Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Numera 12:1-16

12  Ua faitio Miriama ma Arona iā Mose ona o lana avā mai i Kuso, auā na ia faiavā i se fafine Kuso.+  Ua la faapea ane: “Po ua fetalai mai ea Ieova e ala na o Mose? Po ua lē fetalai mai ea foʻi o ia e ala iā i taʻua?”+ Ua faafofoga i ai Ieova.+  O Mose, o le tagata e sili ona agamalu+ i tagata uma ua i luga o le fogāeleele.  Ona fetalai faafuaseʻi mai lea o Ieova iā Mose ma Arona ma Miriama: “Inā ō atu ia outou e toʻatolu i le faleʻie o le feiloaʻiga.” Ona ō atu ai lea o i latou e toʻatolu.  Ona afio ifo lea o Ieova i le ao faaniutū+ ma ua tū i le faitotoʻa o le faleʻie ma valaau mai iā Arona ma Miriama. Ona la ō mai ai lea.  Ua ia fetalai mai: “Faamolemole, ia faalogo mai i aʻu upu. Afai e iai so outou perofeta mo Ieova, ou te faailoa atu aʻu iā te ia e ala i se faaaliga.+ Ou te tautala atu iā te ia i se miti.+  Ae e lē faapea i laʻu auauna o Mose!+ Ua faamaoni o ia i le vaavaaia o loʻu aiga atoa.+  Ua ou tautala tuusaʻo atu iā te ia,+ ma ou faailoa manino atu iā te ia, e lē ala i ni tupua;*+ ma e na te vaaia le faatasi mai o Ieova.+ Aiseā ua oulua lē fefefe ai e faitio i laʻu auauna o Mose?”+  Ona matuā toʻasā ai lea o Ieova iā i laʻua, ma ua ia afio ese ai. 10  Ua alu ese le ao mai i le faleʻie, faauta! ua taia Miriama i le lepela, ua paʻepaʻe e pei o le kiona.+ Ona faliu atu lea o Arona iā Miriama, vaai foʻi! ua taia o ia i le lepela.+ 11  Ona fai mai loa lea o Arona iā Mose: “Auē loʻu alii e! Faamolemole, aua neʻi tuuaʻia i maʻua i le agasala lea na ma faia ma le lē mafaufau!+ 12  Faamolemole, aua neʻi tuua o ia e pei o se pepe ua oti,+ o lē ua palagia le tasi itu o lona tino ina ua fanau mai i le manava o lona tinā!” 13  Ona alaga lea o Mose iā Ieova e faapea: “Faamolemole le Atua e, faamolemole ia faamālōlō i loʻu tuafafine!”+ 14  Ua fetalai mai Ieova iā Mose: “Pe afai e feanu+ saʻo lava lona tamā i ona foliga, pe e lē faamāina ai ea o ia i aso e fitu? Ia faanofoesea+ o ia i tua o le togālauapi+ mo aso e fitu, pe a mavae lea ona toe taliaina ai lea o ia.”+ 15  Ona faanofoesea lea o Miriama i tua o le togālauapi mo aso e fitu,+ ma e leʻi malaga ese le nuu seʻia toe talia Miriama. 16  Mulimuli ane ua malaga ese le nuu mai i Haserota+ ma ua faatutū o latou faleʻie i le toafa o Parana.+

Faamatalaga Pito i Lalo

Po o ni upu lilo po o faataoto. O le upu faa-Peretania riddles.