Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Luka 4:1-44

4  Ua maliu ese Iesu mai Ioritana, ua tumu o ia i le agaga paia, ma ua taʻitaʻiina o ia e le agaga i le toafa+  mo aso e fā sefulu,+ ua faaosoosoina+ ai o ia e le Tiapolo. E leʻi taumafa foʻi o ia, ma ina ua uma na aso, ona fia taumafa ai lea o ia.  Ona o lenei mea, ua faapea mai ai le Tiapolo iā te ia: “Afai o oe o se atalii o le Atua, inā fetalai atu ia i lenei maa ia liu falaoa.”  Ona tali atu lea o Iesu iā te ia: “Ua tusia, ‘E lē na o meaʻai e ola ai le tagata.’ ”+  Ona ave lea o ia e le Tiapolo, ma faaali mai loa* iā te ia malo uma o le lalolagi;*  ona faapea mai lea o le Tiapolo iā te ia: “Ou te avatua iā te oe nei malo+ uma ma o latou mamalu auā ua tuuina mai iā te aʻu, ma ou te foaʻiina atu ai i lē ou te loto i ai.+  Pe afai e tau lava ina e faapaʻū+ ma tapuaʻi mai iā te aʻu, ona fai lea mo oe o nei malo uma.”  Ona tali atu lea o Iesu iā te ia: “Ua tusia, ‘E tatau ona e tapuaʻi iā Ieova lou Atua,+ ma e na o ia foʻi e tatau ona e avatu i ai le auaunaga paia.’ ”+  Ona ave lea o ia i Ierusalema, ma faatū iā te ia i luga o le pā+ o le malumalu ma faapea mai: “Afai o oe o se atalii o le Atua, inā oso ia i lalō;+ 10  auā ua tusia, ‘E na te faatonuina ana agelu ina ia leoleo iā te oe,’+ 11  ma ‘Latou te aveina oe i o latou lima, ina neʻi tuʻia lou vae i se maa.’ ”+ 12  A ua tali atu Iesu iā te ia: “Ua fai mai le upu, ‘Aua e te faia se mea e tofotofo ai iā Ieova lou Atua.’ ”+ 13  Ona faaiʻu ai lea e le Tiapolo nei faaosoosoga uma, ma alu ese mai iā te ia seʻia oo i se isi taimi talafeagai.+ 14  Ua toe foʻi atu Iesu i Kalilaia e ala i le mana o le agaga.+ Ua aave solo tala lelei i nuu tuaoi uma e faatatau iā te ia.+ 15  Ua aʻoaʻo atu foʻi o ia i o latou sunako, ma ua faaaloalogia o ia e tagata uma.+ 16  Ua alu atu o ia i Nasareta+ i le aai na soifua aʻe ai, ma e tusa ma lana masani i le aso sapati, ua ulu atu o ia i le sunako,+ ona tū lea i luga e faitau. 17  Ua tuuina mai iā te ia le tusi tāʻai a le perofeta o Isaia, ua ia tatala le tusi ma maua ai le mea ua tusia ai: 18  “Ua i oʻu luga le agaga+ o Ieova, auā ua ia faauuina aʻu e folafola le tala lelei i ē e matitiva, ua ia auina atu aʻu e talaʻi le saʻolotoga i ē ua ave faapagota, ma ia pupula mata o ē e tauaso, ma ia faasaʻolotoina ē ua nutimomoia,+ 19  ia talaʻi le tausaga e talileleia mai ai e Ieova.”+ 20  Ua ia tāʻai le tusi tāʻai ma tuu atu i le tautua ma nofo i lalo; a ua pulatoʻa mai i latou uma ua i le sunako iā te ia. 21  Ona ia fetalai atu lea iā i latou: “O le aso nei ua taunuu ai lenei mau ua outou faalogo i ai.”+ 22  Ona faia lea e i latou uma o se molimau lelei e faatatau iā te ia, ma ua ofo i le logolelei o ana fetalaiga,+ ma ua latou faapea ane: “Pe e lē o le atalii ea lenei o Iosefa?”+ 23  Ua ia fetalai atu iā i latou: “E lē taumatea ua outou faatatauina nei upu iā te aʻu, ‘Le fomaʻi e,+ ia e faamālōlō iā te oe lava; o mea+ na matou faalogo i ai na faia i Kapanaumi+ ia faia foʻi i inei i lou lava nuu.’ ”+ 24  A ua ia fetalai atu: “E moni ou te fai atu iā te outou, e lē talia se perofeta i lona nuu moni. 25  Auā e moni ou te fai atu iā te outou, E toʻatele fafine ua oti a latou tane na iai i Isaraelu i ona pō o Elia, ina ua punitia le lagi mo tausaga e tolu ma masina e ono, na iai le oge tele i le nuu uma.+ 26  Ae e leʻi auina atu Elia i se tasi o i latou na, ae e na o se fafine ua oti lana tane i Sarefata,+ o se aai o Saitonu. 27  E toʻatele foʻi lepela sa iai i Isaraelu i aso o le perofeta o Elisaia, ae e leʻi faamamāina se tasi o i latou na, ua na o Naamanu le tagata Suria.”+ 28  Ona matuā feita ai lea o i latou uma o i le sunako a o faalogologo mai i nei tala;+ 29  ona tutū lea o i latou i luga ma faanatinati atu o ia i fafo o le aai, ma ave iā te ia i le augutu o le mauga lea sa tū ai lo latou aai, ina ia latou faatītō ifo iā te ia.+ 30  A ua ia maliu ese ane i lo latou va ma alu ese atu.+ 31  Ua maliu ifo o ia i Kapanaumi+ o se aai o Kalilaia, ma ua aʻoaʻo atu o ia iā i latou i le sapati. 32  Ua matuā ofo i latou i lana aʻoaʻo atu,+ auā ua ia aʻoaʻoina i latou e pei o sē ua iai le pule.+ 33  Ua i le sunako se tamāloa ua iai le agaga+ o le temoni leaga lea, ua ia alaga leotele mai: 34  “Auē Iesu e, le Nasareta!+ Aiseā ua e faalavelave mai ai iā i matou?+ Po ua e sau ea e faaumatia i matou? Ua ou iloa+ o oe o Lē e Paia e te sau mai i le Atua.”+ 35  Ona vavao atu lea o Iesu iā te ia e faapea: “Ia e filemu, ma ia e alu i fafo mai iā te ia!” Ina ua uma ona lafoina i lalo le tamāloa i o latou luma, ona alu ese ai lea o le temoni mai iā te ia, ma e leʻi afāina ai o ia.+ 36  Ona taufaiofo ai lea o tagata uma, ma ua fetalanoaaʻi e faapea: “Po o ā nei upu ua ia tautala ai, auā ua iā te ia le pule ma le mana e faatonu ai agaga leaga, ona ō ese ai lea o i latou?”+ 37  Ua aave tala e uiga iā te ia i lea vaipanoa atoa.+ 38  Ina ua maliu ese o ia mai le sunako, ona ia ulufale atu lea i le fale o Simona. O loo tigāina le tinā o le avā a Simona, ona ua matuā maualuga lona fiva, ma ua latou talosaga atu iā te ia mo ia.+ 39  Ona tū lea o ia i ona tafatafa, ua ia faamālōlō* iā te ia, ona teʻa ai lea o lona fiva.+ Ona tū loa lea o ia i luga ma amata ona auauna atu iā i latou.+ 40  I le goto o le lā, ua latou aumaia ai iā te ia o tagata e maua i maʻi eseese. Ua faaee ona aao iā i latou taʻitoʻatasi, ona faamālōlōina ai lea o i latou.+ 41  Ua ō ese foʻi temoni mai i le toʻatele+ ma alalaga mai e faapea: “O oe o le Alo+ o le Atua.” Ae ua ia vavao iā i latou e aua le tautatala,+ auā ua latou iloa o ia+ o le Keriso.+ 42  Peitaʻi, ina ua oo i le taeao, ona maliu atu lea o ia i le mea tuufua.+ Ae ua ō mai le motu o tagata e saʻili iā te ia, ma ina ua oo mai i le mea o loo iai o ia, ona latou taumafai lea e taofi o ia ina neʻi alu ese mai iā i latou. 43  Ae ua ia fetalai atu iā i latou: “E tatau ona ou folafola atu le tala lelei o le malo o le Atua i isi foʻi aai, auā o le mea lea na auina mai ai aʻu.”+ 44  Ona talaʻi atu lea o ia i sunako o i Iutaia.+

Faamatalaga Pito i Lalo

Pe e “pei o le emo o le mata.”
I le gagana Eleni, o le “lalolagi uma ua ʻainā.”
I le gagana Eleni, “ua ia vavao i le fiva.”