Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Nauma 3:1-19

3  Oi talofa i le aai o le faamasaatoto.+ Ua tumu Nineva i le taufaasesē ma le faomea. E lē taofia foʻi lona faoa faamalosi o mea!  Ua lagona le leo o le sasa+ ma le paʻō o uili, o taufetuliga a solofanua ma le osooso a kariota.+  O le tagata tiʻetiʻe solofanua, o le mumū o le pelu, o le emoemo foʻi o le tao e pei o le uila,+ ma le toʻatele o tagata ua fasiotia, faapea le anoanoaʻi o tino oti; e leai se iʻuga o tagata feoti. E latou te taupaʻuʻū i o latou tagata feoti;  ona o le tele o amioga faatalitane a le fafine talitane,+ ua tosina ai ona o le lalelei, o se tamaʻitaʻi faataulāitu, ua ia maileia atunuu i ana amioga faatalitane ma aiga i ana togafiti faataulāitu.+  “Faauta! Ua ou tetee iā te oe,”+ ua fetalai mai ai Ieova o ʻau, “ou te susuʻe lou pito ofu ma ufiufi ai ou mata, ou te faaali atu foʻi i atunuu lou lē lavalavā,+ ma lou māsiasi i malo.  Ou te lafo atu i ou luga o mea inosia,+ ma ou fai oe ma mea inosia; e fai foʻi oe ma taulaʻiga o tauemuga.+  O i latou uma e vaavaai atu iā te oe o le a sosola ese mai iā te oe+ ma faapea ane, ‘Ua faatafunaina Nineva! O ai sē e tigā alofa i ai?’ O fea ou te maua mai ai ni ē e faamāfanafana iā te oe?  Pe e sili atu ea oe iā Noamoni,+ na nofo i alāvai o le Naila?+ Na siʻomia o ia i vai, o lona tamaoaiga e mai i le vai, o lona pā o le vai lea.  Na fai Aitiope faapea foʻi ma Aikupito+ ma ona malosi atoa; lea na lē gata mai. Na fesoasoani foʻi Futu ma tagata o Lipua iā te oe.+ 10  Ae ua faaaunuua foʻi o ia; ua ave faapagota o ia.+ Ua faaumatia ana lava fanau i le fetaulaʻiga o ala uma;+ ua latou faia le vili+ i ona alii mamalu, ua noanoatia foʻi ona tagata aloaʻia i mea e faamau ai vae.+ 11  “E oo foʻi ina e onā;+ ma avea oe o se mea ua natia.+ E te saʻili atu foʻi i se lafitaga malosi e te lafi ai mai i le fili.+ 12  O ou aai malupuipuia uma ua pei o laau o le mati ua iai ona uluaʻi fua pula, pe a lūlū, e paʻuʻū ai i le gutu o lē e na te ʻaina.+ 13  “Faauta! O ou tagata ua iā te oe ua pei o ni fafine.+ E matala atu foʻi faitotoʻa o lou nuu i ou fili. E faaumatia foʻi e le afi ou faamaufaalava.+ 14  Ia e utuina mai vai auā o le a siʻosiʻoina ai oe.+ Ia faamalosia ou aai malupuipuia.+ Ia e alu i le palapala ma soli i lalo le ʻele; ia taofi mau i le mea e fai ai piliki. 15  E faaumatia oe e le afi i lea mea. E fasia oe i le pelu.+ E na te ʻaina oe e pei o sē aleka.+ Ia faatoʻateleina oe e pei o sē aleka, ia faatoʻateleina foʻi oe e pei o sē akerise. 16  Ua e faatoʻateleina ou tagata faatauʻoa e sili atu i fetu o le lagi.+ “A o sē aleka, e sasaeesea lona paʻu; ona lele ese ai lea. 17  O ou tagata leoleo ua pei o sē akerise, ma au fitafita o ē e tofia nisi fitafita fou e pei o se ʻau tele o sē akerise, o ē ua masani ona malu ai i pā maa i le aso mālūlū. Pe a susulu mai le lā ona sosola ese ai lea, ua lē iloa foʻi le mea ua iai i latou.+ 18  “Le tupu e, o Asuria, ua tautulemomoe ou leoleo mamoe;+ ua nonofo ou tagata mamalu i o latou fale.+ Ua taapeape ou tagata i luga o mauga ma ua leai se isi e faapotopotoina i latou.+ 19  Ua leai se mapu i ou mala. Ua lē mafai foʻi ona togafitia lou manuʻa.+ E pati lima foʻi o i latou uma ua faalogo i le tala e uiga iā te oe;+ auā o ai sē e leʻi afāina pea i au amioleaga?”+

Faamatalaga Pito i Lalo