Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Mareko 6:1-56

6  Ua tuua e ia o lea mea, ona latou ō faatasi lea ma ona soo i lona nuu.+  Ua oo i le sapati, ona ia aʻoaʻo atu lea i le sunako, ma ua taufaiofo ai le toʻatele o ē ua faalogologo iā te ia, ma faapea ane: “O fea na maua mai ai e lenei tagata nei mea?+ Aiseā foʻi ua tuuina atu ai lenei atamai iā te ia, ma ua faia ai e ona lima ia galuega mamana?  Pe e lē o ia ea o le kamuta,+ o le tama a Maria+ ma o le uso o Iakopo,+ Iosefa, Iuta, ma Simona?+ Pe e tatou te lē o faatasi ea foʻi ma ona tuafāfine?” Ona amata loa lea ona latou tausuai iā te ia.+  A ua fetalai atu Iesu iā i latou: “E lē mamalu se perofeta i lona lava nuu+ ma lona lava aiga.”+  Ae e na te leʻi faia ai ni galuega mamana i inā, e na o le faaee atu o ona aao i ni nai tagata mamaʻi ma faamālōlō iā i latou.  Ua ofo o ia ona o lo latou lē faatuatua. Ona malaga faataamilo lea o ia mai i lea nuu i lea nuu, ma aʻoaʻo atu.+  Ua ia valaau atu i le toʻasefulu lua ma amata ona aauina atu i latou taʻitoʻalua,+ ma tuuina atu iā i latou le pule i agaga leaga.+  Ua ia faatonuina foʻi i latou ina ia aua neʻi avea ni mea i le malaga, ae e tau lava o se tootoo. Aua neʻi aveina ni falaoa, se taga meaʻai,+ po o ni tupe i a latou ato tupe,+  a ia fai seevae ma aua neʻi ofuina ni ofutino se lua.+ 10  Ua ia fetalai atu foʻi iā i latou: “O so o se mea e tou te ulu atu ai i se fale,+ ia nonofo ai seʻia oo ina outou ō ese mai lea nuu.+ 11  Pe afai tou te ō atu i se nuu ae e lē talia ai outou pe e lē fia faalogo foʻi iā te outou, pe a outou ō ese ia tūtū atu i ai le eleele nai o outou vae, e fai ma molimau iā i latou.”+ 12  Ona latou ō lea ma talaʻi atu ina ia salamō tagata,+ 13  ua latou tutuli foʻi temoni+ e tele ma uu tagata mamaʻi i le suāuu,+ ma faamālōlō i latou.+ 14  Ua faalogo i ai le tupu o Herota, auā ua lauiloa le suafa o Iesu, ma ua faapea mai tagata: “Ua toe faatūina mai Ioane le papatiso mai i le oti, ma ua mafai ona ia faatinoina galuega mamana.”+ 15  A ua faapea mai isi tagata: “O ia o Elia.”+ A ua fai ane isi: “O ia o se perofeta, e pei o se tasi o le ʻauperofeta.”+ 16  Ae ina ua faalogo i ai Herota, ona ia faapea atu lea: “Ua toe faatūina mai Ioane lea na ou vavaeeseina lona ulu.”+ 17  Auā na faatonuina e Herota le puʻeina o Ioane ma saisai o ia i le falepuipui ona o Herotia le avā a Filipo lona uso, auā na ia faaipoipo atu iā te ia.+ 18  Auā na fai atu pea Ioane iā Herota: “E sā i le tulafono ona lua nonofo ma le avā a lou uso.”+ 19  Ae ua ita pea+ Herotia iā te ia, ma manaʻo ai e fasioti o ia ae e leʻi mafai.+ 20  Auā sa mataʻu+ Herota iā Ioane, na ia iloa o ia o se tagata amiotonu ma paia,+ ma na ia puipuia o ia. Ina ua ia faalogo+ iā te ia, na lē iloa e ia le mea o le a fai, ae peitaʻi na fiafia pea o ia e faalogo iā te ia. 21  Ae ina ua oo i le aso+ ua fetaui lelei ma le aso na faia ai e Herota se faigaʻai o lona aso fanau,+ lea na valaaulia ai alii aloaʻia ma alii e pule i ʻau, ma ē e sili ona maualuluga o Kalilaia. 22  Ona sau ai lea o le tama teine a Herotia e siva ma sa fiafia ai Herota ma i latou na taooto+ e aai ma ia. Sa fai atu le tupu i le teine: “Taʻu mai iā te aʻu so o se mea e te manaʻo ai ona ou avatu ai lea iā te oe.” 23  Sa ia tautō atu foʻi iā te ia: “O so o se mea lava e te fai mai ai, o le a ou avatu iā te oe,+ e oo lava i le vaeluaina o loʻu malo.”+ 24  Ona alu atu lea o ia ma fesili i lona tinā: “O le ā se mea ou te talosaga atu ai?” Na tali mai o ia: “O le ulu o Ioane le Papatiso.”+ 25  Ona alu atu faavave loa lea o le teine i le tupu, ma talosaga atu: “Ou te manaʻo e te aumai nei lava iā te aʻu le ulu o Ioane le Papatiso i se ipu.” 26  E ui ina matuā tigā ai le loto o le tupu, ae ona o lona manatu i le tautoga ma i latou na taooto e aai, na ia lē teena ai le manaʻo o le teine.