Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mataio 23:1-39

23  Ona fetalai atu lea o Iesu i le motu o tagata ma ona soo+ e faapea:  “Ua nonofo le ʻautusiupu+ ma le ʻau Faresaio i le nofoa o Mose.+  O lea la, o mea uma latou te fai atu ai+ iā te outou, ia outou faia ma tausi i ai, ae aua tou te faaaʻoaʻo i mea o loo latou faia,+ auā ua latou fai atu, ae latou te lē faia.  Ua latou saisai avega mamafa ma faaee i ua o tagata,+ ae latou te lē fia sii i na avega i o latou tamatamaʻilima.*+  Ua latou faia galuega uma ona o le vaaiga a tagata,+ auā ua latou faatetelē tamaʻi pusa e tuu ai tusitusiga paia+ ia e fusi i o latou tino, ina ia puipuia ai i latou, ma faalautetele foʻi fele+ i pito o latou ofu.  Ua latou fiafia i nofoaga sili+ i faigaʻai, ma nofoa pito i luma i sunako,+  ma faafeiloaʻiga aloaʻia+ i nofoaga faitele,* ma taʻua i latou e tagata o Aʻoaʻo.*+  A o outou, aua neʻi taʻua outou o Aʻoaʻo, auā e toʻatasi lo outou aʻoaʻo,+ auā o le ʻauuso uma outou.  Aua foʻi neʻi taʻua se tasi i le lalolagi o lo outou tamā, auā e toʻatasi lo outou Tamā+ o Lē o i le lagi. 10  Aua foʻi neʻi taʻua outou o ‘taʻitaʻi,’+ auā e toʻatasi lo outou Taʻitaʻi o le Keriso lea. 11  A o lē sili iā te outou uma, e ao ona avea ma a outou auauna.+ 12  O sē na te faaeaina o ia lava, e faamaulaloina+ lea, ae o sē e faamaulalo iā te ia lava, e faaeaina+ o ia. 13  “Oi talofa iā te outou le ʻautusiupu ma le ʻau Faresaio faafiaamiotonu! auā ua outou punitia+ le malo o le lagi i tagata, auā e tou+ te lē ulu atu lava i ai, ma ua outou taofiofia foʻi o ē e ulu atu i ai. 14  * —— 15  “Oi talofa iā te outou le ʻautusiupu ma le ʻau Faresaio, tagata faafiaamiotonu!+ auā ua outou faimalaga i le sami ma le laueleele ina ia faaliulotu mai se tagata, ma pe a maua o ia, ona outou faia lea o ia ma tagata e tatau ona alu i Kena,* e sili atu lona faasalaga i lo o outou. 16  “Oi talofa iā te outou taʻitaʻi tauaso+ o ē faapea mai, ‘E lē afāina pe a tautō se tasi i le malumalu; peitaʻi a tautō se tasi i le auro i le malumalu, e tatau la ona ia faataunuuina.’+ 17  O outou o tagata vālea ma tauaso! O lē fea e sili, o le auro po o le malumalu lea ua faapaiaina ai le auro?+ 18  ‘E lē afāina foʻi pe a tautō se tasi i le fata faitaulaga, ae afai e tautō se tasi i meaalofa o i luga o le fata, e tatau la ona ia faataunuuina.’ 19  O outou o tauaso! O lē fea e sili, o le meaalofa po o le fata faitaulaga+ lea ua faapaiaina ai le meaalofa? 20  O lē ua tautō i le fata faitaulaga, ua ia tautō i ai ma i mea uma o loo i luga o le fata faitaulaga; 21  ma o lē ua tautō i le malumalu, ua ia tautō i le malumalu, ma i lē o loo afio ai;+ 22  o lē ua tautō i le lagi ua tautō o ia i le nofoālii o le Atua,+ ma i lē o loo tiʻetiʻe ai. 23  “Oi talofa iā te outou le ʻautusiupu ma le ʻau Faresaio, tagata faafiaamiotonu! auā ua outou avatu mea e sefuluaʻi+ o le mili, o le aneto, ma le kumina,* peitaʻi ua outou manatu māmā i mataupu matuā tāua o le Tulafono, e pei o le faia o mea tonu,+ o le alofa mutimutivale,+ ma le faamaoni.