Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mika 6:1-16

6  Faamolemole, ia outou faalogo mai i le mea ua fetalai mai ai Ieova.+ Inā tulaʻi ia ma tuuina atu se mataupu faaletulafono i luma o mauga, ma ia faalogo foʻi aʻega i lou leo.+  Mauga e, ia faalogo mai i le mataupu faaletulafono a Ieova, o outou foʻi papa anagatā, ma outou faavae o le lalolagi;+ auā ua iai se mataupu faaletulafono a Ieova ma lona nuu, o le a fefinauaʻi ai o ia ma Isaraelu:+  “Loʻu nuu e,+ o le ā ea laʻu mea ua fai iā te outou? O le ā le auala ua ou faatigā ai iā te oe?+ Ia e faailoa mai lau molimau faasaga iā te aʻu.+  Auā na ou aumaia oe mai i le atunuu o Aikupito,+ na ou laveaʻi foʻi iā te oe mai i le mea na e nofo pologa ai;+ ma na ou auina atu i ou luma Mose, Arona ma Miriama.+  Loʻu nuu e, faamolemole ia manatua+ le faatonuga a Palako le tupu o Moapi,+ ma le tali na fai atu ai Palaamo le atalii o Peoro iā te ia.+ Ia manatua mea na tutupu e amata mai i Setima+ e oo atu i Kilikala,+ ina ia iloa ai galuega amiotonu a Ieova.”+  O le ā se mea ou te alu atu ma aʻu i luma+ o Ieova? O le ā se mea ou te ifo ma aʻu i le Atua i lugā?+ Po ou te alu atu ea iā te ia ma ni taulaga mū,*+ o povi poʻa e taʻitasi tausaga?  Pe e fiafia ea Ieova i mamoe poʻa e faitau afe, ma le faitau sefulu afe o tafega o suāuu?+ Po ou te avatu ea loʻu atalii ulumatua mo laʻu fouvalega, o le fanau a loʻu manava mo laʻu agasala?+  Le tagata e, ua ia fetalai mai iā te oe le mea lelei.+ O le ā foʻi se mea ua finagalo ai Ieova mai iā te oe, pe e lē o le faia o le mea ua tonu,+ ia fiafia i le agalelei,+ ma ia savavali ma lou Atua+ ma le faamaulalo?+  O loo alaga le siʻufofoga o Ieova i le aai,+ ma o le tagata ua iai le atamai aogā e mataʻu i lou suafa.+ Ia outou faalogo i le sasa ma lē na faatonuina le faasalaga.+ 10  Po ua iai pea i le fale o lē e amioleaga oloa o le amioleaga,+ ma le fua o le efa faaaimamago ua taʻusalaina? 11  Po ou te amio mamā ea a o loo iai fuafaatautau faapiʻopiʻo ma le ato o loo iai maa taufaasesē mo le fuafaatautau?+ 12  Auā ua tumu i le sauā ona tagata mauoloa, ma ua tautatala ona tagata i le pepelo,+ o o latou laulaufaiva foʻi i o latou gutu ua taufaasee ia.+ 13  “Ou te taia oe seʻia oo ina e maʻi;+ o le a faatafunaina oe ona o au agasala.+ 14  A o oe, e te ʻai ae e te lē maʻona, ma e iā te oe pea lou mole manava.+ E te aveesea au mea ina ia puipuia ai ae e lē faasaoina ai; ma o au mea uma foʻi e mafai ona faasaoina, ou te tuuina atu i le pelu.+ 15  A o oe, e te lūlū fatu ae e te lē seleseleina. O oe foʻi, e te soli olive ae e te lē uu ai i le suāuu; e te soli foʻi vine ae e te lē inu ai i le uaina suamalie.+ 16  Ua tausia tulafono a Omeri+ ma amioga uma a le aiga o Aapo,+ ma ua outou savavali i a laʻua fautuaga;+ o le mea lea, ou te faia ai oe ma mea e ofo ai ma mea e tuufaaili i ai ē ua mau i le aai;+ ma e tauave foʻi e outou le faalumaina mai i isi nuu.”+

Faamatalaga Pito i Lalo

O lenei taulaga na faaumatia atoa i le afi.