Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 4:1-35

4  Ua fetalai mai foʻi Ieova iā Mose e faapea:  “Ia fai atu i le fanauga a Isaraelu e faapea, ‘Afai e faia e se tasi+ le agasala e aunoa ma le mafaufauina,+ i so o se mea ua poloaʻi mai ai Ieova e aua le faia, a ua ia solia se tasi o ia mea:  “ ‘Afai e agasala+ le ositaulaga o lē ua faauuina,+ ma nofosala ai le nuu, e ao ona ia aumaia iā Ieova se tamaʻi povi poʻa e matuā lelei lava mo lana agasala+ na fai, e fai ai le taulaga o agasala.  E ao ona ia aumaia le povi poʻa i luma o le faitotoʻa o le faleʻie o le feiloaʻiga,+ i luma o Ieova, e na te faaee ona lima i luga o le ulu o le povi poʻa,+ ma e na te fasia le povi poʻa i luma o Ieova.  E ave e le ositaulaga o lē ua faauuina+ se vaega o le toto o le povi poʻa, ma avatu i totonu o le faleʻie o le feiloaʻiga;  e fufui e le ositaulaga lona tamatamaʻilima+ i le toto, ma sausau faafitu+ sina vaega o le toto i luma o Ieova, i luma o le ʻie puipui o le mea paia.  E ave e le ositaulaga sina vaega o le toto ma tuu i luga o seu+ o le fata faitaulaga, e faamū ai mea manogi lelei i luma o Ieova, lea e i totonu o le faleʻie o le feiloaʻiga, a o le toto o loo totoe o le povi poʻa e na te sasaa i lalo+ o le fata faitaulaga e fai ai taulaga mū, lea o loo i luma o le faitotoʻa o le faleʻie o le feiloaʻiga.  “ ‘A o le gaʻo o le povi poʻa e fai ai le taulaga o agasala, e na te aveesea le gaʻo ua ufiufi ai gaʻau, ma gaʻo uma i luga o gaʻau,+  ma fatugaʻo e lua ma le gaʻo i luga o na mea, e tutusa ma mea o loo i luga o suilapalapa. O gaʻo i luga o le ate e na te aveese faatasi ma fatugaʻo.+ 10  E tutusa ma mea e aveesea mai i le povi poʻa ina ia fai ai le taulaga faifaatasi.+ E ao i le ositaulaga ona susunuina ia mea i luga o le fata faitaulaga e fai ai taulaga mū.+ 11  “ ‘A o le paʻu o le povi poʻa, o ona aano, o lona ulu, o ona vae,* o ona gaʻau ma ona otaota,+ 12  o lona uiga o le povi poʻa atoa lea, e tatau ona ia faatonu le aveina i tua o le togālauapi,+ i se nofoaga mamā i le mea e sasaa i ai lefulefu gaʻoa,+ ma e ao ona ia susunu ai i le afi ua faia i fafie.+ E ao ona susunu i le mea e sasaa ai lefulefu gaʻoa. 13  “ ‘Afai e faia e le faapotopotoga uma o Isaraelu se mea sesē,+ ma ua latou lē iloa ua latou solia se tasi o mea na poloaʻi mai ai Ieova e aua le faia, ma nofosala ai i latou,+ 14  a oo ina iloa le agasala ua latou faia,+ ua solia ai se tasi o ia mea, e ao i le faapotopotoga ona aumaia se tamaʻi povi poʻa e fai ai le taulaga o agasala, ma ia aumaia i luma o le faleʻie o le feiloaʻiga. 15  E faaee e toeaina o le faapotopotoga o latou lima i luga o le ulu+ o le povi poʻa i luma o Ieova, ma e fasia le povi poʻa i luma o Ieova. 16  “ ‘E ao i le ositaulaga, o lē ua faauuina,+ ona aumaia se vaega o le toto o le povi poʻa i totonu o le faleʻie o le feiloaʻiga.+ 17  E fufui e le ositaulaga lona tamatamaʻilima i sina vaega o le toto, ma sausau faafitu i luma o Ieova, i luma o le ʻie puipui.+ 18  E na te tuu sina vaega o le toto i luga o seu o le fata faitaulaga,+ lea o loo i luma o Ieova, i totonu o le faleʻie o le feiloaʻiga; a o le toto o loo totoe e na te sasaa i lalo o le fata faitaulaga e fai ai taulaga mū,+ lea o loo i luma o le faitotoʻa o le faleʻie o le feiloaʻiga. 19  E na te aveesea ona gaʻo uma ma e na te susunuina i luga o le fata faitaulaga.