lava, e fai ma mea manogi e faamalieina ai Ieova;+  o taulaga i meaʻai ia e avatu faatasi ma manu, o le falaoamata ua iai sina suāuu, o le tolu vaesefulu o le efa mo le povi poʻa, o le lua vaesefulu o le efa mo le mamoe poʻa,+  ma le tasi vaesefulu o le efa mo tamaʻi mamoe poʻa taʻitasi e fitu;+  ma le ʻoti e tasi e fai ai le taulaga o agasala ina ia fai ma togisala mo outou;+  e ese mai i taulaga mū faalemasina+ ma le taulaga i meaʻai,+ o taulaga mū faifai pea+ ma le taulaga i meaʻai,+ faatasi ma taulaga i meainu,+ e tusa ma taualumaga masani mo ia mea, o se mea manogi e faamalieina ai, o le taulaga iā Ieova ua faia i le afi.+  “ ‘E ao ona outou faia se tauaofiaga paia+ i le aso lona sefulu o lea masina lona fitu, ma e ao ona outou faapuapuagatia* ai iā te outou.+ Aua neʻi outou faia ai ni galuega.+  E ao ona outou aumaia se tamaʻi povi poʻa e tasi, o se mamoe poʻa e tasi, o tamaʻi mamoe poʻa e fitu e taʻitasi tausaga e faia ai le taulaga mū iā Ieova, o se mea manogi e faamalieina ai.+ E ao ona outou vaavaai ua matuā lelei lava ia manu.+  O taulaga i meaʻai mo ia taulaga, o le tolu vaesefulu o le efa o le falaoamata lelei ua iai sina suāuu mo le povi poʻa, o le lua vaesefulu o le efa mo le mamoe poʻa e tasi,+ 10  ma le tasi vaesefulu o le efa mo tamaʻi mamoe poʻa taʻitasi e fitu;+ 11  o le tamaʻi ʻoti e tasi e fai ai le taulaga o agasala, e ese mai i le taulaga o agasala o le togisala+ ma le taulaga mū faifai pea ma le taulaga i meaʻai atoa ai ma taulaga i meainu.+ 12  “ ‘E ao ona outou faia se tauaofiaga paia+ i le aso lona sefulu lima o le masina lona fitu.+ Aua neʻi outou faia ai ni galuega mamafa,+ ma e ao ona outou tausia se tausamiga iā Ieova i aso e fitu.+ 13  E ao ona outou aumaia ni tamaʻi povi poʻa e sefulu tolu, o mamoe poʻa e lua, o tamaʻi mamoe poʻa e sefulu fā e taʻitasi tausaga e faia ai le taulaga mū,+ o le taulaga ua faia i le afi, o se mea manogi e faamalieina ai Ieova. E ao ona matuā lelei lava ia manu.+ 14  O taulaga i meaʻai mo ia taulaga, o le tolu vaesefulu o le efa o le falaoamata lelei ua iai sina suāuu mo povi poʻa taʻitasi e sefulu tolu, o le lua vaesefulu o le efa mo mamoe poʻa taʻitasi e lua,+ 15  ma le tasi vaesefulu o le efa mo tamaʻi mamoe poʻa taʻitasi e sefulu fā;+ 16  ma le tamaʻi ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai atoa ai ma taulaga i meainu.+ 17  “ ‘Ia aumaia i le aso lona lua o tamaʻi povi poʻa e sefulu lua, o mamoe poʻa e lua, o tamaʻi mamoe poʻa e sefulu fā e taʻitasi tausaga e matuā lelei lava;+ 18  atoa ma taulaga i meaʻai+ ma taulaga i meainu+ mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma taualumaga masani;+ 19  ma le tamaʻi ʻoti e tasi e fai ai le taulaga o agasala,+ e ese mai i le taulaga mū faifai pea ma le taulaga i meaʻai atoa ai ma taulaga i meainu.