Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Numera 2:1-34

2  Ua fetalai mai Ieova iā Mose ma Arona e faapea:  “E tatau ona faatutū e le fanauga a Isaraelu o latou faleʻie, ia taʻitasi le tagata ma faia i le mea ua iai o latou ituaiga e tolu,+ i le mea ua iai faailoilo o le aiga o o latou tamā. E tatau ona faatutū o latou faleʻie faataamilo i le faleʻie o le feiloaʻiga.  “O le itu i sasaʻe i le mea e oso aʻe ai le lā, e faatutū ai faleʻie o ituaiga e tolu. E taʻimua Iuta i o latou ʻautau, o le taʻitaʻi mo atalii o Iuta, o Naasona+ le atalii o Aminatapu.  E toʻafitu sefulu fā afe ono selau lana ʻautau, o i latou ia ua lesitalaina.+  O i latou e faatutū o latou faleʻie i ona autafa, o le ituaiga o Isakara,+ o le taʻitaʻi o atalii o Isakara, o Netanielu+ le atalii o Suaro.  E toʻalima sefulu fā afe fā selau lana ʻautau, o i latou ia ua lesitalaina.+  Atoa foʻi ma le ituaiga o Sepulona; o le taʻitaʻi o atalii o Sepulona, o Eliapo+ le atalii o Horona.  E toʻalima sefulu fitu afe fā selau lana ʻautau, o i latou ia ua lesitalaina.+  “O i latou uma ua lesitalaina i le ʻautau a Iuta, e toʻaselau valu sefulu ono afe fā selau. O i latou ia e tatau ona ō muamua.+ 10  “I le itu i saute e faatutū ai faleʻie o ituaiga e tolu, e taʻimua Reupena+ i o latou ʻautau, ma o le taʻitaʻi o atalii o Reupena, o Elisura+ le atalii o Seturo. 11  E toʻafā sefulu ono afe lima selau lana ʻautau, o i latou ia ua lesitalaina.+ 12  O i latou e faatutū o latou faleʻie i ona autafa, o le ituaiga o Simeona, o le taʻitaʻi o atalii o Simeona, o Selumielu+ le atalii o Surisatai. 13  E toʻalima sefulu iva afe tolu selau lana ʻautau, o i latou ia ua lesitalaina.+ 14  Atoa foʻi ma le ituaiga o Kato; o le taʻitaʻi o atalii o Kato, o Eliasafo+ le atalii o Reuelu. 15  E toʻafā sefulu lima afe, ono selau lima sefulu lana ʻautau, o i latou ia ua lesitalaina.+ 16  “O i latou uma ua lesitalaina i le ʻautau a Reupena, e toʻaselau lima sefulu tasi afe, fā selau lima sefulu, o i latou ia e tatau ona sosoo atu i le vaega muamua.+ 17  “Pe a oo i le taimi e sii ai le faleʻie o le feiloaʻiga,+ e ao ona iai le ʻau sa Levī+ i le ogatotonu o isi togālauapi. “E pei ona latou faatutū o latou faleʻie, o le auala foʻi lenā e ao ona latou ō ai,+ e taʻitasi ma le mea ua tofia ai i o latou ituaiga e tolu. 18  “I le itu i sisifo e faatutū ai faleʻie o ituaiga e tolu, e taʻimua Efaraima+ i o latou ʻautau, ma o le taʻitaʻi o atalii o Efaraima, o Elisama+ le atalii o Ameuta. 19  E toʻafā sefulu afe, lima selau lana ʻautau, o i latou ia ua lesitalaina.+ 20  O i latou i ona autafa, o le ituaiga o Manase, o le taʻitaʻi o atalii o Manase,+ o Kamalielu+ le atalii o Petasura. 21  E toʻatolu sefulu lua afe, lua selau lana ʻautau, o i latou ia ua lesitalaina.+ 22  Atoa foʻi ma le ituaiga o Peniamina;+ o le taʻitaʻi o atalii o Peniamina o Apitano,+ le atalii o Kitione. 23  E toʻatolu sefulu lima afe, fā selau lana ʻautau, o i latou ia ua lesitalaina.+ 24  “O i latou uma ua lesitalaina i le ʻautau a Efaraima, e toʻaselau ma le valu afe, ma le selau, o i latou ia e tatau ona sosoo atu i le vaega lona lua.+ 25  “I le itu i mātū e faatutū ai faleʻie o ituaiga e tolu, e taʻimua Tanu i o latou ʻautau, ma o le taʻitaʻi o atalii o Tanu, o Aisera+ le atalii o Amisatai. 26  E toʻaono sefulu lua afe, fitu selau lana ʻautau, o i latou ia ua lesitalaina.+ 27  O i latou e faatutū o latou faleʻie i ona autafa, o le ituaiga o Asera, o le taʻitaʻi o atalii o Asera, o Pagielu+ le atalii o Okirano. 28  E toʻafā sefulu tasi afe, lima selau lana ʻautau, o i latou ia ua lesitalaina.+ 29  Atoa foʻi ma le ituaiga o Nafatali;+ o le taʻitaʻi o atalii o Nafatali, o Akira+ le atalii o Enano. 30  E toʻalima sefulu tolu afe, fā selau lana ʻautau, o i latou ia ua lesitalaina.+ 31  “O i latou uma ua lesitalaina i le ʻautau a Tanu, e toʻaselau lima sefulu fitu afe, ono selau. O i latou ia e tatau ona ō mulimuli+ e tusa i o latou ituaiga e tolu.” 32  O i latou nei ua lesitalaina o atalii o Isaraelu e tusa ma aiga o o latou tamā; o i latou uma ua lesitalaina e tusa ma a latou ʻautau, e toʻaono selau ma le tolu afe, lima selau lima sefulu.+ 33  Peitaʻi e leʻi lesitalaina le ʻau sa Levī+ i atalii o Isaraelu, e pei ona poloaʻi mai ai Ieova iā Mose. 34  Ona faia lea e le fanauga a Isaraelu e pei ona poloaʻi mai ai Ieova iā Mose.+ O le auala lenā na latou faatutū ai o latou faleʻie i o latou ituaiga e tolu,+ ua faapena foʻi ona latou ō,+ e taʻitasi le tagata ma lona ituaiga e tusa ma le aiga o lona tamā.

Faamatalaga Pito i Lalo