Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Luka 13:1-35

13  I na aso, ua iai nisi ua faamatala mai iā te ia e uiga i tagata Kalilaia,+ o ē na faafefiloi e Pilato o latou toto ma toto o a latou taulaga.  Ua tali atu o ia iā i latou: “Po ua outou manatu ua sili atu ona agasala+ nei tagata Kalilaia nai lo o isi Kalilaia uma, ona ua latou mafatia i nei mea?  O le mea moni, e leai, ou te fai atu iā te outou, afai tou te lē salamō, e faapena foʻi ona faaumatia outou uma.+  Pe tou te manatu ua sili atu ona agasala* i latou e toʻasefulu valu, o ē na paʻū i ai le ʻolo o Seloa ma feoti ai, nai lo o isi tagata uma o nonofo i Ierusalema?  O le mea moni, e leai, ou te fai atu iā te outou, afai tou te lē salamō, e faapena foʻi ona faaumatia outou uma.”+  Ona ia faamatala atu lea o lenei talafaatusa: “Na totō e se tagata le laau o le mati i lona togāvine,+ ma ua alu atu o ia e saʻili mo ni ona fua,+ ae leai se mea na maua.+  Ua fai atu o ia i lē galue vine, ‘Ua tolu nei tausaga+ o oʻu sau e suʻe se fua o lenei mati, ae e leʻi maua ai lava se mea. Inā tuu ia i lalo!+ Aiseā e maʻimau ai fua le eleele e tū ai?’  Ua tali mai o ia, ‘Le Alii e, tuu ai pea+ ia i lenei tausaga, seʻi oʻu eli faataamilo i ai ma tuu i ai le faalelei eleele;*  afai e fua mai ni fua i le lumanaʻi, ua lelei lea; ae afai e leai, ona e tuu ai loa lea i lalo.” ’+ 10  Ua aʻoaʻo atu o ia i se tasi o sunako i le sapati. 11  Faauta! O se fafine ua maʻi mo tausaga e sefulu valu ona o se temoni,*+ ua faanoʻunoʻu ma ua lē mafai ona toe tū saʻo o ia. 12  Ina ua silasila atu Iesu iā te ia, ona faapea atu lea: “Ua faamālōlōina+ lou maʻi.”* 13  Ua faaee atu ona aao iā te ia; ona tū saʻo ai loa lea o ia,+ ma amata ona faamamaluina le Atua. 14  A ua ita le pule o le sunako ina ua faamālōlō e Iesu le fafine i le sapati, ma ua fai atu i le motu o tagata: “E ono aso e tatau ona galulue ai;+ ma o na aso, ia ō mai ai e faamālōlō outou, ae aua le faia i le aso sapati.”+ 15  A ua tali atu le Alii iā te ia: “O outou o tagata faafiaamiotonu,+ pe e lē taʻitasi ea outou ma tatala i lana povi poʻa, po o lana asini mai i le fale o manu ma taʻitaʻi atu e faainu i le aso sapati?+ 16  Faauta, o lenei fafine o le afafine o Aperaamo,+ ua sefulu valu tausaga o saisaitia e Satani, pe e lē tatau ea ona tatalaina o ia i le aso sapati?” 17  Ua ia fetalai i nei mea, ona māsiasi+ ai lea o ē na tetee iā te ia. A ua olioli le motu o tagata i mea ofoofogia uma ua ia faia.+ 18  O lea, ua ia faaauau atu e faapea: “E faapeʻī le malo o le Atua, ma o le ā se mea ou te faatusaina i ai?+ 19  Ua faatusaina i le fua o le sinapi,* na ave e se tagata ma totō i lona togālaau, ua oo ina tupu ma avea ma laau, ma ua ofaga i ai manufelelei o le lagi+ i ona lālā.”