Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Nauma 1:1-15

1  O le feʻau e faasaga iā Nineva:+ O le tusi o le faaaliga a Nauma le Elekosi:  O Ieova o le Atua e finagalo e tapuaʻi atu tau lava o ia,+ ma o lē e tauimasui;+ e faia e Ieova le tauimasui ma e nofosauni e faaali mai lona toʻasā.+ E tauimasui Ieova i ē e ita iā te ia,+ ma e lē fiafia o ia i ona fili.+  O Ieova e telegese lona toʻasā+ ae e tele lona mana,+ e lē taofia foʻi e Ieova lona faaoo mai o le faasalaga.+ O lona ala o se matagi e faatamaʻia ai ma o se afā, o le ao o le efuefu i ona aao.+  E na te aʻoaʻia le sami+ ma faamātūtūina ai; e na te faamātūtūina foʻi vaitafe uma.+ Ua mamae Vasana ma Karamelu,+ ua mamae foʻi fuga o Lepanona.  Ua gatete mauga ona o ia, ma ua liusuavai aʻega.+ E lūlūina le lalolagi ona o ona fofoga; atoa ma le laueleele e fua mai ma i latou o loo nonofo ai.+  O ai sē e mafai ona tū atu i luma o lona toʻasā?+ O ai foʻi e mafai ona tū e tetee atu i le aasa o lona ita tele?+ E sasaa ifo lona toʻatamaʻi e pei o le afi,+ e fulisia foʻi papa ona o ia.  O Ieova e lelei o ia,+ o le lafitaga malosi+ i aso o le puapuaga.+ E na te silafia i latou o loo sulufaʻi atu iā te ia.+  E na te faaumatia lona aai* i le tafega o loo ui ane,+ ma e tuliloaina ona fili e le pōuliuli.+  O le ā le mea ua outou mafaufau ai e tetee iā Ieova?+ E faaoo mai lava e ia le faaumatiaga. E lē tupu faalua mai le puapuaga.+ 10  E ui lava ina filia faatasi i latou e pei o laau tuitui+ ma ua onanā i latou i le pia ua faia i le saito,+ e faaumatia lava i latou e pei o tagutugutu ua matuā mamago.+ 11  E sau lava mai iā te oe o lē e mafaufau i mea leaga faasaga iā Ieova,+ e na te fautuaina atu mea e lē aogā.+ 12  O le fetalaiga lenei a Ieova: “E ui lava ina atoatoa lo latou malosi ma e toʻatele ua iai i lenā tulaga, e tusa lava foʻi pe e iai i latou i lea tulaga,+ ae e osofaʻia lava ma faaumatia i latou. Ou te faapuapuagatia oe, seʻia oo ina lē toe iai se manaʻoga e faapuapuagatia pea oe.+ 13  O lenei, ou te gagauina lana amo mai iā te oe,+ ma ou te motuesea ou fusi.+ 14  Ua poloaʻi mai Ieova e faatatau iā te oe, ‘E lē toe iai ni fanau mai i lou igoa.+ Ou te faatamaʻia ou faatusa ua tā ma tupua uʻamea mai i le fale o ou atua.+ Ou te faia se fanuatanu mo oe,+ auā ua e lē aogā lava.’ 15  “Faauta! Ua i luga o mauga vae o lē e aumaia le tala lelei, o lē e folafola atu le filemu.+ Iuta e, ia faamanatu au tausamiga.+ Ia avatu mea na e tautō ai;+ auā e lē toe ui atu lava iā te oe le tagata lē aogā.+ E matuā faaumatia lava o ia.”+

Faamatalaga Pito i Lalo

O le “aai” e faasino atu i “Nineva.”