Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Numera 21:1-35

21  Ua logotala le tupu o Arata,+ o se tagata Kanana o lē e nofo i Nekepi+ ua ō mai tagata Isaraelu i le ala o Atarima, ona ia tau lea ma Isaraelu ma ave faapagota nisi o i latou.  Ona faia lea e tagata Isaraelu o se tautoga iā Ieova ma faapea atu:+ “Afai e te tuuina mai lava lenei nuu i o matou lima, matou te matuā faaumatia o latou aai.”+  Ua faafofoga Ieova i le leo o tagata Isaraelu ma tuuina atu tagata Kanana iā i latou; ua latou matuā faaumatia i latou ma o latou aai. O lea ua latou taʻua ai lea mea o Horema.*+  A o latou malaga ese mai i le Mauga o Horo,+ i le ala i le Sami Ulaula ina ia ui i autafa o Etoma,+ ua lē lavavā tagata ona o le ala.  Ua faaauau ona faitio tagata i le Atua+ ma Mose:+ “Aiseā ua oulua aumaia ai i matou mai i Aikupito ina ia feoti i le toafa?+ Auā ua leai ni meaʻai po o ni vai,+ ma ua matou ʻinoʻino i lenei meaʻai e lē manaia.”+  Ona auina mai lea e Ieova o gata uogo+ i le nuu, ma ua ū ai pea tagata e ia gata, ua feoti ai foʻi le toʻatele o tagata Isaraelu.+  Mulimuli ane, ua ō mai le nuu iā Mose ma faapea mai: “Ua matou agasala,+ ona ua matou faaseā iā Ieova atoa ma oe. Ia faatoga atu iā Ieova ina ia aveese ia gata mai iā i matou.”+ Ona faatoga atu lea o Mose mo le nuu.+  Ua fetalai mai Ieova iā Mose: “Ia e faia se gata uogo ma tuu i luga o le pou. Afai e ū e le gata se tasi, e ao ona ia vaavaai atu i le gata ona ola ai pea lea o ia.”+  Ona faia loa lea e Mose o se gata mai i le ʻapamemea+ ma tuu i luga o le pou;+ ma a ū le tagata e se gata, e vaavaai+ atu o ia i le gata ʻapamemea, ona ola ai pea lea o ia.+ 10  Ua mavae lea ona malaga ese lea o le fanauga a Isaraelu mai i lea mea ma faatutū o latou faleʻie i Opoto.+ 11  Ua latou malaga ese mai i Opoto ma faatutū o latou faleʻie i Ieaperima+ i le toafa o loo feagai ma Moapi, i le itu e oso aʻe ai le lā. 12  Ua latou malaga ese mai i inā ma faatutū o latou faleʻie e lata ane i le vanu o Sareta.+ 13  Ua latou ō ese mai i lea mea ma faatutū o latou faleʻie e latalata ane i Arinona,+ o loo i le toafa e alu atu i le tuaoi o tagata Amorī; auā o Arinona o le tuaoi o Moapi, i le va o Moapi ma tagata Amorī. 14  O le mea lea ua faapea mai ai i le tusi o Taua a Ieova: “O Vaepa* i Sufo ma ālia o Arinona, 15  e alu atu le vanu ma ona ālia i le mea ua iai Aro+ ma e ui ane i le tuaoi o Moapi.” 16  Ona latou malaga ese lea ma taunuu i Pere.+ O le vaieli lea ua fetalai mai ai Ieova iā Mose: “Ia faapotopoto mai le nuu ma ou te avatu le vai iā te i latou.”+ 17  Ona pepese ai lea o tagata Isaraelu i lenei pese:+ “Le vaieli e, Inā e puna aʻe ia! O outou le fanau a tagata, Ia tali atu i ai! 18  O le vaieli na eli e perenise. Ua elia e tamālii o le nuu lenei mea, Ua eli i le tootoo o le taʻitaʻi,+ i o latou lava tootoo.” Ua latou tuua le toafa ma malaga atu i Matanaa. 