Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Malaki 2:1-17

2  “O lenei foʻi, ositaulaga e,+ o le poloaʻiga lenei iā te outou.  Afai tou te lē faalogo+ ma afai tou te lē teuina i o outou loto+ ina ia faamamaluina ai loʻu igoa,”+ ua fetalai mai ai Ieova o ʻau, “ona ou faaooina atu lea o le malaia i o outou luga,+ ma ou faamalaia foʻi a outou faamanuiaga.+ Ioe, ua ou faamalaia i le faamanuiaga, auā ua outou lē teuina i o outou loto lenei mea.”  “Faauta! ou te aʻoaʻia malosi fatu ua lūlūina ona o outou,+ ou te lafoina atu foʻi otaota i o outou mata, o otaota ia o a outou tausamiga; ma e ave lava outou e se isi i le mea ua iai otaota.  E tou te iloa ai ua ou auina atu lenei poloaʻiga iā te outou,+ ina ia faaauau pea ona iai laʻu feagaiga+ ma Levi,”+ ua fetalai mai ai Ieova o ʻau.  “Na iā te ia laʻu feagaiga, lea na iai le ola ma le filemu,+ ma na ou avatu pea ia mea iā te ia ina ia mataʻu ai o ia. Na ia mataʻu pea iā te aʻu;+ ioe, ona o loʻu igoa, na matuā mataʻu ai o ia.+  Sa i lona gutu le tulafono o le upu moni,+ e leʻi maua foʻi i ona laugutu se mea e lē tonu. Na ia savali faatasi ma aʻu i le filemu ma le amiotonu,+ ma e toʻatele i latou na ia faaliliueseina mai i mea sesē.+  Auā e ao ona iai pea le poto i laugutu o le ositaulaga, ma e ao foʻi ona saʻilia e tagata le tulafono mai i lona gutu;+ auā o ia o le avefeʻau a Ieova o ʻau.+  “A o outou, ua outou liliuese mai i le ala.+ O outou foʻi ua tautevateva ai le toʻatele i le tulafono.+ Ua outou faaleagaina le feagaiga a Levi,”+ ua fetalai mai ai Ieova o ʻau.  “A o aʻu, o le a ou faia outou ina ia inosia ma manatu faatauvaa i ai le nuu atoa,+ ona ua outou lē tausia oʻu ala, a ua outou faaituʻau i mataupu o le tulafono.”+ 10  “Pe e lē toʻatasi ea le tamā o i tatou uma?+ Pe e lē toʻatasi ea le Atua na faia i tatou?+ Aiseā ua tatou lē faamaoni ai o le tasi i le isi,+ i lo tatou solia o le feagaiga a o tatou augātamā?+ 11  Ua feutagaʻi ma le lē faamaoni Iuta, ua faia foʻi le mea inosia i Isaraelu ma Ierusalema;+ auā ua faaleagaina e Iuta le paia o Ieova,+ lea e pele iā te Ia, ma ua ave foʻi e ia le afafine o le atua ese e fai ma ana avā.+ 12  O le a faaumatia e Ieova tagata taʻitoʻatasi ua faia lenā mea,+ o lē o loo ala ma o lē o loo tali atu, ma ē foʻi mai i faleʻie o Iakopo, atoa ma lē o loo avatu le taulaga e fai ma meaalofa+ iā Ieova o ʻau.” 13  “O le mea lona lua lenei ua outou faia, ua iʻu ai ina lilofia le fata faitaulaga o Ieova i loimata ona o le tagi ma le ōi, ma ua lē toe talia ai a outou taulaga e fai ma meaalofa, pe fiafia foʻi i so o se mea mai i o outou lima.+ 14  A ua outou fai atu, ‘Aiseā ua faapea ai?’+ Auā ua fai Ieova lava ia ma molimau iā te oe ma lau avā na e faia a o e tauleʻaleʻa,+ o lē na e feutagaʻi ma le lē faamaoni i ai, e ui o ia o lau paaga ma o le avā o lau feagaiga.+ 15  Ae e iai se tasi e na te leʻi faia ia mea, auā ua iā te ia le vaega ua totoe o le agaga. O le ā le mea ua ia saʻilia? O le fanau a le Atua.+ O outou foʻi e tatau ona outou leoleo i o outou loto,+ ma aua neʻi e feutagaʻi ma le lē faamaoni ma lau avā na fai a o e tauleʻaleʻa.+ 16  Auā e ʻinoʻino o ia i le teteʻa,”*+ ua fetalai mai ai Ieova le Atua o Isaraelu; “ma lē ua ufiufi lona ofu i le faasauā,”+ ua fetalai mai ai Ieova o ʻau. “E tatau foʻi ona outou leoleo i o outou lava loto, ma aua neʻi outou feutagaʻi ma le lē faamaoni.+ 17  “Ua outou faatigā iā Ieova i a outou upu,+ ua outou fai atu, ‘O le ā le auala ua matou faatigā ai iā te ia?’ E ala i lo outou fai ane, ‘O i latou uma ua faia mea leaga, e lelei i latou i le silafaga a Ieova, ma ua fiafia o ia iā i latou’;+ pe e faapea ane foʻi, ‘O fea o iai le Atua o le faamasinotonu?’ ”+

Faamatalaga Pito i Lalo

 O le upu Peretania, o le divorce. O lona uiga, “o le tatalaina faaletulafono o le faaipoipoga.”