Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Luka 11:1-54

11  Ua iai o ia i se tasi nofoaga o loo tatalo ai, ua uma lana tatalo, ona faapea mai lea o se tasi o ona soo iā te ia: “Le Alii e, ia e aʻoaʻo mai iā i matou i le tatalo,+ e pei foʻi ona aʻoaʻo e Ioane i ona soo.”+  Ona ia fetalai atu lea iā i latou: “Pe a outou tatalo,+ ia faapea atu, ‘Lo matou Tamā e, ia faapaiaina lou suafa.+ Ia oo mai lou malo.+  Ia foaʻi mai i le aso nei a matou meaʻai+ e tatau mo le aso.  Ia faamagalo a matou agasala,+ e pei foʻi ona matou faamagalo atu i ē o agasala*+ mai iā i matou. Aua foʻi neʻi tuua i matou e lolo atu i faaosoosoga.’ ”*+  Ua ia fetalai atili atu: “O ai o outou e ana le uō e alu atu i ai i le vaeluapō ma faapea atu, ‘Laʻu uō e, seʻi aumai iā te aʻu ni falaoa se tolu,  auā ua faatoʻā taunuu mai le malaga a se tasi o aʻu uō, ma e leai se mea ou te laulauina atu mo ia’?  A ua tali mai lenā uō mai totonu o le fale, ‘Soia le faalavelave mai iā te aʻu.+ Ua loka le faitotoʻa, ma ua matou momoe ma laʻu fanau. E lē mafai ona ou toe tū atu e avatu se mea iā te oe.’  Ou te fai atu iā te outou, E ui lava o ia o lana uō, ae e lē tū atu o ia ma avatu se mea, peitaʻi ona o lona faatauanau atu pea,+ e tulaʻi ai loa o ia ma avatu iā te ia mea na te manaʻomia.  O lea la, ou te fai atu iā te outou, Ia talosaga atu pea,+ ona foaʻiina mai lea iā te outou. Ia saʻili atu pea,+ ona outou maua ai lea. Ia tuʻituʻi atu pea, ona tatalaina mai lea iā te outou. 10  Auā o ē e talosaga atu, e foaʻiina mai iā i latou.+ O ē e saʻili atu, e mauaina e i latou, ma o ē e tuʻituʻi atu, e tatalaina mai iā i latou. 11  O ai se tamā o iā te outou e ōle mai lona atalii+ iā te ia mo se iʻa, ae ia avatu i ai se gata ae e lē o se iʻa? 12  Pe e ōle mai foʻi mo se fuāmoa, ae e avatu i ai se akarava? 13  O lea la, o outou o ē e leaga, afai tou te avatu i a outou fanau meaalofa lelei,+ e sili atu la ona foaʻi mai e le Tamā o i le lagi le agaga paia+ iā i latou o ē e ōle atu iā te ia!” 14  Mulimuli ane, ua tuliese e ia se temoni gūgū.+ Ua alu i fafo le temoni, ona tautala loa lea o le tagata gūgū, ma ua maofa ai le motu o tagata. 15  A ua fai ane nisi o i latou: “Ua mafai ona ia tuliesea temoni ona o Pelesepulo, le pule o temoni.”+ 16  Peitaʻi, ua saʻili e isi se faailoga+ mai i le lagi mai iā te ia, ina ia tofotofo ai o ia. 17  Ua ia silafia o latou manatu,+ ona ia fetalai atu lea: “O malo uma e fevaevaeaʻi e faaumatia, o aiga foʻi e fevaevaeaʻi e malepelepe.+ 18  Afai e fevaevaeaʻi Satani, e faapefea la ona tumau o lona malo?+ Auā ua outou faapea mai, o Pelesepulo ua ou tuliesea ai temoni. 19  Afai o Pelesepulo ua ou tulia ai temoni, o ai la ua tulia ai e a outou fanau+ temoni? O le mea lea e fai ai i latou ma faamasino iā te outou. 