+ E ao ona outou tausia mea muamua, ae aua neʻi manatu māmā i mea mulimuli. 24  O outou o taʻitaʻi tauaso,+ ua outou vai mamā ese le namu+ ae folo atoa le kamela!+ 25  “Oi talofa iā te outou le ʻautusiupu ma le ʻau Faresaio, tagata faafiaamiotonu! auā ua outou faamamā i tua o le ipu+ ma le tanoa, a o totonu ua tumu i mea faoa+ ma le matapeʻapeʻa. 26  O oe lenā le Faresaio tauaso,+ ia faamamā muamua totonu o le ipu+ ma le tanoa, ona faatoʻā mafai lea ona faamamā ma tua. 27  “Oi talofa iā te outou le ʻautusiupu ma le ʻau Faresaio, tagata faafiaamiotonu!+ auā ua pei outou o tuugamau ua vali papaʻe,+ ua foliga matagofie mai i fafo a o totonu ua tumu i ponaivi o tagata oti ma mea lē mamā uma. 28  Ua faapena foʻi outou, ua outou faatagā amiotonu i luma o tagata,+ ae ua tumu o outou loto i le pepelo ma le amioleaga. 29  “Oi talofa iā te outou le ʻautusiupu ma le ʻau Faresaio, tagata faafiaamiotonu!+ auā ua outou fausia tuugamau o perofeta ma teuteu tuugamau o ē e amiotonu,+ 30  ma ua outou faapea mai, ‘Ana matou ola i ona pō o o matou augātamā, matou te lē auai i le faamasaaina o toto o le ʻauperofeta.’+ 31  O lea ua fai ai outou ma molimau iā te outou lava, o atalii outou o ē na fasiotia le ʻauperofeta.+ 32  Ia outou faatumuina le fua+ a o outou augātamā. 33  “O outou gata, o fanau a gata feʻai,+ e faapefea ona outou sosola ese mai le faasalaga i Kena?+ 34  O le mea lea ua ou aauina atu+ ai iā te outou o perofeta, o tagata atamamai, ma faiaʻoga.+ O nisi o i latou tou te fasiotia+ ma tutuʻi i luga o laau, ma o nisi o i latou tou te fasi faamoʻamoʻa+ i o outou sunako, ma sauāina mai lea aai i lea aai, 35  ina ia i o outou luga toto o ē amiotonu lea na faamasaaina i le lalolagi,+ e amata mai i le toto o le tagata amiotonu+ o Apelu+ e oo atu i le toto o Sakaria le atalii o Parakaio, o lē na outou fasiotia i le va o le malumalu ma le fata faitaulaga.+ 36  O le mea moni, ou te fai atu iā te outou, O mea uma na e oo i lenei tupulaga.+ 37  “Ierusalema e, Ierusalema e, o lē na fasiotia le ʻauperofeta+ ma fetogi i maa+ o ē na aauina atu iā te ia.+ Ua tele lava loʻu manaʻo e faapotopoto faatasi lau fanau, e pei ona ofaofataʻi e se moa lana toloaʻi i lalo o ona apaʻau!+ Ae peitaʻi ua outou lē mananaʻo i ai.+ 38  Faauta! Ua tuulafoaʻiina lo outou fale+ iā te outou.+ 39  Auā ou te fai atu iā te outou, tou te lē toe vāai mai iā te aʻu seʻia oo ina outou faapea ane, ‘E manuia o ia o lē ua maliu mai i le suafa o Ieova!’ ”+

Faamatalaga Pito i Lalo

Atonu na latou lē mananaʻo e faagaoioi se tamatamaʻilima e sii ese ai nei avega.
Po o le “maketi.”
I le gagana Eleni, o “Rapi” po o se faiaʻoga.
O lenei fuaiupu o loo maua i nisi faaliliuga o le Tusi Paia, peitaʻi e lē o maua i isi manusikulipi Eleni anamua.
Tagaʻi i le Faaopoopoga e 4.
O le “mili,” “aneto” ma le “kumina” o ni laau e faamanogi ai mea.