+ 20  E tatau ona ia faia le mea lava lea e tasi i le povi poʻa e pei ona faia i le isi povi poʻa mo taulaga o agasala. O le auala lea na te faia ai; ma e ao i le ositaulaga ona faia se togisala+ mo i latou ona faamagaloina ai lea o i latou. 21  E ao ona ia faatonu atu le aveina o le povi poʻa i tua o le togālauapi ma susunu ai e pei ona ia susunuina o le povi muamua.+ O le taulaga o agasala mo le faapotopotoga.+ 22  “ ‘Pe a agasala ma le lē iloa se taʻitaʻi+ i se tasi o mea na poloaʻi mai ai Ieova lona Atua e aua le faia+ ma ua nofosala ai o ia, 23  po ua faailoa atu foʻi iā te ia+ lana agasala ua fai, lea ua ia solia ai se tasi o poloaʻiga, ona ia aumaia lea o se tamaʻi ʻoti poʻa+ e matuā lelei lava e fai ai lana taulaga. 24  E ao ona ia faaee foʻi lona lima i luga o le ulu+ o le tamaʻi ʻoti ma fasia i le mea e masani ona fasi ai manu i luma o Ieova+ e fai ai taulaga mū. O le taulaga lea o agasala.+ 25  E ave e le ositaulaga sina vaega o le toto o le taulaga o agasala i lona tamatamaʻilima, ma tuu i luga o seu+ o le fata faitaulaga lea e fai ai taulaga mū, a o le toto o loo totoe e na te sasaa i lalo o le fata faitaulaga lea e fai ai taulaga mū. 26  E ao ona ia susunuina ona gaʻo uma i luga o le fata faitaulaga e pei o le gaʻo o le taulaga faifaatasi;+ ma e faia e le ositaulaga le togisala mo ia ona o lana agasala,+ ona faamagaloina ai lea o ia. 27  “ ‘Pe a agasala ma le lē iloa se tasi o tagata o le lautele, e ala i le solia o se tasi o mea na poloaʻi mai ai Ieova e aua le faia ma ua nofosala ai o ia,+ 28  po ua faailoa atu foʻi iā te ia lana agasala ua fai, ona ia aumaia lea o se tamaʻi ʻoti fafine+ e matuā lelei lava mo lana agasala ua fai. 29  E ao ona ia faaee foʻi lona lima i luga o le ulu+ o le manu lea e fai ai le taulaga o agasala, ma fasia le manu e fai ai le taulaga o agasala i le nofoaga lava e tasi e fai ai le taulaga mū.+ 30  E ave e le ositaulaga sina vaega o le toto i lona tamatamaʻilima, ma tuu i luga o seu+ o le fata faitaulaga lea e fai ai taulaga mū, a o le toto o loo totoe, e na te sasaa i lalo o le fata faitaulaga.+ 31  Ona ia aveese lea o le gaʻo+ uma e pei ona ia aveeseina o le gaʻo o le taulaga faifaatasi;+ e ao i le ositaulaga ona susunuina ai i luga o le fata faitaulaga e avea o se mea manogi e faamalieina ai Ieova;+ ma e faia e le ositaulaga le togisala mo ia, ona faamagaloina ai lea o ia.+ 32  “ ‘Afai e na te aumaia mo lana taulaga se tamaʻi mamoe+ e fai ai le taulaga mo agasala, e ao ona ia aumaia se tamaʻi mamoe fafine e matuā lelei lava.+ 33  E tatau ona ia faaee foʻi lona lima i luga o le ulu o le manu e fai ai taulaga o agasala, ma fasia o se taulaga o agasala, i le mea e masani ona fasi+ ai manu e fai ai taulaga mū. 34  E ave e le ositaulaga sina vaega o le toto o le taulaga o agasala i lona tamatamaʻilima, ma tuu i luga o seu o le fata faitaulaga lea e fai ai taulaga mū,+ a o le toto o loo totoe e na te sasaa i lalo o le fata faitaulaga. 35  E na te aveesea ona gaʻo uma e pei o gaʻo ia e masani ona aveese mai i le tamaʻi mamoe poʻa o le taulaga faifaatasi, ma e ao i le ositaulaga ona susunuina ia mea i luga o le fata faitaulaga e pei o taulaga iā Ieova ua faia i le afi;+ ma e faia e le ositaulaga le togisala+ mo ia ma lana agasala ua fai, ona faamagaloina ai lea o ia.+

Faamatalaga Pito i Lalo

E faasino atu i le vaega pito i lalo o le tulivae agaʻi i lalo i le tapuvae.