Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mataio 1:1-25

1  O le tusi o le gafa+ o Iesu Keriso, o le atalii o Tavita,+ o le atalii o Aperaamo:+   na fanaua e Aperaamo o Isaako;+ na fanaua e Isaako o Iakopo;+ na fanaua e Iakopo o Iuta+ ma ona uso;   na fanaua e Iuta o Faresa+ ma Sera mai iā Tamara; na fanaua e Faresa o Esarona;+ na fanaua e Esarona o Rama;+   na fanaua e Rama o Aminatapu; na fanaua e Aminatapu o Naasona;+ na fanaua e Naasona o Salemona;+   na fanaua e Salemona o Poasa mai iā Raava;+ na fanaua e Poasa o Opeta mai iā Ruta;+ na fanaua e Opeta o Iese;+   na fanaua e Iese le tupu+ o Tavita.+  Na fanaua e Tavita o Solomona+ mai i le avā a Uria;   na fanaua e Solomona o Reopoamo;+ na fanaua e Reopoamo o Avia; na fanaua e Avia+ o Asa;+   na fanaua e Asa o Iosefatu;+ na fanaua e Iosefatu o Ioramo;+ na fanaua e Ioramo o Usia;   na fanaua e Usia o Iotama; na fanaua e Iotama+ o Aasa;+ na fanaua e Aasa o Esekia;+ 10  na fanaua e Esekia o Manase;+ na fanaua e Manase+ o Amone;+ na fanaua e Amone+ o Iosia; 11  na fanaua e Iosia,+ o Iekonia+ ma ona uso i le taimi na ave faapagota ai i Papelonia.+ 12  Ina ua ave faapagota i Papelonia, ona fanaua ai lea e Iekonia lona atalii o Salatielu;+ na fanaua e Salatielu o Serupapelu;+ 13  na fanaua e Serupapelu o Apiuta; na fanaua e Apiuta o Eliakimo; na fanaua e Eliakimo o Asora; 14  na fanaua e Asora o Satoka; na fanaua e Satoka o Akeimo; na fanaua e Akeimo o Eliuta; 15  na fanaua e Eliuta o Eleasaro; na fanaua e Eleasaro o Matano; na fanaua e Matano o Iakopo; 16  na fanaua e Iakopo o Iosefa le tane a Maria, lea na fanau mai ai Iesu,+ o lē ua taʻua o le Keriso.+ 17  O tupulaga uma e amata mai iā Aperaamo e oo iā Tavita, e sefulu fā ia tupulaga, e mai iā Tavita e oo i le taimi na ave faapagota ai i Papelonia, e sefulu fā ia tupulaga, e mai i le taimi na ave faapagota ai i Papelonia e oo mai i le Keriso, e sefulu fā ia tupulaga. 18  O le auala lenei na fanau mai Iesu Keriso. I le taimi na faamau+ ai lona tinā o Maria iā Iosefa, na iloa ai ua tō o ia i le agaga paia,+ a o leʻi faaipoipo i laʻua. 19  A o Iosefa lana tane,* o se tagata amiotonu, e leʻi manaʻo e faamāsiasi iā te ia i luma o tagata,+ ae na mafaufau e faateʻa*+ faalilolilo o ia. 20  Ina ua uma ona mafaufau o ia i nei mea, faauta! ua faaali mai le agelu a Ieova* iā te ia i le miti, ua faapea mai: “Iosefa e, le atalii o Tavita, aua e te fefe e ave Maria lau avā i lou aiga, auā o lana tō e mai i le agaga paia.+ 21  O le a fanau mai e ia se tama tama, e te faaigoa iā te ia o Iesu,+ auā o le a faaolaina+ e ia ona tagata+ mai i a latou agasala.”+ 22  Ua oo nei mea uma ina ia taunuu ai le afioga a Ieova,+ e ala i lana perofeta+ e faapea: 23  “Faauta! O le a tō le taupou+ ma fanau mai ai se tama tama, ma latou te faaigoa iā te ia o Emanuelu,”+ o lona uiga pe a faaliliuina “Ua iā i Tatou le Atua.”+ 24  Ona ala lea o Iosefa, ua ia faia e pei ona faatonu atu e le agelu a Ieova iā te ia, ma ave lana avā i lona aiga. 25  Ae e leʻi feusuaʻi+ i laʻua seʻia oo lava ina fanau mai le tama;+ ma ua faaigoa iā te ia o Iesu.+

Faamatalaga Pito i Lalo

E tusa ma le tū faa-Iutaia, afai e faamau se tamaʻitaʻi ma se alii, e taʻua le alii o le tane.
E tusa ma le tū faa-Iutaia, e tatau ona faateʻa iā te ia ina ia tatala le faamau.
O le taimi muamua lenei ua taʻua ai le suafa o “Ieova,” ma e 237 taimi o loo taʻua ai lenei suafa i Tusitusiga Eleni o lenei faaliliuga. Tagaʻi i le Faaopoopoga e 2.