20  Pe afai o le aao*+ o le Atua ou te tulia ai temoni, o lona uiga ua oo mai lava iā te outou le malo o le Atua.+ 21  Afai e leoleoina e le tagata malosi+ lona fale i lana auupega, e saogalemu ana mea o iai. 22  Peitaʻi, afai la te tau ma se tagata e malosi atu+ iā te ia ma toʻilalo ai,+ e na te aveesea uma ana auupega na ia faatuatua i ai, ma tufatufaina atu mea na ia faoa mai iā te ia. 23  O sē e lē ʻau ma aʻu, e faasagatau mai o ia iā te aʻu. O sē e lē faaputu faatasi ma aʻu, e faataapeape o ia.+ 24  “Pe a alu i fafo se agaga leaga mai i se tagata, ma alu atu i fanua tuufua e saʻili se mea e mālōlō ai, a lē maua se mea, ona faapea ifo lea o ia, ‘Ou te toe foʻi i loʻu fale na ou sau ai.’+ 25  Ua taunuu atu, ma ua ia iloa ua uma ona salu mamā ma teuteu. 26  Ona alu ai lea o ia ma ave isi agaga leaga eseese e toʻafitu+ e sili atu ona leaga nai lo o ia. Ina ua ulu atu i totonu ua latou nonofo ai, ma ua sili atu ona leaga le iʻuga o lea tagata nai lo o le amataga.”+ 27  A o fetalai atu o ia i nei upu, ona alaga mai lea o se fafine mai i le motu o tagata ma faapea mai iā te ia: “Amuia le manava+ na e fanau mai ai ma susu na e susu ai!” 28  A ua ia fetalai atu: “E leai, Amuia i latou e faalogo i le afioga a le Atua ma tausi i ai!”+ 29  Ua lolofi ane le motu o tagata, a ua fetalai atu o ia: “Ua saʻili mai lenei tupulaga leaga mo se faailoga,+ ae e leai se faailoga e avatua iā i latou, na o le faailoga o Iona.+ 30  E pei ona avea Iona+ ma faailoga i tagata Nineva, e faapena foʻi ona avea le Atalii o le tagata ma faailoga i lenei tupulaga. 31  E toetū mai le tupu tamaʻitaʻi+ o le itu i saute faatasi ma tagata o lenei tupulaga i le faamasinoga, ma e taʻusalaina i latou; auā na sau o ia mai tuluʻiga o le lalolagi e faalogo i le atamai o Solomona, faauta foʻi! o loo i inei se tasi e sili atu+ iā Solomona. 32  E toetutū mai tagata o Nineva faatasi ma lenei tupulaga i le faamasinoga, ma e taʻusalaina ai lenei tupulaga; auā na latou salamō i le talaʻiga a Iona,+ ae faauta! o loo i inei se tasi e sili+ atu iā Iona. 33  E leai se tasi e uma ona tutu le molī, ona tuu lea i se mea lilo po o lalo o se ato e fua ai mea, ae na te tuuina i luga o le tuugāmolī,+ ina ia iloa ai le malamalama e i latou e ulufale mai. 34  O le molī o le tino o mata ia. Pe afai e lelei lau vaai,* e malamalama uma ai lou tino,+ ae afai e leaga, e pogisa uma ai lou tino. 35  O lea la, ia e mataala. Atonu e pogisa le malamalama o loo i totonu iā te oe.+ 36  O le mea lea, afai e malamalama lou tino atoa e leai se mea o pogisa ai, e malamalama+ ai lou tino e pei ona faasusulu atu e se molī le malamalama iā te oe.” 37  Ua uma ana fetalaiga, ona talosaga mai lea o se tasi o le ʻau Faresaio iā te ia, ina ia la faiʻaiga+ faatasi. Ona ulu atu lea o ia ma taoto e taumafa. 38  Ua faateʻia le Faresaio i le vaai atu ua sauni o ia e taumafa ae e leʻi mulumulu o ia.