Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mika 7:1-20

7  Auē aʻu e,+ auā ua avea aʻu e pei o le taimi ina ua uma ona aoaoina fualaau ʻaina o le tau māfanafana, e pei o toe fuifui vine ina ua uma ona aoaoina!+ Ua leai se fuifui vine e ʻai ai, ua leai foʻi se mati manaia ou te manaʻo i ai.+  Ua fano lē e faamaoni mai i le laueleele, ua leai sē e amio saʻo o totoe i tagata.+ Ua lamalama i latou uma e sasaa le toto.+ Ua taʻitasi ma tuli i lona uso i le upega.+  Ua sauni o latou lima e faia le mea leaga, ma e popoto e faia faapea;+ ua manaʻo le perenise ia maua sana mea, ua faia e lē o faamasino le faamasinoga mo se taui,+ ua tautala atu foʻi o lē e sili i mea e manaʻo ai lava o ia;+ ma ua latou taupulepule faatasi.  O lo latou tagata aupito lelei ua pei o se laau talatala, o lē e sili ona amio saʻo o i latou ua sili atu lona leaga i le pā laau tuitui.+ O le a oo mai lava le aso na tautatala i ai ou tagata vāai, o le aso foʻi e uaʻi mai ai iā te oe.+ Ona fenuminumiaʻi ai lea o i latou.+  Aua tou te faatuatua i se uō. Aua tou te faatuatuaina se uō mamae.+ Ia e leoleo i lou gutu mai i le fafine o loo faalagolago i lou fatafata.+  Auā o loo ʻinoʻino le atalii i le tamā; o loo tū atu le tama teine e tetee i lona tinā;+ o loo tetee atu le avā a le tama tama i le tinā o lana tane;+ ma o fili o le tagata, o tagata ia o lona lava aiga.+  A o aʻu, ou te vaai atu pea iā Ieova.+ Ou te faatalitali ma le onosaʻi i le Atua o loʻu faaolataga.+ E faafofoga mai loʻu Atua iā te aʻu.+  O oe le fafine e, o loʻu fili, aua e te olioli ona o aʻu.+ E ui lava ua ou paʻū, ou te toe tū lava i luga;+ e ui lava foʻi ua ou nofo i le pōuliuli,+ ae e fai Ieova ma malamalama iā te aʻu.+  Ou te lavātia le toʻasā o Ieova auā ua ou agasala iā te ia,+ seʻia faia e ia laʻu mataupu faaletulafono ma faia le faamasinogatonu mo aʻu.+ E na te avatu aʻu i le malamalama; ou te iloa atu foʻi lana amiotonu.+ 10  E iloa foʻi e loʻu fili ma ufitia ai lea fafine i le mā,+ o lē na faapea mai iā te aʻu: “O fea o iai o ia, o Ieova lou Atua?”+ E vaavaai atu oʻu mata iā te ia.+ Ona avea lea o ia ma aai ua solia, e pei o le palapala i auala.+ 11  O le aso e fausia ai ou pā maa, o le aso foʻi lea e aveesea ai le poloaʻiga ua tetee mai ia te oe.*+ 12  I lenā aso e latou te ō mai ai mai i Asuria ma aai o Aikupito, mai i Aikupito e oo lava i le Vaitafe;+ mai i le tasi sami e oo i le isi sami, ma e mai i le tasi mauga e oo i le isi mauga.+ 13  E faatafunaina foʻi le laueleele ona o ē o loo nonofo ai, ona o fua o a latou amio.+ 14  Ia e leoleo i lou nuu i lou tootoo,+ o le lafu o lou tofi o lē sa nofo toʻatasi i le vaomatua, i le ogatotonu o le togālaau.+ Ia latou aai i Vasana ma Kiliata+ e pei o aso anamuā lava.+ 15  “Ou te faaali atu iā te outou mea ofoofogia e pei o aso na outou ō mai ai mai i le atunuu o Aikupito.+ 16  E vāai i ai atunuu ma māsiasi ai i lo latou malosi uma.+ E latou te tuu o latou lima i o latou gutu;+ o le a tutuli o latou lava taliga. 17  E latou te etoeto i le pefu e pei o gata;+ e pei o mea fetolofi o le laueleele latou te ō mai ai ma le atuatuvale mai i mea malupuipuia.+ E latou te matataʻu iā Ieova lo tatou Atua, ma e latou te fefefe foʻi iā te oe.”+ 18  O ai se Atua e tusa ma oe,+ e faamagalo i sesē ma lē manatua solitulafono+ a ē ua totoe o lona tofi?+ E lē faavavau ona toʻasā o ia, auā e fiafia o ia i le alofa faamaoni.+ 19  E na te toe faaalia iā i tatou le alofa mutimutivale;+ e na te faatoʻilaloina a tatou mea sesē.+ E te lafo foʻi i le sami loloto a latou agasala uma.+ 20  E te faaalia le faamaoni lea na faaalia iā Iakopo, o le alofa faamaoni foʻi lea na faaalia iā Aperaamo, ina ua e tautō i o matou augātamā i aso anamuā lava.+

Faamatalaga Pito i Lalo

I le gagana Eperu “o le aso lea e avea mamao ai le poloaʻiga.”