Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Malaki 3:1-18

3  “Faauta! Ou te auina atu laʻu avefeʻau,+ ma e saunia e ia se ala i oʻu luma.+ E faafuaseʻi ona oo mai i Lona malumalu+ le Alii moni,+ o lē o loo outou saʻilia, ma o le avefeʻau+ o le feagaiga+ o lē ua outou fiafia i ai.+ Faauta! O le a afio mai lava o ia,” ua fetalai mai ai Ieova o ʻau.+  “A o ai sē e na te lavā tatali le aso o lona afio mai,+ o ai foʻi sē e tū atu pe a faaali mai o ia?+ Auā e tusa o ia ma le afi a lē e tunu auro,*+ e pei foʻi o le fasimoli+ a le tagata tā ofu.+  E nofo o ia o lē e tunu ma faamamā i le siliva+ ma na te faamamāina atalii o Levi;+ e na te faamamāina i latou e pei ona faamamā o le auro+ ma le siliva, ona fai ai lea o i latou ma nuu o Ieova e avatuina le taulaga e fai ma meaalofa+ i le amiotonu.  Ona malie ai lea o Ieova+ i taulaga e fai ma meaalofa a Iuta ma Ierusalema, e pei o aso ua mavae ma e pei foʻi o tausaga anamuā.+  “Ou te faalatalata atu iā te outou i le faamasinoga,+ e vave foʻi ona fai aʻu ma molimau+ faasaga i faataulāitu,+ o ē e mulilulua,+ o ē e tautō pepelo,+ o ē e faapiʻopiʻo i le totogi o le tagata faigaluega,+ o le fafine ua oti lana tane,+ ma le tama ua leai se tamā,+ ma ē ua soli aiā tatau a le tagata ese ua aumau,+ ma ua latou lē matataʻu iā te aʻu,”+ ua fetalai mai ai Ieova o ʻau.  “Auā o aʻu o Ieova; ou te lē liliu lava.+ O outou foʻi o le fanauga a Iakopo; e leʻi oo mai lo outou iʻuga.+  Talu mai aso o o outou augātamā ua outou liliuese ai mai i aʻu poloaʻiga ma lē tausia ai.+ Ia foʻi mai iā te aʻu ona ou foʻi atu lea iā te outou,”+ ua fetalai mai ai Ieova o ʻau. A ua outou fai mai: “O le ā le auala e matou te foʻi atu ai?”  “Pe e gaoia ea e tagata mea a le Atua? A ua outou gaoia aʻu mea.” Ua outou fai atu: “O le ā le auala ua matou gaoia ai au mea?” “I sefuluaʻi atoa ma foaʻi.  I le malaia ua outou faamalaia mai ai iā te aʻu,+ ma ua outou gaoia aʻu mea, o le nuu uma. 10  Ia aumai sefuluaʻi+ uma i le fale teuoloa, ina ia iai ni meaʻai i loʻu fale;+ faamolemole, ia outou tofotofo mai iā te aʻu i lenei mea,”+ ua fetalai mai ai Ieova o ʻau, “po ou te lē tatalaina ea faitotoʻa o le lagi+ ma liligi ifo i o outou luga faamanuiaga seʻia oo ina matuā tele lava.”+ 11  “Ou te aʻoaʻia malosi iniseti faalafuā ona o outou,+ ma e lē faatamaʻiaina ai fua o lo outou laueleele, e lē faaleagaina ai foʻi le vine i le fanua ma lē fua mai ai mo outou,”+ ua fetalai mai ai Ieova o ʻau. 12  “E faailoa atu e nuu uma lo outou fiafia,+ auā o le a fai outou ma atunuu e fiafia i ai,”+ ua fetalai mai ai Ieova o ʻau. 13  “Ua matuā mamafa a outou upu ua faia mai iā te aʻu,”+ ua fetalai mai ai Ieova. A ua outou fai atu: “O ā a matou tala na faia faasaga iā te oe?”+ 14  “Ua outou fai ane, ‘E lē aogā ona auauna i le Atua.+ O le ā le aogā tatou te tausia ai matafaioi iā te ia, ma savavali ma le faanoanoa ona o Ieova o ʻau?+ 15  O lenei o loo tatou faailoa atu e fiafia tagata faamaualuluga.+ Ua sologa lelei olaga o tagata amioleaga.+ Ua latou tofotofo foʻi i le Atua ma ua sao pea i latou.’ ”+ 16  I lea taimi, e fetautalatalaaʻi ai i latou o ē e matataʻu iā Ieova,+ e taʻitasi ma lana uō, ma e uaʻi mai pea Ieova ma faafofoga mai i ai.+ Ona amata ai lea ona tusia le tusi e faamanatu ai i ona luma+ mo i latou o ē e matataʻu iā Ieova, ma ē e manatunatu i lona suafa.+ 17  “E fai lava i latou ma oʻu nuu,”+ ua fetalai mai ai Ieova o ʻau, “i le aso ou te faia ai i latou ma aʻu oloa tāua.+ Ou te alofa mutimutivale iā i latou, e pei ona alofa mutimutivale o se tamā i lona atalii, o lē o loo auauna iā te ia.+ 18  O le a outou toe iloa ai lava le eseesega o le tagata amiotonu ma le tagata amioleaga,+ o le eseesega foʻi o lē o loo auauna i le Atua ma lē e lē o auauna iā te ia.”+

Faamatalaga Pito i Lalo

O le faaupuga i le gagana Eperu e faasino atu i isi metala (uʻamea) ae e lē na o auro na faamamāina ai.