+ 20  Ona ia toe fetalai atu lea: “O le ā se mea ou te faatusaina i ai le malo o le Atua? 21  Ua faatusaina i se mea faafefete, na ave e se fafine ma natia i ni fua falaoamata tetele se tolu,* seʻia oo ina fefete ai le paluga atoa.”+ 22  Ona malaga atu lea o ia ma aʻoaʻo atu i lea aai ma lea aai, i lea nuu ma lea nuu, ma faaauau atu ai lana malaga i Ierusalema.+ 23  Ona faapea mai lea o se tagata iā te ia: “Le Alii e, pe e toʻaitiiti+ ni tagata e faaolaina?” Ua ia fetalai atu iā i latou: 24  “Ia outou faamalolosi+ ma finafinau e ulu atu i le faitotoʻa vaitiiti,+ auā ou te fai atu iā te outou, e toʻatele e saʻili ina ia ulu atu i ai ae e lē mafai.+ 25  Auā pe a tulaʻi le tagata o le aiga ma loka le faitotoʻa, a ua outou tutū i fafo ma tuʻituʻi ma faapea atu, ‘Lau susuga e, ia e tatala mai le faitotoʻa iā i matou.’+ A ua tali mai o ia iā te outou, ‘Ou te lē iloa outou.’+ 26  Ona outou faapea mai lea, ‘Na matou aai ma feinu i ou luma, ma na e aʻoaʻo atu foʻi i o matou ala tetele.’+ 27  Peitaʻi, o le a fai atu o ia, ‘Ou te lē iloa outou. O outou uma o ē e fai amioleaga, inā ō ese ia iā te aʻu!’+ 28  O i inā o le a outou tagiauē ai ma lilivau o outou nifo,+ pe a outou iloa Aperaamo, Isaako, ma Iakopo, ma perofeta uma i le malo o le Atua,+ ae lafoina outou i fafo. 29  E ō mai foʻi tagata mai i le itu i sasaʻe ma le itu i sisifo, mai i mātū ma saute,+ e taooto e aai i le laoai i le malo o le Atua.+ 30  Faauta! o i latou o ē e mulimuli o le a muamua, a o ē e muamua o le a mulimuli.”+ 31  I lenā lava itula, ua ō mai ai nisi o le ʻau Faresaio ma faapea mai iā te ia: “Inā alu ese ia mai i inei, auā ua saʻili Herota e fasioti iā te oe.” 32  A ua ia fetalai atu iā i latou: “Ia ō atu ma fai atu i lenā alope,*+ ‘Faauta! ua ou tulia temoni ma faamālōlōina maʻi i le asō ma taeao, ma o le a ou faamāeʻaina+ i le aso lona tolu.’ 33  Ae peitaʻi, e tatau ona ou alu i le asō, ma taeao, ma le isi aso, auā e lē tatau ona fasiotia se perofeta i fafo atu o Ierusalema.+ 34  Ierusalema e, Ierusalema e, o lē na fasiotia+ le ʻauperofeta ma fetogia+ o ē na aauina atu iā te ia. E tele loʻu manaʻo e faapotopoto faatasi lau fanau, e pei ona ofaofataʻi e le moa o lana toloaʻi i lalo o ona apaʻau.+ Ae peitaʻi e tou te lē mananaʻo i ai!+ 35  Faauta! Ua tuulafoaʻia lo outou fale+ iā te outou. Ou te fai atu iā te outou, Tou te lē toe vāai mai lava iā te aʻu seʻia outou faapea ane, ‘E manuia o ia o lē ua maliu mai i le suafa o Ieova!’ ”+

Faamatalaga Pito i Lalo

I le gagana Eleni, “ua sili atu ona nofo aitalafu i latou.”
I le gagana Eleni, o “otaota o manu.”
I le gagana Eleni, “ua iā te ia le agaga e vaivai ai.”
I le gagana Eleni, “Le mafine e, ua faasaʻolotoina oe mai lou tulaga vaivai.”
O le “sinapi” e mai i le upu Eleni, o le si′na·pi. O se laau e taʻua i le faa-Peretania o le mustard.
Pe ā ma le 20 pauna.
O le “alope” o se ituaiga o taʻifau. O le upu Peretania o le fox.