+ 27  O le taimi lava lenā na auina atu ai loa e le tupu se tasi o ana leoleo, ma faatonuina o ia e aumai le ulu o Ioane. Ona alu atu lea o ia ma vavaeese le ulu o Ioane i le falepuipui,+ 28  ma aumai lona ulu i se ipu, ma avatu i le teine, ona avatu lea e le teine i lona tinā.+ 29  Ina ua faalogo i ai ona soo, ona latou ō atu lea ma ave lona tino ma tuu i le tuugamau.+ 30  Ua potopoto mai soo o Iesu iā te ia, ma faamatala mai mea uma na latou faia ma aʻoaʻo atu.+ 31  Ua ia fetalai atu iā i latou: “Seʻi o tatou ō na o i tatou i se mea tuufua+ ma fai ai sina mālōlōga.”+ Auā e toʻatele ē na ō mai pea iā te ia, ua leai ai se taimi e mālōlō pe aai ai.+ 32  Ona latou tuumuli atu lea i le vaa i se mea tuufua ua na o i latou.+ 33  A ua vāai atu tagata ua ō i latou ma ua iloa foʻi e le toʻatele, ona taufetuli atu lea o i latou mai i aai uma ma muamua atu iā i latou.+ 34  Ina ua maliu ese o ia mai le vaa, ona ia silafia lea o le motu o tagata e toʻatele, ona tigā alofa+ ai lea o ia iā i latou, auā ua pei i latou o mamoe e leai se leoleo mamoe.+ Ona ia aʻoaʻo atu lea iā i latou i le tele o mea.+ 35  Ua leva le aso, ona ō mai ai lea o ona soo ma fai mai iā te ia: “O le nofoaga tuufua lenei ma ua leva foʻi le aso.+ 36  Ia tuu atu i latou e ō, ina ia latou ō atu i laufanua o iai faatoʻaga ma nuu latalata mai e faatau ai ni a latou meaʻai.”+ 37  Ua ia tali atu iā i latou: “Ia outou avatu ni meaʻai ma i latou.” Ona latou fai mai lea iā te ia: “Pe e tatau ea ona matou ō ma faatau mai ni falaoa e tusa ma le lua selau tenari* ma avatu iā i latou e aai ai?”+ 38  Ua ia fetalai atu iā i latou: “E fia ni falaoa o iā te outou? Ia ō e vaai!” Ua uma ona latou vāai i ai, ona latou faapea ane lea: “E lima falaoa ma iʻa e lua.”+ 39  Ona ia faatonuina lea o tagata uma ina ia taooto i vaega+ i le mutia.+ 40  Ona latou taooto lea i vaega e taʻiselau ma le taʻilima sefulu.+ 41  Ona tago lea o ia i falaoa e lima ma iʻa e lua, ua tepa aʻe i le lagi ma faafetai,+ ona ia vaevae+ lea o falaoa ma avatu i le ʻausoo, ina ia latou laulau atu i luma o tagata, ua ia vaevae foʻi i iʻa e lua mo i latou uma. 42  Ua aai i latou ma ua maoona,+ 43  ma ua latou faaputu i mea ua totoe ua tutumu ai ato e sefulu lua, ae e leʻi aofia ai iʻa. 44  E lima afe tane na aai ai i falaoa.+ 45  Ona ia fai atu loa lea i ona soo e ō atu i le vaa, ma muamua atu iā te ia i le isi itu agaʻi i Petesaita, a ua ia tuuina atu le motu o tagata e ō.+ 46  Ua uma ona ia faatofā atu iā i latou, ona maliu atu ai lea o ia i le mauga e tatalo ai.+ 47  Ua oo i le afiafipō, ua iai le vaa i le ogatotonu o le sami, ae ua na o ia o loo i uta.+ 48  Ua silasila atu o ia iā i latou ua alogatā+ le vaa, auā ua agi malosi mai le matagi. Ona maliu atu lea o ia iā i latou i le leoleoga lona fā o le pō, ua savali i luga o le sami; ae e foliga mai o le a sopoloa o ia. 49  Ae ina ua latou iloa atu o ia o savali i luga o le sami, ona latou manatu lea: “E uiga ese lenei mea!” ona latou feʻei leotetele ai lea.+ 50  Ua iloa e i latou uma o ia, ona matataʻu ai lea. A ua fetalai atu loa o ia iā i latou: “O aʻu lenei, ia outou lototetele ma aua tou te fefefe.”+ 51  Ona maliu aʻe lea o ia i luga o le vaa iā i latou, ona toʻa ai lea o le matagi. Ua matuā maofa lava i latou,+ 52  auā e leʻi manino iā i latou le uiga o falaoa, talu ai e leʻi malamalama lava o latou loto.+ 53  Ua latou agaʻi atu i le isi itu ma ō atu i laufanua o Kenesareta ma taula ai le vaa.+ 54  A o latou ō ese mai i le vaa, ona iloa atu lea o ia e tagata, 55  ma ua latou taufetuli atu i lenā laufanua, ma avatu tagata mamaʻi i moega i le mea ua latou faalogo o loo iai o ia. 56  O so o se nuu po o se aai po o se laufanua o iai faatoʻaga+ e maliu atu i ai o ia, e latou te avatu tagata ua mamaʻi i maketi. Ua latou ʻaiʻoi atu iā te ia, seʻi tau lava ina latou paʻi+ atu i le pito+ o lona ofu tele, ma o i latou uma e faia faapea, ua toe malolosi i latou.+

Faamatalaga Pito i Lalo

O le “tenari” o le tupe siliva. Tagaʻi i le Faaopoopoga e 14.