Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 5:1-19

5  “ ‘Pe afai e faalogo se tasi+ i se faamalaia ua faia i luma o le lautele,+ ae na te lē faailoaina+ atu se agasala ua faia e se tasi e ui o ia o se molimau, pe na vaai i se mea, pe iloa foʻi se mea, e agasala o ia, ma e ao la ona ia tali atu ona o lona sesē.  “ ‘Pe afai e paʻi se tasi i se mea e lē mamā, e tusa po o se tino mate o se manu e lē mamā o le vao, po o se tino mate o se manu lata e lē mamā, po o tino mamate o meaola ninii e lē mamā o loo feoaʻi faatasi,+ e ui ina ia faia ma le lē iloa,+ ae ua lē mamā* ai o ia ma ua nofosala ai.+  Pe afai e teʻi ua paʻi se tasi i se mea ua lē mamā+ ai se tagata, o so o se mea ua lē mamā ai lea tagata, o mea foʻi ia ua lē mamā ai o ia, e ui ua ia faia ma le lē iloa ae pe a ia iloa lea mea, ona nofosala ai lea o ia.  “ ‘Pe afai e tautō se tasi ma tautala ona laugutu e aunoa ma le mafaufau+ e fai le mea leaga,+ pe e fai le mea lelei, e tusa ma so o se mea e tautala ai se tasi e aunoa ma le mafaufau i le tautoga,+ e ui ua ia faia ma le lē iloa, ae pe a ia iloa lea mea, ona nofosala ai lea o ia e tusa ma se tasi o ia mea.  “ ‘A oo ina nofosala o ia i se tasi o nei mea, e ao ona ia taʻutino+ atu e tusa ma le mea ua ia agasala ai.  E na te aumaia lana taulaga o le nofosala+ iā Ieova mo lana agasala ua ia faia, o se manu fafine lea mai i le lafu, o se tamaʻi mamoe fafine, po o se tamaʻi ʻoti fafine+ mo le taulaga o le agasala; e ao i le ositaulaga ona faia le togisala mo ia ma lana agasala.+  “ ‘Ae afai e na te lē gafatia se mamoe,+ e ao ona ia aumaia iā Ieova o lana taulaga o le nofosala ona o lana agasala ua fai, o ni manutagi+ se lua po o ni tamaʻi lupe se lua, o le tasi mo le taulaga o agasala,+ ma le isi mo le taulaga mū.  E na te aumaia ia manulele i le ositaulaga, ona ia avatu lea o le manulele muamua mo le taulaga o agasala ma sesele+ luma o lona ua, ae aua neʻi motu ese.  E ao ona ia sausau sina vaega o le toto o le taulaga o agasala i le itu o le fata faitaulaga, a o le toto o loo totoe e ao ona faaalu ese i lalo o le fata faitaulaga.+ O le taulaga lea o agasala. 10  A o le isi manulele e ao ona ia faia e pei o se taulaga mū e tusa ai ma faiga masani;+ ma e ao i le ositaulaga ona faia le togisala+ mo ia ma lana agasala ua fai, ona faamagaloina ai lea o ia.+ 11  “ ‘Afai e na te lē gafatia+ ni manutagi se lua po o ni tamaʻi lupe se lua, ona ia aumaia lea o lana taulaga mo le agasala ua ia faia, o le tasi vaesefulu o le efa+ o le falaoamata lelei mo le taulaga o agasala. E lē tatau ona ia tuu i ai le suāuu+ ma e lē tatau foʻi ona ia tuu i ai le lipano, auā o le taulaga lea o agasala.+ 12  E ao ona ia avatu lenei mea i le ositaulaga, e luluu mai ai e le ositaulaga se luuga e fai ma faamanatuga+ i le Atua, ma e ao ona faamū i luga o le fata faitaulaga e pei o taulaga iā Ieova ua faia i le afi.+ O le taulaga lea o agasala.+ 13  E faia e le ositaulaga le togisala+ mo ia ona o lana agasala ua fai, o so o se agasala o ia agasala, ona faamagaloina ai lea o ia; ma e fai mo le ositaulaga+ o mea e totoe o le taulaga e pei ona faia i le taulaga i meaʻai.’ ” 14  Ua fetalai mai pea Ieova iā Mose e faapea: 15  “Afai e lē faamaoni se tasi ma agasala ai e aunoa ma le mafaufauina e tusa ma mea paia a Ieova,+ e ao ona ia aumaia o lana taulaga o le nofosala+ iā Ieova, o se mamoe poʻa e matuā lelei lava mai i le lafu, e tusa ma le fua faatatau o le tau i sekeli+ siliva, e tusa ma le fua masani o le mea paia, e fai ma taulaga o le nofosala. 16  E na te taui atu i le agasala na ia faia e tusa ma le mea paia, e na te faaopoopo i ai le tasi vaelima+ i le tau o lea mea, e ao ona ia avatu ai i le ositaulaga, ina ia fai ai e le ositaulaga le togisala+ mo ia, faatasi ma le mamoe poʻa o le taulaga o le nofosala, ona faamagaloina+ ai lea o ia. 17  “Afai e faia e se tasi le agasala ma solia ai se tasi o mea ua poloaʻi mai ai Ieova e aua le faia, e ui e na te lē iloa,+ ae ua nofosala lava o ia ma e ao ona tali atu o ia mo lea mea sesē ua ia faia.+ 18  E tatau ona ia aumaia se mamoe poʻa e matuā lelei lava mai i le lafu, e tusa ma le fua faatatau o le tau mo le taulaga o le nofosala,+ i le ositaulaga; e faia e le ositaulaga le togisala+ mo ia ona o lana mea sesē na ia faia e aunoa ma le mafaufauina e ui na te leʻi iloa, ona faamagaloina ai lea o ia.+ 19  O le taulaga lea o le nofosala. Ua nofosala+ lava ia auā ua ia agasala iā Ieova.”

Faamatalaga Pito i Lalo

O lona uiga o le “lē mamā” e tusa ma aiāiga o le Tulafono.