Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Nauma 2:1-13

2  Ua alu aʻe i ou luma lē e na te faataapeapeina.+ Ia leoleomaluina le nofoaga malupuipuia. Ia vaavaai le ala. Ia faamalosia sulugātiti. Ia matuā faateleina le malosi.+  O le a toe faafoʻisia e Ieova le mamalu o Iakopo,+ e pei o le mamalu o Isaraelu, auā ua tafiesea i latou o ē e tafiesea mea;+ ma ua latou faafanoina o latou tātupu.+  Ua vali mūmū talita a ona tagata totoa; ua oofu foʻi ona tagata malolosi i ʻie mūmū sesega.+ Ua mumū e pei o le afi uʻamea o kariota o le taua i le aso e sauniuni ai o ia mo le taua, ua tetete foʻi tao ua faia i le laau o le perosi.+  Ua matuā saoasaoa lava le ō atu o kariota o le taua i le auala.+ Ua fetaufetuliaʻi pea i luga ma lalo i nofoaga faitele. Ua tino mai e pei o ni sulu. Ua televavave pea e pei o le uila.+  E manatua e ia ona taʻitaʻiʻau sili.+ E tautevateva i latou a o savavali.+ E latou te faataalise atu i lona pā ma faamausalīina mea e puipuia ai le aai.  O le a matala faitotoʻa o vaitafe ma e solofa i lalo le maota.  Ua uma ona faia le faaiʻuga; ua faaalialia o ia ma e ave faapagota lava o ia,+ ona tagi ūū ai lea o ona teine pologa e pei o leo o lupe,+ latou te tatuʻi pea i o latou fatafata.+  O Nineva foʻi ua leva ona iai,+ ua pei o ia o se vai tāʻele;+ ae o loo sosola i latou. “Inā tutū ia outou! Inā tutū ia!” A ua leai se isi e toe foʻi mai.+  Ia outou faoa siliva, ia faoa auro;+ auā e lē gata mai mea ua teuina. Ua matuā anoanoaʻi lava oloa eseese mananaia.+ 10  Ua gaogao ma ua leai foʻi ni mea, ua faatafunaina le aai!+ Ua liusuavai loto,+ ua tetete tulivae,+ ma ua matuā tigā suilapalapa;+ ua foliga popole foʻi i latou uma lava.+ 11  O fea o iai le mea e nonofo ai leona ma le ana o leona taanoa, o le mea e savali ai ma ulu atu i ai le leona,+ o le mea na iai lana fanau, ma e leai se isi na faamataʻuina i latou?+ 12  Ua saeia e le leona meaʻai e lava mo lana fanau, ma e na te titina manu mo lana leona fafine. Ua ia faatumu ona lua i mea ua ia maua mai i ana tuliga, ma ona ana mea i manu ua saeia.+ 13  Ua fetalai mai Ieova o ʻau:+ “Faauta! Ou te tetee iā te oe ma ou te susunuina lau kariota+ o le taua ina ia liu asu. E faaumatia foʻi i le pelu au lava leona taanoa,+ ou te faaiʻuina lou tuliloaina o tagata i le lalolagi, e lē toe lagona foʻi le leo o au avefeʻau.”+

Faamatalaga Pito i Lalo