Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Numera 25:1-18

25  Ua nonofo Isaraelu i Setima.+ Ona amata lea ona faia e tagata o feusuaʻiga lē mamā ma afafine o tagata Moapi.+  Ua ō mai fafine ma valaaulia tagata e ō atu i taulaga ua faia i o latou atua,+ ona aai lea o tagata o le nuu i taulaga ma ifo i o latou atua.+  O lea la, ua tapuaʻi tagata Isaraelu iā Paala o Peoro;+ ona matuā toʻasā ai lea o Ieova iā Isaraelu.+  Ua fetalai mai Ieova iā Mose: “Ia pupuʻe o ē ua faauluulu i ai le nuu, ma fasiotia i latou ma faatautau o latou tino i le lā i luma o Ieova,+ ina ia vāai i ai tagata ma liliuese ai le toʻasā tele o Ieova mai iā Isaraelu.”  Ona fai atu lea o Mose i faamasino o Isaraelu:+ “Ia taʻitasi outou ma fasioti+ ona tagata o ē ua tapuaʻi iā Paala o Peoro.”  Ae vaai! ua sau se tasi o tane+ o le fanauga a Isaraelu ma aumai se fafine Mitiana+ e latalata i le mea ua iai ona uso, a o vāai i ai Mose atoa ma le faapotopotoga uma o le fanauga a Isaraelu, a o fetagisi i latou i le faitotoʻa o le faleʻie o le feiloaʻiga.  Ua vaai atu i ai Fineaso+ le atalii o Eleasaro, o le atalii o Arona le ositaulaga, ona tulaʻi loa lea o ia mai i le faapotopotoga ma ave le tao umī i lona lima.  Ua mulimuli atu o ia i le tane o Isaraelu i le faleʻie,* ua tui ma ua ati ai iā i laʻua, o le tane o Isaraelu atoa ma le fafine i ona totogasā. Ona taofia ai lea o le mala i le fanauga a Isaraelu.+  O i latou na feoti i le mala e toʻalua sefulu fā afe.+ 10  Ona fetalai mai lea o Ieova iā Mose e faapea: 11  “Ua liliuese e Fineaso+ le atalii o Eleasaro, o le atalii o Arona le ositaulaga, loʻu ita tele+ i le fanauga a Isaraelu, e ala i lona lē lagolagoina o lo latou lē faamaoni iā te aʻu,+ o le mea lea ua ou lē faaumatia ai le fanauga a Isaraelu ona o loʻu maumauaʻi e tapuaʻi mai tau lava o aʻu.+ 12  O le mea lea ia e fai atu ai, ‘Ou te tuuina atu iā te ia laʻu feagaiga o le filemu. 13  Ia fai ma feagaiga o le faiva o ositaulaga mo se taimi umi mo ia, ma lana fanau pe a mavae atu o ia,+ talu ai na te leʻi lagolagoina le lē faamaoni i lona Atua,+ ma na ia faia foʻi le togisala mo le fanauga a Isaraelu.’”+ 14  O le igoa foʻi o le tane Isaraelu ua oti lea na fasiotia faatasi ma le fafine Mitiana, o Semeri le atalii o Salu, o se taʻitaʻi+ o le ʻauaiga o se tasi o tamā mai i le ituaiga o Simeona. 15  A o le igoa o le fafine Mitiana o lē na fasiotia, o Kosepi le afafine o Suro;+ o ia foʻi o se ulu o se ʻauaiga o se tasi o tamā mai i Mitiana.+ 16  Mulimuli ane, ua fetalai mai Ieova iā Mose e faapea: 17  “Ia faatigā i tagata Mitiana, ma e ao ona outou fasiotia i latou,+ 18  auā ua latou faatigā iā te outou i a latou gaoioiga faaʻoleʻole+ na latou faia iā te outou i le mataupu a Peoro,+ ma le mataupu iā Kosepi+ le afafine o se tasi o taʻitaʻi Mitiana, o lo latou tuafafine lea na fasiotia+ i le aso na tupu ai le mala, ona o le mataupu a Peoro.”+

Faamatalaga Pito i Lalo

Po o le potu o fafine i totonu o le faleʻie.