Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mataio 28:1-20

28  Ua mavae le sapati, ma ua tafa mai ata o le uluaʻi aso o le vaiaso, ua ō atu ai Maria le Makatala ma le isi Maria e matamata i le tuugamau.+  Vaai! na lūlū se mafuiʻe tele; auā na sau le agelu a Ieova mai i le lagi, ma fuliese le maa, ma nofo ai i luga.+  O ona foliga ua pei o le uila,+ ma ona ofu ua papaʻe e pei o le kiona.+  Ioe, ua tetemū ai leoleo ona o le fefefe iā te ia, ma ua pei ai o ni tagata ua feoti.  A ua fai atu le agelu+ i na fafine: “Aua lua te fefefe, auā ua ou iloa o loo oulua saʻilia Iesu+ o lē na tutuʻi i luga o le laau.  E lē o i inei o ia auā ua toe faatūina+ e pei ona ia fetalai ai. Ō mai e vāai i le mea na tuu ai o ia.  Inā vave ō ia ma taʻu atu i ona soo e faapea, ua toe faatūina o ia+ mai i le oti, faauta foʻi! ua muamua atu o ia iā te outou i Kalilaia;+ o i inā tou te iloa ai o ia. Faauta! ua ou fai atu iā te oulua.”+  Ona la ō ese faatopetope lea mai i le tuugamau ma le matataʻu ma le olioli tele, ua la taufetuli e taʻu atu i ona soo.+  Faauta! ua feiloaʻi Iesu ma i laʻua ma faapea atu: “Si oʻu alofa!” Ua la faalatalata atu ma fetagofi atu i ona vae ma ifo atu iā te ia. 10  Ona fetalai atu lea o Iesu iā i laʻua: “Aua lua te fefefe! Ia oulua ō ma taʻu atu i oʻu uso,+ ina ia latou ō atu i Kalilaia; ma o i inā e latou te vāai mai ai iā te aʻu.” 11  A o la ō atu i le ala, faauta! ua ō atu nisi o leoleo+ i le aai ma taʻu atu i le ʻaufaitaulaga sili mea uma ua tutupu. 12  Ua latou faapotopoto ma le ʻautoeaina ma fai la latou fono, ona latou tuuina atu lea o tupe siliva e tele i fitafita+ 13  ma faapea atu: “Ia outou fai atu, ‘Na ō mai ona soo+ i le pō ma gaoia lona tino a o matou momoe.’ 14  Ae afai e faalogo i ai le kovana, ona matou faaōleōle lea o ia, ma tou te lē afāina ai.” 15  Ona latou ave lea o tupe siliva ma faia e pei ona faatonuina ai i latou, ma ua salalau atu foʻi lenei tala i tagata Iutaia e oo mai i le asō. 16  Peitaʻi, ua ō atu soo e toʻasefulu tasi i Kalilaia+ i le mauga e pei ona faatonuina ai i latou e Iesu, 17  ua latou vāai iā te ia, ona latou ifo atu lea iā te ia, peitaʻi ua masalosalo nisi.+ 18  Ua faalatalata atu Iesu ma fetalai atu iā i latou: “Ua tuuina mai iā te aʻu le pule+ uma i le lagi ma le lalolagi. 19  O le mea lea, ia outou ō atu e fai tagata o nuu uma+ lava ma soo,+ ma papatiso+ atu iā i latou i le suafa o le Tamā,+ ma le Atalii,+ ma le agaga paia,+ 20  ia aʻoaʻoina+ i latou ia tausi+ i mea uma ua ou poloaʻi atu ai iā te outou.+ Faauta! ou te faatasi ma outou+ i aso uma lava seʻia oo i le taufaaiʻuiʻuga o le faiga o mea a le lalolagi.”+

Faamatalaga Pito i Lalo