Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 9:1-24

9  Ua oo i le aso lona valu,+ ona aami lea e Mose o Arona ma ona atalii, atoa ma toeaina o Isaraelu.  Ua ia faapea atu iā Arona: “Ia e ave se tamaʻi povi mo le taulaga o agasala+ mo oe, ma se mamoe poʻa mo le taulaga mū,+ o manu ia e matuā lelei lava, ia aumaia ai i luma o Ieova.+  Ae ia e fai atu i atalii o Isaraelu e faapea, ‘Ia ave se ʻoti poʻa+ mo le taulaga o agasala, atoa ma se tamaʻi povi ma se tamaʻi mamoe poʻa,+ e tasi le tausaga le matutua, e matuā lelei lava, e fai ai le taulaga mū,  o se povi poʻa ma se mamoe poʻa mo taulaga faifaatasi,+ ina ia fai ai taulaga i luma o Ieova, o le taulaga i meaʻai+ ua iai sina suāuu, auā o le asō e faaali mai ai Ieova iā te outou.’ ”+  Ona latou aumaia lea o ia mea e pei ona poloaʻi atu ai Mose i luma o le faleʻie o le feiloaʻiga. Ona faalatalata ane lea o le faapotopotoga atoa ma tutū i luma o Ieova.+  Ua toe faapea atu Mose: “O le mea lenei na poloaʻi mai ai Ieova e tou te faia, ina ia faaali mai e Ieova lona mamalu iā te outou.”+  Ona fai atu lea o Mose iā Arona: “Ia e faalatalata atu i le fata faitaulaga ma faia lau taulaga o agasala,+ ma lau taulaga mū, ma faia le togisala+ mo oe ma lou aiga atoa; ia e faia foʻi le taulaga mo le nuu+ ma faia le togisala+ mo i latou e pei ona poloaʻi mai ai Ieova.”  Ona faalatalata atu ai lea o Arona i le fata faitaulaga ma fasi le tamaʻi povi o le taulaga o agasala mo ia lava.+  Ona aumaia lea e atalii o Arona o le toto+ iā te ia, ua ia lolō i ai+ lona tamatamaʻilima ma nini ai seu o le fata faitaulaga,+ a o le toto ua totoe ua ia sasaa i lalo o le fata faitaulaga. 10  Ua ia susunu i luga o le fata faitaulaga+ le gaʻo,+ o fatugaʻo ma le gaʻo i luga o le ate mai i le taulaga o agasala, e pei ona poloaʻi mai ai Ieova iā Mose. 11  Ua ia susunu foʻi le aano ma le paʻu o le manu i le afi i tua o le togālauapi.+ 12  Ona ia fasi lea o le manu e fai ai le taulaga mū, ua avatu e atalii o Arona iā te ia le toto, ua ia sausau ma ua soo ai le fata faitaulaga.+ 13  Ua latou avatu iā te ia le taulaga mū i ona tufaaga ma le ulu, ua ia susunuina na mea i luga o le fata faitaulaga.+ 14  Ua ia fufulu foʻi gaʻau ma vae,* ona ia susunuina ai lea faatasi ma le taulaga mū i luga o le fata faitaulaga.+ 15  Ua ia avatu nei le taulaga mo le nuu,+ ua ia ave le ʻoti o le taulaga o agasala lea ua faia mo le nuu, ua fasi ma fai ai le taulaga o agasala e pei o lea na muamua. 16  Ona ia avatu lea o le taulaga mū ma faia e tusa ma faiga masani.+ 17  Ua ia avatu le taulaga i meaʻai+ ma faatumu ai lona lima i se luuga, ma susunu ai i luga o le fata faitaulaga, e ese mai i le taulaga mū o le taeao.+ 18  Ua ia fasi le povi poʻa ma le mamoe poʻa o le taulaga faifaatasi,+ lea e faia mo le nuu. Ona avatu lea e atalii o Arona le toto iā te ia, ua ia sausauina ma ua soo ai le fata faitaulaga.+ 19  A o gaʻo+ o le povi poʻa ma le siʻusiʻu gaʻoa+ o le mamoe poʻa, o le gaʻo ua ufiufi ai gaʻau, o fatugaʻo, ma le gaʻo ua i luga o le ate, 20  ua latou tuu ia gaʻo i luga o fatafata+ o manu, ona ia susunu ai lea o gaʻo i luga o le fata faitaulaga. 21  A ua lūlū e Arona i le isi itu ma le isi itu o fatafata ma le alagavae taumatau e fai ma taulaga lūlū+ i luma o Ieova, e pei ona poloaʻi atu ai Mose. 22  Ua faaloaloa e Arona ona lima i le nuu ma faamanuia iā i latou,+ ma ua alu ifo+ o ia mai i le faia o le taulaga o agasala, o le taulaga mū ma le taulaga faifaatasi. 23  Mulimuli ane, ua ulufale atu Mose ma Arona i le faleʻie o le feiloaʻiga, ua toe ulufafo mai ma faamanuia i le nuu.+ Ona faaali atu lea e Ieova o lona mamalu+ i le nuu atoa, 24  ma sau ai le afi mai i luma o Ieova,+ ua susunu ai le taulaga mū ma gaʻo i luga o le fata faitaulaga. Ua vāai i ai tagata uma, ona latou alalaga+ ai lea, ma ua latou faapaʻuʻū faō.

Faamatalaga Pito i Lalo

E faasino atu i le vaega pito i lalo o le tulivae agaʻi i lalo i le tapuvae.