Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Neemia 6:1-19

6  Ina ua taʻu atu iā Sanepalata,+ o Tovia,+ o Gesemu+ le tagata Arapi,+ ma o matou fili uma e faapea, ua ou toe fausia le pā+ ma ua leai se pū o totoe (e ui e oo ane i lenā taimi ou te leʻi faatutūina faitotoʻa+ o le pā),+  ona auina mai loa lea e Sanepalata ma Gesemu o se feʻau iā te aʻu, e faapea: “Inā sau ia, seʻi o tatou filifili se aso e feiloaʻi+ faatasi ai i se tasi o nuu o le vanu laugatasi o Ono.”+ Ae peitaʻi, ua latou faufau e fai se mea leaga iā te aʻu.+  Ona ou aauina atu lea o avefeʻau iā i latou,+ ua faapea atu: “O loo oʻu faia se galuega tele,+ ma e lē mafai ona ou alu ifo. Aiseā e taofia ai le galuega ma ou alu ese e alu ifo ai iā te outou?”+  Ae peitaʻi, e faafā ona la auina mai iā te aʻu o lenā lava feʻau, ma na ou tuuina atu iā i latou le tali lava e tasi.  Mulimuli ane, ua auina mai e Sanepalata+ lana auauna iā te aʻu ma le feʻau lava lea e tasi, ua faalima ai lea, ua i lona lima foʻi se tusi ua tatala.  O loo tusia ai: “Ua logotala atunuu i lenei mea, ma ua fai mai Gesemu+ o loo e taupulepule ma tagata Iutaia e fouvale.+ O le mea lenā ua e fausia ai le pā; ua pei foʻi oe o se tupu iā i latou,+ e tusa ai ma nei upu.  E iai foʻi perofeta ua e tofia ina ia talaʻiina atu oe iā Ierusalema atoa, e faapea, ‘Ua iai se tupu i Iuta!’ A o mea faapenei e taʻu atu lava i le tupu. O lenei, ia e sau seʻi o tatou talanoa faatasi.”+  Ae peitaʻi, na ou auina atu iā te ia se feʻau e faapea: “O mea e pei ona e fai mai ai, e leai ni mea faapena o faia,+ ae o mea lava ua e fatu i lou lava loto.”+  Auā ua latou taumafai uma e faafefe i matou, ua faapea ane: “E faavaivaia o latou lima+ i le galuega, ma lē māeʻa ai.” O lenei, le Atua e, ia e faamalosia oʻu lima.+ 10  Ona ou ulu atu lea i le fale o Semaia le atalii o Talaia, le atalii o Meatapala a o loka o ia.+ Na ia faapea mai: “Seʻi o ta filifilia se aso ta te feiloaʻi ai+ i le fale o le Atua moni i le malumalu,+ ma ta tapunia faitotoʻa o le malumalu; auā ua ō mai i latou e fasioti iā te oe, e latou te ō mai i le pō+ e fasioti iā te oe.” 11  Ae na ou faapea atu: “Pe e sola ea se tagata e pei o aʻu?+ O ai ea foʻi se tasi e pei o aʻu e mafai ona ulu atu i le malumalu ma ola ai?+ Ou te lē ulu atu lava!” 12  Ona ou suʻesuʻeina lea ma iloa ai, e leʻi auina mai o ia e le Atua,+ a ua ia tautala+ i lenei valoaga e faasagatau mai ai iā te aʻu, auā na totogi o ia e Tovia ma Sanepalata.+ 13  O le mea lea na totogi ai o ia+ ina ia ou fefe+ ai ma faia faapea, ma ou agasala+ ai lava ma avea ai o se mea e faaleagaina ai loʻu talaaga iā i latou,+ ina ia latou faalumaina ai aʻu.+ 14  Loʻu Atua e, ia e manatua+ Tovia+ ma Sanepalata, e tusa ai ma nei mea ua taʻitasi ona la faia, faapea foʻi ma Noataia le perofeta fafine,+ ma isi perofeta na taumafai pea e faafefe iā te aʻu. 15  Ona māeʻa lea o le pā+ i le aso lona lua sefulu lima o Elula, na fausia i aso e lima sefulu lua. 16  Ina ua faalogo o matou fili+ uma i lenei mea, ma vāai i ai atunuu uma na siʻomiaina i matou, ona latou matuā māsiasi ai lea, ma ua latou iloa e mai i lo matou Atua+ lenei mea, ona ua faaumaina lenei galuega. 17  I aso foʻi na, na auina atu ai e tamālii+ o Iuta le tele o a latou tusi iā Tovia,+ ma na latou mauaina foʻi tusi a Tovia. 18  Auā o le toʻatele i Iuta na tautō iā te ia, ona o ia o le tane a le afafine o Sekania le atalii o Araka;+ na faiavā foʻi Iokana lona atalii i le afafine o Mesulama+ le atalii o Perekia. 19  Na latou faamatala mai foʻi e lē aunoa i oʻu luma mea lelei e uiga iā te ia.+ Na latou faaoo atu pea aʻu upu iā te ia. Sa iai tusi na auina mai e Tovia e faafefe ai aʻu.+

Faamatalaga Pito i Lalo