Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Numera 19:1-22

19  Ona fetalai mai lea o Ieova iā Mose ma Arona e faapea:  “O le aiāiga lenei o le tulafono ua poloaʻi mai ai Ieova, e faapea, ‘Ia fai atu i le fanauga a Isaraelu, e ao ona latou aumai iā te oe se povi mūmū e matuā lelei lava, e aunoa ma se faalētonu+ ma e leʻi oo foʻi i ai se amo.+  E ao ona oulua avatu le povi iā Eleasaro le ositaulaga, e na te ave i tua o le togālauapi, ma fasia ai i ona luma.  Ona ave lea e Eleasaro le ositaulaga se vaega o le toto o le povi i lona tamatamaʻilima ma sausau faafitu i le eleele i luma lava o le faleʻie o le feiloaʻiga.+  E ao ona susunuina le povi i ona luma. E susunuina lona paʻu, o lona aano, o lona toto faatasi ma ona otaota.+  E ao i le ositaulaga ona ave le laau o le arasi,+ o le lālā isopo,+ ma mea ua vali mūmū sesega+ ma togi i le afi lea ua susunuina ai le povi.  E ao i le ositaulaga ona tatā ona ofu ma tāʻele lona tino i le vai, ona sau ai lea o ia i le togālauapi; ae e lē mamā le ositaulaga seʻia oo i le afiafipō.  “ ‘O lē na susunuina le povi e na te tatā ona ofu i le vai, e tāʻele foʻi lona tino i le vai,+ ma e lē mamā o ia seʻia oo i le afiafipō.  “ ‘E ao i se tagata o loo mamā ona aoao mai lefulefu+ o le povi ma tuu i se nofoaga mamā i tua o le togālauapi; ma e ao ona teuina mo le vai e faamamā ai,+ lea e faaaogā e le faapotopotoga o le fanauga a Isaraelu. O le taulaga lea o agasala. 10  O lē e aoaoina lefulefu o le povi, e ao ona tatā ona ofu ma e lē mamā ai seʻia oo i le afiafipō.+ “ ‘E faia lenei mea ma tulafono mo se taimi umi mo le fanauga a Isaraelu ma le tagata ese ua aumau iā te i latou.+ 11  O so o se tasi e paʻi i le tino o se tagata oti+ e lē mamā i aso e fitu.+ 12  E ao i lea tagata ona faamamā o ia lava i lea vai i le aso lona tolu,+ ona mamā ai lea o ia i le aso lona fitu. Ae afai e na te lē faamamāina o ia lava i le aso lona tolu, e lē mamā o ia i le aso lona fitu. 13  O tagata uma e papaʻi i le tino o so o se tagata oti, ma na te lē faamamāina o ia lava, ua ia faaleagaina le faleʻie paia o Ieova,+ ma e tatau ona fasiotia lea tagata mai i tagata Isaraelu.+ Talu ai ona e leʻi sausauina i ona luga le vai mo le faamamāina,+ ua lē mamā ai pea o ia. Ua lē mamā pea o ia.+ 14  “ ‘O le tulafono lenei pe a oti se tane i le faleʻie: O i latou uma e ulufale atu i lea faleʻie ma ē o loo iai i le faleʻie, e lē mamā i latou mo aso e fitu. 15  E lē mamā tanoa+ uma e leʻi faamauina* lelei tapuni. 16  E lē mamā i aso e fitu o so o se tasi i le fanua e paʻi atu i se isi ua fasiotia i le pelu,+ po o se tino oti, po o se ponaivi o se tagata,+ po o se tuugamau. 17  E ao ona latou ave ni lefulefu mo lē ua lē mamā mai i le mea na mū, o le taulaga lea o agasala, ma tuu i se ipu ona sasaa lea i ai o ni vai mai i le vaipuna. 18  Ona ave lea e se tagata mamā+ o le lālā isopo+ ma lolō i le vai ma sausau ai le faleʻie ma ipu uma, ma tagata ua iai i lea mea, i luga foʻi o lē na paʻi i se ponaivi, po o se isi ua fasiotia, po o se tino oti, po o se tuugamau. 19  E ao i le tagata o loo mamā ona sausau le vai i luga o lē e lē o mamā i le aso lona tolu atoa ma le aso lona fitu, ona faamamāina ai lea o ia mai i le agasala i le aso lona fitu;+ e ao foʻi ona ia tatā ona ofu ma tāʻele i le vai, ona mamā ai lea o ia i le afiafipō. 20  “ ‘A o le tagata ua lē mamā ma ua lē faamamāina o ia lava, e ao ona fasiotia o ia,+ auā ua ia faaleagaina le faleʻie paia o Ieova. E leʻi sausauina le vai e faamamā ai i ona luga. Ua lē mamā o ia. 21  “ ‘Ia fai lenei mea ma tulafono mo se taimi umi mo i latou, e ao i lē ua sausauina le vai mo le faamamāina ona tatā ona ofu,+ e faapea foʻi i lē e paʻi i le vai mo le faamamāina. E lē mamā o ia seʻia oo i le afiafipō. 22  O mea uma e paʻi i ai lē ua lē mamā e lē mamā foʻi ia mea,+ ma o le tagata e paʻi i ia mea e lē mamā o ia seʻia oo i le afiafipō.’ ”+

Faamatalaga Pito i Lalo

Po ua “faamauina le ufiufi i le manoa.”