Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Neemia 5:1-19

5  Ona oo mai ai lea o le alaga tele+ mai tagata ma a latou avā, i o latou uso o tagata Iutaia.+  Na iai ē na faapea mai: “Ua matou tuuina atu o matou atalii ma afafine e faamau ai a matou aitalafu, ina ia maua mai ai ni a matou saito e aai ai ma ola ai.”+  Na iai ē na faapea mai: “Ua matou tuufaafaatau+ atu o matou fanua, o o matou togāvine, ma o matou fale, ina ia maua mai ai ni saito i le taimi o le oge.”  Na faapea mai foʻi nisi: “Na matou aitalafu mai ni tupe mo meaalofa i le tupu,+ ae e faamau i o matou fanua ma o matou togāvine.+  O lenei, e tutusa o matou tino ma tino o o matou uso;+ e tutusa o matou atalii ma o latou atalii, a o lenei ua matou faia o matou atalii ma afafine ma pologa,+ e iai foʻi nisi o o matou afafine ua faapologaina; ma ua leai se mea e matou te mafaia, auā ua fai mo isi tagata o matou fanua ma togāvine.”  Ona ou matuā ita ai lea ina ua ou faalogo i la latou alaga ma ia upu.  Ona ou manatunatu lea i loʻu loto ma amata ona ou vaavaai masei+ i tamālii ma sui pule, ua ou faapea atu iā i latou: “Ua taʻitoʻatasi outou ma tāpā ni tupe faasili se tele+ mai i lona uso.” Na ou fuafuaina foʻi e faia se fono tele ona o i latou.+  Ona ou fai atu lea iā i latou: “Ua matou faatauina mai+ o tatou uso Iutaia na faatauina atu i isi atunuu, e tusa ai ma lo matou malosi; a o le taimi foʻi lenā ua outou faatauina atu ai o outou uso,+ pe e tatau ea la ona faatauina mai i latou iā i tatou?” Ua leai sa latou tala e fai atu, ma ua lē mautali lava.+  Na ou fai atu foʻi: “E lē lelei le mea o loo outou faia.+ Pe e lē tatau ea ona outou savavali ma le mataʻu+ i lo tatou Atua,+ ona o faifaiga+ a nei atunuu, o o tatou fili ia?+ 10  O aʻu foʻi ma oʻu uso ma aʻu auauna, ua matou nonō atu tupe ma saito iā i latou. O lea, faamolemole seʻi tuu ia le nonō atu o mea ma ni pasene.+ 11  Faamolemole, inā toe faafoʻi atu ia i le asō o latou fanua,+ o o latou togāvine, o o latou togāolive, o o latou fale, ma le tasi vaeselau o le tupe, o saito, o uaina fou, ma suāuu, ua outou tāpā o ni pasene mai iā i latou.” 12  Ona latou faapea mai lea: “O le a matou toe faafoʻi atu,+ e matou te lē talosagaina foʻi ni mea mai iā i latou.+ E matou te faia lava e pei ona e fai mai ai.”+ Ona ou valaau lea o ositaulaga ma faatautō i latou e faia e tusa ai ma lenei upu.+ 13  Na ou lūlū foʻi le fatafata o loʻu ofu, ma faapea atu: “Ia faapea ona lūlūina e le Atua moni mai i lona fale ma ana mea ua maua, o tagata uma e latou te lē faia lenei upu; ia faapea foʻi ona lūlūina o ia, ia matuā leai ni ana mea.” Ona faapea mai lea o le faapotopotoga uma: “Amene!”+ Ona latou vivii atu lea iā Ieova.+ Ua faia foʻi e le nuu e tusa ma lenei upu.+ 14  E lē gata i lea: Talu mai le aso na ia tofia ai aʻu e fai ma o latou kovana+ i Iuta, e amata mai i le tausaga lona lua sefulu+ e oo i le tausaga lona tolu sefulu lua+ o le nofoaiga a Aretaseta+ le tupu, e sefulu lua tausaga, e matou te leʻi aai ma oʻu uso i meaʻai a le kovana.+ 15  A o kovana na muamua atu iā te aʻu, na latou faamamafa avega a tagata, ma na latou aumai pea mai iā i latou o sekeli siliva e fā sefulu mo meaʻai ma uaina. Na pule sauā foʻi a latou auauna i tagata.+ A o aʻu, ou te leʻi faia faapena+ ona o le mataʻu i le Atua.+ 16  I le ma lea, na ou fesoasoani i le galuega o lenei pā,+ ma e matou te leʻi maua foʻi se fanua;+ na faapotopoto faatasi foʻi aʻu auauna i inā mo le galuega. 17  Na aai foʻi i laʻu laulau o tagata Iutaia, o sui pule, o tagata e toʻaselau lima sefulu, ma ē na ō mai iā i matou mai i isi atunuu na siʻomia i matou.+ 18  O mea nei ua saunia i aso taʻitasi, o le povi poʻa e tasi, o mamoe e ono ua filifilia, o manulele ua saunia mo aʻu, ma le tele o so o se ituaiga o uaina+ na saunia e faatasi i aso e sefulu. Ou te leʻi tāpā foʻi meaʻai a le kovana, auā ua mamafa le galuega a lenei nuu. 19  Ona ou tatalo atu lea: “Loʻu Atua e, ia e manatu alofa+ mai iā te aʻu,+ ona o mea uma na ou faia mo lenei nuu.”+

Faamatalaga Pito i Lalo