19  Ua latou tuua Matanaa ma malaga atu i Nalielu, ma mai i Nalielu e oo atu i Pamota.+ 20  Ua tuua Pamota ma malaga atu i le vanu ua iai i le laufanua o Moapi,+ i le tumutumu o Peseka,+ e i luga aʻe o le vaipanoa o Iesimoni.+ 21  Ona aauina atu lea e Isaraelu o avefeʻau iā Sekono+ le tupu o tagata Amorī ma faapea atu: 22  “Seʻi o matou ui ane i lou laueleele. E matou te lē afe ane i se fanua po o se togāvine. E matou te lē feinu foʻi i se vai o se vaieli. E matou te malaga i le auala a le tupu seʻia o matou sopoʻia lou laueleele.”+ 23  Ua lē faatagaina e Sekono Isaraelu e ui ane i lona laueleele,+ ae ua faapotopoto e Sekono ona tagata uma ma ō atu e faafetaui Isaraelu i le toafa, ma ua oo atu i Iaesa,+ ona tau lea ma Isaraelu. 24  Ona fasiotia lea o ia e Isaraelu i le pelu+ ma ua fai foʻi mo i latou lona laueleele,+ e amata mai i Arinona+ e oo atu i Iapoka,+ e latalata i atalii o Amoni; auā o Iasaru+ o le tuaoi lea o atalii o Amoni.+ 25  Ua maua foʻi e Isaraelu ia aai uma, ma ua nonofo Isaraelu i aai uma o Amorī,+ i Hesepona+ ma ona tamaʻi aai uma. 26  Auā o Hesepona o le aai o Sekono.+ O ia o le tupu o tagata Amorī,+ o ia foʻi lea na tau ma le tupu o Moapi ma aveese mai iā te ia ona laueleele uma e oo lava i Arinona.+ 27  O le mea lea ua faapea mai ai ē e tautatala i alagāupu tauemu: “Ō mai ia i Hesepona. Ia fausia le aai o Sekono ma ia malosi lona faavae. 28  Auā ua alu aʻe se afi mai i Hesepona,+ o le afi mumū mai i le aai o Sekono. Ua mū ai Aro+ i Moapi, o ē e ana mea maualuga i Arinona. 29  Oi talofa iā te oe Moapi! O le a fano lava oe, O tagata o Kimosa!+ O le a ia faia ona atalii ma ē e maumausolo ma ona afafine o le a ave faapagota e le tupu o tagata Amorī, o Sekono. 30  Ia tatou osofaʻia i latou. E faaumatia lava Hesepona e oo atu i Tipona,+ E fano fafine e oo i Nofa, ma e fano foʻi tane e oo i Metepa.”+ 31  Ua nonofo Isaraelu i laueleele o le ʻau Amorī.+ 32  Ona aauina faalilolilo atu lea e Mose o nisi e mataʻi Iasaru.+ Ua latou mauaina ona tamaʻi aai ma tuliese le ʻau Amorī na i lea mea.+ 33  Mulimuli ane ua latou liliu ma ō aʻe i le ala i Vasana.+ O le mea lea ua sau ai Oko+ le tupu o Vasana ina ia faafetaui i latou, o ia ma ona tagata uma e tau le taua i Eterei.+ 34  Ua fetalai mai Ieova iā Mose: “Aua e te fefe iā te ia,+ auā ou te tuuina atu o ia i lou lima atoa ma ona tagata uma ma ona laueleele;+ e te faia iā te ia le mea e pei ona e faia iā Sekono le tupu o tagata Amorī, o lē sa nofo i Hesepona.”+ 35  Ua latou fasiotia o ia ma ona atalii ma ona tagata uma, seʻia oo ina lē toe iai se isi e totoe iā te ia;+ ona latou ave lea mo i latou o lona laueleele.+

Faamatalaga Pito i Lalo

O lona uiga, “O le Mea ua Faaumatia.”
E foliga mai o se nofoaga e lē mautinoa le mea o iai. E lata ane i le vanu o Arinona.