Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mareko 8:1-38

8  I na aso, ua toe iai foʻi se motu o tagata e toʻatele, ma e leai ni a latou meaʻai. Ona valaau atu lea o ia i le ʻausoo ma fetalai atu iā i latou:+  “Ua ou alofa tele+ i le motu o tagata, ona ua atoa aso e tolu o latou faatasi ma aʻu, ae e leai ni a latou meaʻai.  Ou te lē manaʻo e tuu atu i latou e ō i o latou aiga ae e leʻi aai, ina neʻi matapogia i latou i le auala. E mamao foʻi mea e ō mai ai nisi o i latou.”  A ua fai mai le ʻausoo iā te ia: “O fea o le a maua ai e se tagata ni falaoa e maoona ai nei tagata i lenei nofoaga tuufua?”+  Ua toe faapea atu o ia iā i latou: “E fia ni falaoa o iā te outou?” Ua latou tali mai: “E fitu.”+  Ona ia faatonuina lea o le motu o tagata e taooto i lalo, ua tago o ia i falaoa e fitu, ua fai le faafetai+ ona ia vaevae lea ma tuu atu i le ʻausoo, ona tufatufa atu lea e le ʻausoo i le motu o tagata.+  Ua iai foʻi ni nai tamaʻi iʻa iā i latou, ua ia faafetai ma fai atu iā i latou e tufatufa atu.+  Ua aai i latou ma ua maoona, ua faaputu foʻi meaʻai ua totoe ma ua tutumu ai ato tetele e fitu.+  Ae e tusa ma le fā afe tane na iai. Ona ia tuuina atu lea o i latou e ō.+ 10  Ona maliu aʻe loa lea o ia ma ona soo i le vaa, ma ō atu i Tamanuta.+ 11  A ua ō mai le ʻau Faresaio ma finau mai iā te ia, ua latou saʻili iā te ia se faailoga mai i le lagi ina ia tofotofo ai o ia.+ 12  O lea, ua matuā ōi+ ai lona finagalo ma faapea atu: “Aiseā e saʻili mai ai e lenei tupulaga se faailoga? E moni ou te fai atu, E leai se faailoga e tuuina atu i lenei tupulaga.”+ 13  Ona ia tuua ai lea o i latou ma toe maliu atu i le vaa ma agaʻi atu i le isi itu. 14  Ae e leai ni mea ua iā i latou i le vaa, seʻi vaganā ai le falaoa e tasi, auā ua galo ona latou aveina ni falaoa.+ 15  Ua ia matuā faatonu atu i latou ma faapea atu: “Ia outou mataala ma faaeteete i le mea faafefete a le ʻau Faresaio ma le mea faafefete a Herota.”+ 16  O lea, ua latou fefinauaʻi ai ona e leai ni a latou falaoa.+ 17  Ina ua ia silafia le mea ua tupu, ona fetalai atu lea iā i latou: “Aiseā ua outou fefinauaʻi ai ona o le leai o ni falaoa?+ Pe e tou te lē iloa ea le uiga o lenei mea? Pe e leʻi malamalama ea lava o outou loto?+ 18  ‘E fai o outou mata ae tou te lē vāai ea; e fai o outou taliga, ae e tou te lē lagona ea?’+ Tou te lē manatua ea, 19  ina ua ou vaevaeina falaoa e lima+ i tane e lima afe, e fia ni ato na tutumu i mea na totoe?” Ua latou fai ane iā te ia: “E sefulu lua.”+ 20  “Ina ua ou vaevaeina falaoa e fitu mo tane e fā afe, e fia ni ato tetele na tutumu i mea na totoe?” Ua latou tali mai iā te ia: “E fitu.”+ 21  Ona ia fetalai atu lea iā i latou: “Pe e tou te leʻi iloa lava ea le uiga o nei mea?”+ 22  Ua oo i latou i Petesaita. Ua aumai ai e tagata iā te ia se tamāloa tauaso, ma ua ʻaiʻoi mai iā Iesu ina ia paʻi+ atu iā te ia. 23  Ua ia tago atu i le lima o le tamāloa tauaso ma ave i tua o le aai, ona feanu+ lea i ona mata, ma faaee ona aao iā te ia ma fesili atu: “Po ua e iloa atu se mea?” 24  Ona tepa aʻe lea o le tamāloa ma faapea mai: “Ua ou iloa atu tagata, auā ua ou vaaia mea e pei o ni laau, ae o loo feoaʻi i latou.” 25  Ua toe faaee atu ona aao i mata o le tamāloa, ua manino ma ua toe lelei ai lana vaai, ma ua iloa atu mea uma. 26  Ona ia tuuina atu lea o le tamāloa e alu i lona aiga, ma faapea atu: “Aua e te ui atu i le aai.”+ 27  Ua maliu atu Iesu ma ona soo i aai o Kaisareia Filipo, ma a o ō atu i latou, ona ia fesili atu lea i ona soo: “O le ā se tala a tagata, o ai aʻu?”+ 28  Ua latou faapea mai: “O Ioane le Papatiso,+ a o isi o Elia,+ a ua faapea mai isi, O se tasi o le ʻauperofeta.”+ 29  A ua ia fesili atu iā i latou: “A o outou, o le ā sa outou tala, o ai aʻu?” Ona tali mai lea o Peteru iā te ia: “O oe o le Keriso.”+ 30  O lea foʻi, ua ia matuā fai atu ai iā i latou, ina ia aua neʻi taʻu atu i se tasi e uiga iā te ia.+ 31  Ua ia aʻoaʻo foʻi i latou e faapea, e tatau ona oo puapuaga e tele i le Atalii o le tagata, ma e teena o ia e toeaina ma le ʻaufaitaulaga sili ma le ʻautusiupu. E fasiotia o ia+ ma toe faatūina i le aso lona tolu.+ 32  O le mea moni, ua fetalai saʻo atu o ia i nei upu. Ona taʻitaʻi ese lea o ia e Peteru ma vavao iā te ia.+ 33  A ua faliu atu o ia ma silasila atu i ona soo ma ia vavao atu iā Peteru e faapea: “Satani e, inā alu ese ia oe, auā e lē o manatu o le Atua ua e manatu ai, a o manatu o tagata.”+ 34  Ua ia valaau atu i le motu o tagata e ō mai iā te ia ma ona soo, ona ia fetalai atu lea iā i latou: “A fia mulimuli mai se tasi iā te aʻu, ia faafitia e ia o ia lava ma amo le laau e faapuapuagatia* ai o ia, ma mulimuli mai pea iā te aʻu.+ 35  Auā o sē e fia faasaoina lona ola, e maʻimau ia; ae o sē e faamaʻimau lona ola ona o aʻu ma le tala lelei, e faasaoina e ia.+ 36  Auā o le ā le aogā i le tagata pe afai na te maua le lalolagi uma ae maʻimau ai lona ola?+ 37  O le ā foʻi se mea o le a avatu e le tagata e sui aʻi lona ola?+ 38  Auā o lē e mā iā te aʻu ma aʻu upu i lenei tupulaga mulilulua* ma le agasala, e mā+ foʻi le Atalii o le tagata iā te ia, pe a sau o ia i le mamalu o lona Tamā faatasi ma le ʻauagelu paia.”+

Faamatalaga Pito i Lalo

Tagaʻi i le Faaopoopoga e 10.
Po o le tupulaga “e lē faamaoni i le Atua.”