Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mataio 4:1-25

4  Ua ave Iesu e le agaga i le toafa,+ ma ua faaosoosoina+ ai o ia e le Tiapolo.  Ina ua uma ona anapogi o ia i ao e fā sefulu ma pō e fā sefulu,+ ona fia taumafa ai lea.  Ua alu ane foʻi o Lē e faaosooso+ ma faapea mai iā te ia: “Afai o oe o se atalii o le Atua,+ inā fetalai atu ia i nei maa ia liu falaoa.”  Ona tali atu lea o ia e faapea: “Ua tusia, ‘E lē na o meaʻai e ola ai le tagata, ae o afioga uma e tulei mai i le fofoga o Ieova.’ ”+  Ona ave lea o ia e le Tiapolo i le aai paia,+ ma faatū iā te ia i luga o le pā o le malumalu  ma faapea mai: “Afai o oe o se atalii o le Atua, inā oso ia i lalō;+ auā ua tusia, ‘E na te faatonuina ana agelu latou te ave iā te oe i o latou lima, ina neʻi tuʻia lou vae i se maa.’ ”+  Ua fetalai atu Iesu iā te ia: “Ua tusia foʻi, ‘Aua e te faia se mea e tofotofo ai iā Ieova lou Atua.’ ”+    Ona toe ave lea o ia e le Tiapolo i se mauga e matuā maualuga lava, ma faaali atu iā te ia o malo uma o le lalolagi+ ma o latou mamalu,  ona ia faapea mai lea iā te ia: “Ou te avatu nei mea uma iā te oe,+ pe afai e tau lava ina e faapaʻū ma tapuaʻi mai iā te aʻu.”+ 10  Ona fetalai atu lea o Iesu iā te ia: “Inā alu ese ia oe Satani, auā ua tusia, ‘E tatau ona e tapuaʻi iā Ieova lou Atua,+ ma e na o ia+ foʻi e tatau ona e avatu i ai le auaunaga paia.’ ”+ 11  Ona alu ese ai lea o le Tiapolo,+ ae ua ō mai agelu ma auauna atu iā te ia.+ 12  Ina ua faalogo o ia ua lafo Ioane i le falepuipui,+ ona maliu atu ai lea o ia i Kalilaia.+ 13  Ona ia tuua loa lea o Nasareta, ae maliu atu ma nofo i Kapanaumi,+ i tafatafa ane o le sami i itumalo o Sepulona ma Nafatali,+ 14  ina ia taunuu ai le valoaga a le perofeta o Isaia e faapea: 15  “O Kalilaia+ o nuu ese! le laufanua o Sepulona ma le laufanua o Nafatali i le auala agaʻi i le sami i le isi itu o Ioritana, 16  ua vaaia ai e tagata o loo nonofo i le pōuliuli+ se malamalama+ tele, a o i latou ua nonofo i le nuu ua iai le ata o le oti, ua alu aʻe+ iā i latou le malamalama.”+ 17  E mai lava i lenā taimi, ua amata ai ona talaʻi Iesu ma faapea atu: “Inā salamō+ ia outou, auā ua latalata mai le malo+ o le lagi.” 18  A o savali i tafatafa ane o le sami* o Kalilaia, ua ia silafia ai le ʻauso e toʻalua, o Simona+ lea ua igoa foʻi iā Peteru,+ ma Aneterea lona uso, o loo lafo lo la upega i le sami, auā o tagata faifaiva i laʻua. 19  Ona fetalai atu lea o ia iā i laʻua: “Inā mulimuli mai ia iā te aʻu, ou te faia oulua ma faifaiva i tagata.”+ 20  Ona la tuua loa lea o lo la upega,+ ae mulimuli atu iā te ia. 21  Ua maliu ese atu o ia ma silafia ai le isi+ ʻauso e toʻalua. Ua i le vaa Iakopo ma lona uso o Ioane, ma lo la tamā o Sepetaio,+ o loo fono masaesae o o latou upega, ma ua ia valaau atu iā i laʻua. 22  Ona la tuua loa lea o le vaa ma lo la tamā, ae mulimuli atu iā te ia. 23  Ona ia femalagaaʻi+ lea i Kalilaia+ uma, ua aʻoaʻo atu i o latou sunako*+ ma talaʻi atu le tala lelei o le malo, ma faamālōlō i faamaʻi+ eseese uma ma maʻi tigā eseese uma o tagata. 24  Ua oo atu le tala e uiga iā te ia i Suria+ atoa, ona latou aumai lea iā te ia o i latou uma ua mamaʻi+ ma mafatia i faamaʻi eseese, o maʻi tigāina, o ē ua uluitino e temoni, o ē maʻi māliu,+ ma ē ua pepē tino, ma ua ia faamālōlō i latou uma lava. 25  Ona mulimuli atu lea iā te ia o le motu o tagata e toʻatele mai Kalilaia,+ Tekapoli,* Ierusalema,+ Iutaia ma le isi itu o Ioritana.

Faamatalaga Pito i Lalo

O lenei sami, o se vaituloto telē. O nisi taimi e taʻua o le vai o Kalilaia.
O “sunako” o fale ia e faia ai fonotaga.
Po o “Aai e Sefulu” e mai i le upu Eleni, o le De·ka′po·lis.