Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 3:1-17

3  “ ‘Afai o lana taulaga o le taulaga faifaatasi,+ afai e aumaia e ia lana taulaga mai i le lafu povi o se manu poʻa po o se manu fafine, e tatau ona ia avatua i luma o Ieova o se manu e matuā lelei lava.+  E na te faaee foʻi lona lima i luga o le ulu+ o le manu e fai ai lana taulaga ma e fasi i luma o le faitotoʻa o le faleʻie o le feiloaʻiga; e ao ona sausau e ositaulaga, o atalii ia o Arona le toto ia soo ai luga o le fata faitaulaga.  E na te aumaia nisi o mea o le taulaga faifaatasi, o se taulaga iā Ieova ua faia i le afi, o le gaʻo+ lea ua ufiufi ai gaʻau, o gaʻo uma lava i luga o gaʻau,+  ma fatugaʻo+ e lua ma le gaʻo i luga o na mea, e tutusa ma mea ia o loo i luga o suilapalapa. O gaʻo i luga o le ate, e na te aveesea faatasi ma fatugaʻo.  E ao i atalii o Arona+ ona susunu+ ia mea uma i luga o le fata faitaulaga, faatasi ma le taulaga mū i luga o fafie+ ua i luga o le afi, o le taulaga ua faia i le afi, o se mea manogi+ e faamalieina ai Ieova.  “ ‘Afai o lana taulaga mo le taulaga faifaatasi iā Ieova e aumaia mai i le lafu mamoe o se manu poʻa po o se manu fafine, e tatau ona ia aumaia se manu e matuā lelei lava.+  Afai na te aumaia se tamaʻi mamoe poʻa e fai ai lana taulaga, e ao ona aumaia i luma o Ieova.+  E na te faaee foʻi atu lona lima i luga o le ulu+ o le manu e fai ai lana taulaga ma e fasi+ i luma o le faitotoʻa o le faleʻie o le feiloaʻiga; e ao ona sausau e atalii o Arona le toto ia soo ai luga o le fata faitaulaga.  E na te aumaia le gaʻo mai i le taulaga faifaatasi, o se taulaga iā Ieova+ ua faia i le afi. E na te vavaeeseina le siʻusiʻu gaʻoa+ mai i le mea e lata i le ivitū, ma le gaʻo ua ufiufi ai gaʻau, ma gaʻo uma i luga o gaʻau,+ 10  ma fatugaʻo e lua ma le gaʻo i luga o na mea, e tutusa ma mea ia o loo i luga o suilapalapa. O gaʻo+ i luga o le ate, e na te aveese faatasi ma fatugaʻo. 11  E ao ona susunu+ ia mea uma e le ositaulaga i luga o le fata faitaulaga o ni meaʻai,+ o se taulaga iā Ieova ua faia i le afi. 12  “ ‘Afai na te aumaia se ʻoti+ e fai ai lana taulaga, e ao ona aumaia i luma o Ieova. 13  E na te faaee foʻi lona lima i luga o le ulu+ o le ʻoti ma e fasi+ i luma o le faitotoʻa o le faleʻie o le feiloaʻiga; e ao ona sausau e atalii o Arona lona toto ia soo ai luga o le fata faitaulaga. 14  E na te avatu ai lana taulaga i ia mea, o se taulaga iā Ieova ua faia i le afi, o le gaʻo lea ua ufiufi ai gaʻau, o gaʻo uma lava i luga o gaʻau,+ 15  ma fatugaʻo e lua ma le gaʻo i luga o na mea, e tutusa ma mea ia o loo i luga o suilapalapa. O gaʻo i luga o le ate, e na te aveese faatasi ma fatugaʻo. 16  E ao ona susunu ia mea uma e le ositaulaga i luga o le fata faitaulaga o ni meaʻai, o le taulaga ua faia i le afi, o se mea manogi e faamalieina ai. E fai mo Ieova le gaʻo uma.+ 17  “ ‘Ua faia pea lenei mea ma tulafono mo outou ma o outou tupulaga o loo mulimuli mai, i mea uma tou te nonofo ai: Aua neʻi outou aai i le gaʻo po o le toto.’ ”+

Faamatalaga Pito i Lalo