+ 20  “ ‘Ae i le aso lona tolu o povi poʻa e sefulu tasi, o mamoe poʻa e lua, o tamaʻi mamoe poʻa e sefulu fā e taʻitasi tausaga e matuā lelei lava;+ 21  atoa ma taulaga i meaʻai+ ma taulaga i meainu+ mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma taualumaga masani; 22  ma le tamaʻi ʻoti e tasi e fai ai le taulaga o agasala,+ e ese mai i le taulaga mū faifai pea ma le taulaga i meaʻai atoa ai ma taulaga i meainu. 23  “ ‘Ae i le aso lona fā o povi poʻa e sefulu, o mamoe poʻa e lua, o tamaʻi mamoe poʻa e sefulu fā e taʻitasi tausaga e matuā lelei lava;+ 24  atoa ma taulaga i meaʻai+ ma taulaga i meainu+ mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma taualumaga masani;+ 25  ma le tamaʻi ʻoti e tasi e fai ai le taulaga o agasala,+ e ese mai i le taulaga mū faifai pea+ ma le taulaga i meaʻai atoa ai ma taulaga i meainu.+ 26  “ ‘Ae i le aso lona lima o povi poʻa e iva, o mamoe poʻa e lua, o tamaʻi mamoe poʻa e sefulu fā e taʻitasi tausaga e matuā lelei lava;+ 27  atoa ma taulaga i meaʻai+ ma taulaga i meainu+ mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma taualumaga masani;+ 28  ma le tamaʻi ʻoti e tasi e fai ai le taulaga o agasala,+ e ese mai i le taulaga mū faifai pea ma le taulaga i meaʻai atoa ai ma taulaga i meainu.+ 29  “ ‘Ae i le aso lona ono o povi poʻa e valu, o mamoe poʻa e lua, o tamaʻi mamoe poʻa e sefulu fā e taʻitasi tausaga e matuā lelei lava;+ 30  atoa ma taulaga i meaʻai+ ma taulaga i meainu+ mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma taualumaga masani;+ 31  ma le tamaʻi ʻoti e tasi e fai ai le taulaga o agasala,+ e ese mai i le taulaga mū faifai pea ma le taulaga i meaʻai atoa ai ma taulaga i meainu.+ 32  “ ‘Ae i le aso lona fitu o povi poʻa e fitu, o mamoe poʻa e lua, o tamaʻi mamoe poʻa e sefulu fā e taʻitasi tausaga e matuā lelei lava;+ 33  atoa ma taulaga i meaʻai+ ma taulaga i meainu+ mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma taualumaga masani;+ 34  ma le tamaʻi ʻoti e tasi e fai ai le taulaga o agasala,+ e ese mai i le taulaga mū faifai pea ma le taulaga i meaʻai atoa ai ma taulaga i meainu.+ 35  “ ‘E ao ona outou faia se fonotaga paia+ i le aso lona valu. Aua neʻi o outou faia ai ni galuega mamafa.+ 36  E ao ona outou aumaia se povi poʻa e tasi, o se mamoe poʻa e tasi, o tamaʻi mamoe poʻa e fitu e taʻitasi tausaga e matuā lelei lava, e fai ai le taulaga mū, o le taulaga ua faia i le afi, o se mea manogi e faamalieina ai Ieova;+ 37  atoa ma taulaga i meaʻai+ ma taulaga i meainu+ mo le povi poʻa, o le mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma taualumaga masani;+ 38  ma le tamaʻi ʻoti e tasi e fai ai le taulaga o agasala,+ e ese mai i le taulaga mū faifai pea ma le taulaga i meaʻai atoa ai ma taulaga i meainu.+ 39  “ ‘O mea ia tou te fai taulaga ai iā Ieova i aso o outou tausamiga,+ e ese mai i a outou taulaga o tautoga+ ma a outou taulaga tauofo+ e fai ma a outou taulaga mū,+ o a outou taulaga i meaʻai,+ o a outou taulaga i meainu,+ ma a outou taulaga faifaatasi.’ ”+ 40  Ona taʻu atu lea e Mose i le fanauga a Isaraelu o mea uma na poloaʻi mai ai Ieova iā Mose.+

Faamatalaga Pito i Lalo

E ono faasino atu i le anapogi ma isi faasāsāaga faapea.