Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Malaki 1:1-14

1  O le feʻau: O le afioga a Ieova+ e faatatau iā Isaraelu na ala mai iā Malaki:  Ua fetalai mai Ieova, “Ua ou alofa iā te outou.”+ A ua outou fai atu: “O le ā le auala ua e alofa mai ai iā i matou?”+ “Pe e lē o Esau ea o le uso o Iakopo?”+ ua fetalai mai ai Ieova. “Na ou alofa iā Iakopo,+  ae na ou ʻinoʻino iā Esau;+ na ou faia ona mauga ma faatafunaga,+ na faia foʻi lona tofi mo taʻifau ʻaivao o le toafa.”+  “Auā ua fai mai pea Etoma, ‘Ua nutipalaina i tatou, ae e tatou te toe foʻi ma toe fausia mea ua faatafunaina,’ a ua fetalai mai Ieova o ʻau e faapea, ‘O i latou e fausia; a o aʻu ou te lepetia.+ E taʻua i latou e tagata “o le laueleele o le amioleaga” ma “o le nuu ua taʻusalaina+ e Ieova e oo i le faavavau.”  E vaai i ai o outou lava mata, ona outou faapea ane ai lea: “Tau ina ia faasilisilia Ieova i le laueleele o Isaraelu.”’”+  “‘E āva le atalii i lona tamā;+ e āva foʻi le auauna i lona matai sili.+ Afai o aʻu o le tamā,+ o fea o iai le āva iā te aʻu?+ Afai foʻi o aʻu o le Matai Sili, o fea o iai le mataʻu iā te aʻu?’+ ua fetalai mai ai Ieova o ʻau iā te outou o ositaulaga, o ē o loo ʻinoʻino i loʻu igoa.+ “‘A ua outou fai atu: “O le ā le auala ua matou ʻinoʻino ai i lou suafa?”’  “‘E ala i lo outou aumaia o meaʻai leaga i loʻu fata faitaulaga.’+ “‘Ua outou faapea atu foʻi: “O le ā le auala ua e leaga ai ona o i matou?”’ “‘E ala i lo outou faapea atu: “O le laoai+ a Ieova o se mea e ʻinoʻino i ai.”+  Pe a outou aumaia se manu tauaso mo le taulaga ua outou faapea ane: “E lē leaga.” Pe a outou aumaia foʻi se manu pipili pe maʻi, ua outou faapea ane: “E lē leaga.”’”+ “Faamolemole, seʻi avatu ia lenā taulaga i le kovana. Pe e fiafia ea o ia iā te oe, pe na te talileleia mai oe?” ua fetalai mai ai Ieova o ʻau.  “A o lenei, faamolemole ia saʻili e faamalieina+ le Atua ina ia talia ai i tatou e ia.+ O outou ua tupu ai lenei mea. Pe e talileleia ea e ia so o se tasi o outou?” ua fetalai mai ai Ieova o ʻau. 10  “O ai se tasi o outou e na te tapunia faitotoʻa?+ O outou foʻi, e tou te lē tutu fua le afi i loʻu fata faitaulaga.+ Ou te lē fiafia iā te outou,” ua fetalai mai ai Ieova o ʻau, “ou te lē fiafia foʻi i taulaga e fai ma meaalofa mai i o outou lima.”+ 11  “Auā o le a faasilisilia loʻu igoa i atunuu uma e mai i le mea e oso aʻe ai le lā e oo atu i le mea e goto i ai,+ ma e faamū ai taulaga i mea uma lava,+ e faia ai foʻi se taulaga i loʻu igoa, o se meaalofa e talileleia;+ auā e faasilisiliina loʻu igoa i nuu,”+ ua fetalai mai ai Ieova o ʻau. 12  “A ua outou faaleaga+ ai aʻu i lo outou fai ane, ‘Ua leaga le laoai a Ieova, ma o taulaga ua laulau ai, o ana meaʻai ia, o se mea inosia lava lea.’+ 13  Ua outou fai ane, ‘Auē! O se avega mamafa!’+ ma ua outou manatu faatauvaa i ai,” ua fetalai mai ai Ieova o ʻau. “Ua outou aumaia le mea ua faoa faamalosi, o le mea pipili ma le mea ua maʻi;+ ioe ua outou aumaia ia mea e fai ma meaalofa. Po ou te talia fiafia ea ia mea mai i o outou lima?”+ ua fetalai mai ai Ieova. 14  “E malaia o lē e faia faiga faaʻoleʻole, pe a iai i lana lafu se manu poʻa lelei, ae ua ia faia se tautoga ma faia se taulaga iā Ieova i se manu ua leaga.+ Auā o aʻu o le Tupu silisili,+ o le a mataʻutia foʻi loʻu igoa i atunuu,” ua fetalai mai ai Ieova o ʻau.+

Faamatalaga Pito i Lalo