Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Luka 16:1-31

16  Ua ia fetalai atili atu foʻi i ona soo: “O le tasi tagata mauʻoa, e iai sana auauna pule,+ ae ua molia atu lenei auauna ona o le faatalalē i le tausia o ʻoa a lona matai.+  Ona ia aami atu lea iā te ia ma faapea atu, ‘O le ā lenei mea ua ou faalogo ai iā te oe? Ia faamatala mai le tala+ i mea na e pule ai, auā e te lē toe pule i le aiga.’  Ona faapea ifo lea o lenā auauna iā te ia lava, ‘O le ā se mea ou te faia, auā o le a faateʻa aʻu e loʻu matai+ mai i le avea ma auauna pule? Ou te lē lavā faigaluega mamafa,* ou te mā foʻi e ʻaisi.  Ia! O lea la ua ou iloa nei le mea ou te faia ina ia talia ai aʻu e tagata i o latou fale,+ pe a faateʻa aʻu mai i le avea ma auauna pule.’  Ona valaau atu lea o ia i tagata o loo nofo aitalafu i lona matai, ma faapea atu i lē na muamua, ‘E fia mea o e aitalafu ai i loʻu matai?’  Ua fai ane le tagata aitalafu, ‘E ono selau kalone* o suāuu olive.’ Ona fai atu lea o le auauna iā te ia, ‘Tago i lau pepa, ma e nofo i lalo ma tusi vave ai, e tolu selau.’  Ua fai atu o ia i le isi tagata, ‘Ae ā oe, e fia mea o e aitalafu ai?’ Ua fai mai o ia, ‘E selau kori* o saito.’ Ona fai atu lea o le auauna iā te ia, ‘Tago i lau pepa ma tusi ai, e valu sefulu.’  Ona faamālō atu lea o le matai i le auauna pule, e ui e lē amiotonu, ae ua ia gaoioi ma le atamai aogā;+ auā e sili atu le atamamai o tagata o le olaga nei i le feagai ai ma o latou lava tupulaga, nai lo o tagata o le malamalama.+  “Ou te fai atu foʻi iā te outou, O le ʻoa+ a le amiolētonu, ia outou fai ai uō+ ma outou, auā pe a lē toe aogā ia mea, latou te taliaina ai outou i fale e faavavau.+ 10  O le tagata e faamaoni i nai mea itiiti, e faamaoni foʻi o ia i mea e tele, a o le tagata e amiolētonu i nai mea itiiti, e amiolētonu foʻi o ia i mea e tele.+ 11  Pe afai e tou te lē faamaoni i ʻoa a le amiolētonu, o ai la o le a tuuina atu iā te outou le ʻoa moni e tausi?+ 12  Afai e tou te lē faamaoni i le vaaia o mea a isi,+ o ai la e na te avatua iā te outou mea ua tatau mo outou? 13  E lē mafai e se auauna o le aiga ona pologa i ni matai se toʻalua; auā e ita o ia i le tasi, ae alofa i le isi, pe e pipii atu o ia i le tasi, ae ʻinoʻino i le isi. E lē mafai ona e pologa i le Atua atoa ma ʻOa.”+ 14  O lenei, a o faalogologo ane le ʻau Faresaio o ē e naunau i tupe i nei mea uma, ona latou aamu lea iā te ia.+ 15  Ona ia fetalai atu lea iā i latou: “Ua outou taʻuamiotonuina outou lava i luma o tagata,+ a ua silafia e le Atua o outou loto;+ auā o le mea e sili ona maualuga i manatu o tagata, o le mea lenā e inosia i le silafaga a le Atua.+ 16  “Na iai le Tulafono ma Perofeta seʻia oo mai iā Ioane.+ Ua amata mai ai i lenā taimi ona folafola atu le tala lelei o le malo o le Atua. Ua tausinio i ai tagata eseese uma ina ia sao atu i ai.+ 17  E moni, e faigofie ona mavae atu+ le lagi ma le lalolagi, ae e faigatā ona mavae atu se vaega+ o se mataʻitusi o le Tulafono, seʻia taunuu mea uma.+ 18  “O sē e faateʻa i lana avā ma faaipoipo i se isi, ua mulilua o ia, ma o lē e faaipoipo i le fafine ua faateʻaina e lana tane, ua mulilua foʻi o ia.+ 19  “E iai se tasi tagata+ mauʻoa e masani ona ofu o ia i ofu violē ma le ʻie lino, ua olioli o ia i aso uma i se olaga tamaoaiga.+ 20  Ae e masani ona faanofo i le faitotoʻa o lona pā, se tagata ʻaisi e igoa iā Lasalo, ua lilofia i papala, 21  ma ua manaʻo o ia e ʻai i mea e toʻulu ifo mai i le laulau a le tagata mauʻoa. E ō ane foʻi taʻifau ma etoeto i ona papala. 22  O lea, a o faagasolo aso, ona oti+ ai lea o le tagata ʻaisi, ma ua ave o ia e agelu ma tuu i le fatafata+ o Aperaamo.+ “Ua oti+ foʻi le mauʻoa ma ua tanu o ia. 23  Ua tepa aʻe o ia i luga mai i le Tuugamau* o loo faapuapuagatia ai,+ ua ia iloa mamao atu Aperaamo, ma Lasalo o loo i lona fatafata. 24  O lea, ua ia valaau atu ai ma faapea atu, ‘Loʻu tamā e Aperaamo,+ ia e alofa* mai iā te aʻu, ma ia auina mai Lasalo e fufui le tumutumu o lona tamatamaʻilima i le vai, ma faamālū ai loʻu laulaufaiva.+ Auā ua ou pagatia i le mumū o lenei afi.’+ 25  A ua faapea mai Aperaamo, ‘Loʻu atalii e, ia e manatua foʻi, na e maua le tele o mea a o e ola, a o Lasalo ua faapea foʻi ona maua e ia o mea leaga, o lea la ua ia maua ai se olaga lelei i inei, a o lenā ua e pagatia.+ 26  E lē gata i nei mea uma, a ua iai se vanu+ tele i lo tatou va,+ o lea ua lē sao atu ai i latou o i inei e fia ō atu i inā. E lē mafai foʻi ona sao mai outou i inā iā i matou.’+ 27  Ona fai atu lea o ia, ‘O le mea lea ou te talosaga atu ai iā te oe le tamā e, ina ia auina atu o ia i le aiga o loʻu tamā, 28  ina ia ona avatu se molimau māeʻaeʻa i oʻu uso e toʻalima, ina neʻi o latou ō mai foʻi i lenei nofoaga e puapuagatia ai.’ 29  A ua fai mai Aperaamo, ‘Ua iā i latou Mose+ ma le ʻau Perofeta;+ e tatau ona latou faalogo i ai.’+ 30  Ona ia fai atu lea, ‘Loʻu tamā e, Aperaamo, e leai, ae afai e alu atu se tasi mai i ē ua oti iā i latou, o le a latou salamō ai.’ 31  A ua fai mai o ia iā te ia, ‘Afai latou te lē faalogo iā Mose+ ma le ʻau Perofeta, latou te lē talitonu foʻi pe a toetū mai se tasi mai le oti.” ’

Faamatalaga Pito i Lalo

I le gagana Eleni, “eli le palapala.”
I le gagana Eleni, o “paita e 100.” O le paita e tasi, e tusa lea ma kalone e 6. Tagaʻi i le Faaopoopoga e 14.
O le “kori” e tusa ma le 220 lita. Tagaʻi i le Faaopoopoga e 14.
Tagaʻi i le Faaopoopoga e 6.
Pe “ia e alofa mutimutivale mai.”