Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Luka 3:1-38

3  I le tausaga lona sefulu lima o le nofoaiga a Tiperio Kaisara, ina o avea Ponotio Pilato ma kovana i Iutaia, ma ua pule foʻi Herota+ i le itumalo o Kalilaia, a o lona uso o Filipo o loo pule i le itumalo o Ituraia ma Terekoniti, a o pule Lusanio i le itumalo o Apilene,  i ona pō o Ana le faitaulaga sili ma Kaiafa,+ na oo atu ai le afioga a le Atua iā Ioane+ o le atalii o Sakaria i le toafa.+  Ona alu atu lea o ia i itu uma o Ioritana, ua talaʻi atu le papatisoga e fai ma faailoga o le salamō mo le faamagaloina o agasala.+  E pei ona tusia i le tusi o upu a le perofeta o Isaia: “Faalogo! O loo alaga se tasi i le toafa, ‘Ia outou sauniuni le ala o Ieova, ia faasaʻosaʻo ala i ona luma.+  E faatumuina vanu uma, ma e faalaugatasia mauga ma aʻega uma, e faasaʻosaʻoina foʻi mea piʻopiʻo ma faalauleleia mea gaoā;+  ma e vāai tagata uma i le sauniuniga a le Atua mo le faaolataga.”’+  Ona ia fai atu lea i le motu o tagata ua ō mai iā te ia ina ia papatisoina i latou: “O outou o fanau a gata feʻai,+ o ai ua na faailoa atu iā te outou ia sosola ese mai i le toʻasā o loo sau?+  O lea, ia outou fua mai ni fua e tatau ma le salamō.+ Aua foʻi neʻi outou manatu ifo e faapea, ‘O lo matou tamā o Aperaamo.’ Auā ou te fai atu iā te outou, e iai le mana o le Atua e faia ai ni fanau ma Aperaamo mai i nei maa.  O le mea moni, ua taatia nei le toʻi i pogati o laau; o laau uma foʻi e lē fua mai i fua lelei, e tātuu i lalo ma lafo i le afi.”+ 10  Ona fesili mai lea o le motu o tagata iā te ia: “O le ā la se mea matou te faia?”+ 11  Ua tali atu o ia iā i latou: “O le tagata e lua ona ofutino, ia avatu ma lē e leai sona ofu, ma ia faia foʻi faapena e lē ua iai ana meaʻai.”+ 12  E oo foʻi i le ʻauaolafoga ua ō mai ina ia papatisoina i latou, ma faapea mai iā te ia: “Le Aʻoaʻo e, o le ā se mea matou te faia?”+ 13  Ua ia faapea atu iā i latou: “Aua neʻi outou tāpā se mea e sili atu nai lo o le totogi o le lafoga.”+ 14  Ua fesili mai foʻi fitafita iā te ia: “O le ā foʻi se mea matou te faia?” A ua ia faapea atu: “Aua tou te faatigā i se tasi, pe tuuaʻia+ sesē se tasi, a ia lotomalilie i mea ua outou maua.”+ 15  O loo faatalitali tagata i le Keriso ma manatunatu i o latou loto e faatatau iā Ioane e faapea: “Po o le Keriso ea o ia?”+ 16  Ona tali atu lea o Ioane, ua faapea atu iā i latou uma: “O aʻu nei, ou te papatiso atu iā te outou i le vai; a o lē o mulimuli mai e sili atu ona malosi nai lo o aʻu, e lē aogā aʻu ona ou tatala i nonoa o ona seevae.+ O ia lenā na te papatiso atu iā te outou i le agaga paia ma le afi.+ 17  O loo i lona aao lana suō* ina ia faamamāina ai le mea e soli ai le saito, ma faaputu+ ana saito i lona fale saito, ae e susunu e ia le otaota+ o saito i le afi+ e lē mafai ona tineia.” 18  Ua ia avatu foʻi le tele o apoapoaʻiga ma faaauau ona faalauiloa atu le tala lelei i tagata. 19  A ua aʻoaʻia e ia o Herota le pule o le itumalo, ona o Herotia le avā a lona uso, faapea ma mea leaga uma na faia e Herota,+ 20  e lē gata i nei mea leaga uma, a ua ia tuuina foʻi Ioane i le falepuipui.+ 21  Ua uma ona papatisoina tagata uma ma ua papatisoina foʻi Iesu.+ A o tatalo o ia, ona avanoa ai lea o le lagi+ 22  ma ua i ona luga le agaga paia ua tino mai e pei o se lupe, ua oo mai foʻi le siʻufofoga mai le lagi e faapea: “O loʻu Atalii pele oe, ua malie loʻu loto iā te oe.”+ 23  E tusa ma le tolu sefulu+ tausaga o Iesu ina ua amata lana galuega.+ E pei ona manatu i ai tagata, o ia o le atalii+ o Iosefa,+ o le atalii o Heli, 24  o le atalii o Matata, o le atalii o Levi, o le atalii o Meleki, o le atalii o Ianai, o le atalii o Iosefa, 25  o le atalii o Mataatia, o le atalii o Amosa, o le atalii o Nauma, o le atalii o Eseli, o le atalii o Nagae, 26  o le atalii o Maatō, o le atalii o Mataatia, o le atalii o Semeina, o le atalii o Ioseka, o le atalii o Iota, 27  o le atalii o Ioanana, o le atalii o Resa, o le atalii o Serupapelu,+ o le atalii o Salatielu,+ o le atalii o Neri, 28  o le atalii o Meleki, o le atalii o Atei, o le atalii o Kosamo, o le atalii o Elematama, o le atalii o Eru, 29  o le atalii o Iesu, o le atalii o Elisara, o le atalii o Iorimo, o le atalii o Matata, o le atalii o Levi, 30  o le atalii o Simeona, o le atalii o Iuta, o le atalii o Iosefa, o le atalii o Ionamo, o le atalii o Eliakimo, 31  o le atalii o Melea, o le atalii o Mena, o le atalii o Matataa, o le atalii o Natano,+ o le atalii o Tavita,+ 32  o le atalii o Iese,+ o le atalii o Opeta,+ o le atalii o Poasa,+ o le atalii o Salemona,+ o le atalii o Naasona,+ 33  o le atalii o Aminatapu,+ o le atalii o Arani,+ o le atalii o Esarona,+ o le atalii o Faresa,+ o le atalii o Iuta,+ 34  o le atalii o Iakopo,+ o le atalii o Isaako,+ o le atalii o Aperaamo,+ o le atalii o Tara,+ o le atalii o Nakori,+ 35  o le atalii o Seruka,+ o le atalii o Reu,+ o le atalii o Peleko,+ o le atalii o Eperu,+ o le atalii o Selaa,+ 36  o le atalii o Kainano,* o le atalii o Afasata,+ o le atalii o Semu,+ o le atalii o Noa,+ o le atalii o Lameko,+ 37  o le atalii o Metusela,+ o le atalii o Enoka,+ o le atalii o Iareto,+ o le atalii o Maalaelu,+ o le atalii o Kainano,+ 38  o le atalii o Enosa,+ o le atalii o Setu,+ o le atalii o Atamu,+ o le atalii o le Atua.

Faamatalaga Pito i Lalo

O le suō e asu ai le saito ina ia lelea ese le aputi.
E lē o taʻua i isi manusikulipi “le atalii o Kainano” e tusa ai ma le Ke 10:24; Ke 11:12, 15; 1No 1:18.