+ 39  A ua fetalai atu le Alii iā te ia: “O outou le ʻau Faresaio, ua outou faamamā tua o le ipu ma le tanoa, a o totonu+ o outou ua tumu i mea ua faoa ma le amioleaga.+ 40  O outou tagata vālea e! Tou te lē iloa ea, o lē na faia le tua+ o le ipu, na ia faia foʻi ma totonu? 41  Ae peitaʻi, ia foaʻi atu mea e fai ma meaalofa+ mai i o outou loto, ona mamā ai lea o isi mea uma ua iā te outou. 42  Oi talofa iā te outou le ʻau Faresaio, auā ua outou avatu mea e sefuluaʻi+ o le mili, ma le pekano,* ma isi fualaau ʻaina uma, peitaʻi ua outou manatu māmā i le amiotonu ma le alofa i le Atua! O mea nei, na tatau ona outou faia, ae aua foʻi le tuua isi mea.+ 43  Oi talofa iā te outou le ʻau Faresaio, auā ua outou fiafia i nofoa pito i luma i sunako ma faafeiloaʻiga a tagata i nofoaga faitele!+ 44  Oi talofa iā te outou, auā ua pei outou o tuugamau ua lē iloa, ua savavali ai tagata ae latou te lē iloa!”+ 45  Ona tali mai lea o se tasi o i latou e atamai+ i le Tulafono e faapea: “Le Aʻoaʻo e, ua e faatigā iā i matou i au upu.” 46  Ona ia fetalai atu lea: “Oi talofa iā te outou o ē e atamamai i le Tulafono, auā ua outou faaee atu avega mamafa i tagata, ae e tou te lē mananaʻo e sii i na avega i o outou tamatamaʻilima!+ 47  “Oi talofa iā te outou, auā ua outou fausia tuugamau o perofeta, ae na fasiotia i latou e o outou augātamā!+ 48  Ua avea lava outou ma molimau i galuega a o outou augātamā ia ua outou lagolagoina,+ auā na latou fasiotia+ perofeta ae ua outou fausia o latou tuugamau. 49  O lea, i lona atamai+ ua fetalai mai ai le Atua, ‘Ou te aauina atu iā i latou o perofeta ma aposetolo, e latou te fasioti ma faasauā i nisi o i latou. 50  Ina ia i luga o lenei tupulaga+ le toto o perofeta+ uma na faamaligiina talu ona faavaeina le lalolagi, 51  mai i le toto o Apelu+ e oo atu i le toto o Sakaria,+ o lē na fasiotia i le va o le fata faitaulaga ma le malumalu.’+ Ioe, ou te fai atu iā te outou, o le a i luga o lenei tupulaga o latou toto. 52  “Oi talofa iā te outou o ē e atamamai i le Tulafono, auā ua outou aveesea le ki o le malamalama;+ auā tou te lē ulu atu lava i ai, ua outou taofia foʻi i latou o le a ulu atu i ai!”+ 53  Ina ua maliu ese o ia mai i inā, ona lolofi mai lea o le ʻautusiupu ma le ʻau Faresaio ma tuʻifesili o ia e faatatau i isi mea, 54  ua lamalama+ iā te ia, e saʻili e taofi+ i se upu mai i lona fofoga.

Faamatalaga Pito i Lalo

I le gagana Eleni o “aitalafu.”
I le gagana Eleni, “aua neʻi tuuina i matou i faaosoosoga.”
I le gagana Eleni, “o le tamatamaʻilima o le Atua.”
Pe ia “faafaigofie lau vaai.” O lona uiga, e taulaʻi le vaai i le mea e tasi nai lo le pupū i le tele o mea.
O le “mili” ma le “pekano” o ni laau e faaaogā e fai ai vai e togafiti ai maʻi ma faamanogi ai foʻi meaʻai.