Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Neemia 11:1-36

11  Ua nonofo perenise+ o le nuu i Ierusalema;+ a o ē na totoe o le nuu, ua latou faia le vili+ ina ia aumai se toʻatasi mai i le taʻitoʻasefulu uma e nofo i Ierusalema le aai paia,+ ae nonofo le toʻaiva i isi aai.  E lē gata i lea, ua faamanuia+ atu e le nuu tagata uma na tauofo+ e nonofo i Ierusalema.  O taʻitaʻi nei o le itumalo+ o ē na nonofo i Ierusalema;+ na taʻitoʻatasi le tagata ma nofo i aai o Iuta i lona tofi i o latou aai,+ o Isaraelu,+ o ositaulaga,+ o le ʻau sa Levī,+ o le ʻau Netini,+ ma le fanauga a auauna a Solomona.+  Sa nonofo foʻi i Ierusalema nisi o le fanauga a Iuta ma nisi o le fanauga a Peniamina.+ E mai i le fanauga a Iuta, o Ataila le atalii o Usia, le atalii o Sakaria, le atalii o Amaria, le atalii o Sefatia, le atalii o Maalaele e mai i le fanauga a Faresa;+  ma Maaseia le atalii o Paruka, le atalii o Kolokuse, le atalii o Hasaia, le atalii o Ataia, le atalii o Ioiaripa, le atalii o Sakaria e mai i le aiga o tagata Selaa.  O le fanauga uma a Faresa o ē na nonofo i Ierusalema, e toʻafā selau ono sefulu valu tagata agavaa.  O le fanauga nei a Peniamina:+ o Salu le atalii o Mesulama,+ le atalii o Ioeta, le atalii o Petaia, le atalii o Kulaia, le atalii o Maaseia, le atalii o Itielu, le atalii o Iesaia;  e sosoo ane iā te ia o Kapai ma Salai, e toʻaiva selau lua sefulu valu;  ma Ioelu le atalii o Sekari o le ovasia iā i latou, ma Iuta le atalii o Hasenua o le pule lona lua o le aai. 10  E mai i ositaulaga: o Ietaia le atalii o Ioiaripa,+ o Iakinu,+ 11  o Seraia le atalii o Hilikia, le atalii o Mesulama,+ le atalii o Satoka,+ le atalii o Meraiota, le atalii o Akitopo,+ o se taʻitaʻi o le fale o le Atua moni; 12  o o latou uso o ē e faia le galuega o le fale,+ e toʻavalu selau lua sefulu lua; ma Ataia le atalii o Ieroama,+ le atalii o Pelalia, le atalii o Amesi, le atalii o Sakaria, le atalii o Pasura,+ le atalii o Malakia,+ 13  ma ona uso o ulu o aiga o o latou tamā,+ e toʻalua selau fā sefulu lua, o Amasesai le atalii o Asareelu, le atalii o Aasai, le atalii o Meselemota, le atalii o Imere, 14  ma o latou uso o tagata totoa ma malolosi,+ e toʻaselau lua sefulu valu, na iai foʻi le ovasia+ e vaavaaia i latou, o Sapetielu le atalii o ē e sili. 15  E mai i le ʻau sa Levī:+ o Semaia le atalii o Hasupo, le atalii o Aserikama, le atalii o Hasapea,+ le atalii o Puni, 16  o Sapetai+ ma Ieosapa,+ o taʻitaʻi o le ʻau sa Levī, e pule i galuega i fafo o le fale o le Atua moni; 17  ma Matania+ le atalii o Mika, le atalii o Sapati, le atalii o Asafo,+ le fuataimi o viiga,+ sa faaneenee atu foʻi i le tatalo,+ ma Pakepuia sa lona lua i ona uso, ma Apeta le atalii o Samua, le atalii o Kalali,+ le atalii o Iutana.+ 18  O le aofaʻi o le ʻau sa Levī uma sa iai i le aai paia,+ e toʻalua selau valu sefulu fā. 19  O leoleo faitotoʻa+ o Akupa, o Talemoni,+ ma o la uso o ē na leoleo i faitotoʻa,+ e toʻaselau fitu sefulu lua. 20  O isi na totoe o Isaraelu, o le ʻauositaulaga ma le ʻau sa Levī, sa i isi aai uma o Iuta e taʻitasi i lona lava tofi.+ 21  Sa nonofo le ʻau Netini+ i Ofele;+ na pule foʻi Seka ma Gisepa i le ʻau Netini. 22  O le ovasia+ o le ʻau sa Levī i Ierusalema, o Usi le atalii o Pani, le atalii o Hasapea, le atalii o Matania,+ le atalii o Mika+ e mai i le fanauga a Asafo,+ o tagata pepese,+ e tusa ai ma le galuega o le fale o le Atua moni. 23  Auā sa iai se poloaʻiga a le tupu iā i latou,+ ma sa iai foʻi se sauniuniga ua faatulagaina mo meaʻai a tagata pepese, e tusa ai ma o latou manaʻoga i aso taʻitasi.+ 24  Sa iai foʻi Petakia le atalii o Mesesapelu, le atalii o Sera, le atalii o Iuta i tafatafa o le tupu i mataupu uma a le nuu. 25  E tusa ai ma nuu e nonofo+ ai i o latou fanua, sa iai nisi o le fanauga a Iuta sa nonofo i Kiriata-arapa+ ma ona tamaʻi aai, o Tipona ma ona tamaʻi aai, o Kapeseelu+ ma nuu e nonofo ai, 26  o Iesua, o Molata,+ o Petepaleta,+ 27  o Asara-suala,+ o Peresepa+ ma ona tamaʻi aai, 28  o Sekeleka,+ o Mekoni ma ona tamaʻi aai, 29  o Ainorimoni,+ o Soraa,+ o Iaremuta,+ 30  o Sanoa,+ o Atulame+ ma nuu e nonofo ai, o Lakisa+ ma ona fanua, ma Aseka+ ma ona tamaʻi aai. Ua latou nonofo foʻi e amata mai i Peresepa e oo atu i le vanu o Hinoma.+ 31  O le fanauga a Peniamina e amata mai i Kepa,+ o Mekemase,+ o Aia,+ o Peteli+ ma ona tamaʻi aai, 32  o Anatota,+ o Nove,+ o Anania, 33  o Hasora, o Rama,+ o Kitaima,+ 34  o Hatito, o Sepoima, o Nepalatu, 35  o Loto,+ ma Ono,+ o le vanu o tufuga. 36  O nisi o vasega o le ʻau sa Levī sa i Iuta, ua nonofo nei i Peniamina.

Faamatalaga Pito i Lalo