Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Levitiko 27:1-34

27  Ua fetalai mai pea Ieova iā Mose e faapea:  “Ia e fai atu i le fanauga a Isaraelu, ma e faapea atu iā i latou, ‘Pe afai e ofo atu e se tagata se isi iā Ieova e ala i se tautoga faapitoa,+ e tusa ma le tau faatulagaina,  ma o lea tau faatulagaina e faatatau atu i se tane mai i le lua sefulu tausaga e oo atu i le ono sefulu tausaga le matua, ma e tatau ona lima sefulu sekeli siliva le tau faatulagaina e tusa ma le fua masani o le mea paia.  Ae afai o se fafine, e tolu sefulu sekeli le tau faatulagaina mo ia.  Ae afai e lima tausaga e oo atu i le lua sefulu tausaga le matua, e tatau ona lua sefulu sekeli le tau faatulagaina mo le tama tama ae sefulu sekeli mo le tama teine.  Ae afai e tasi le masina e oo atu i le lima tausaga le matua, e tatau ona lima+ sekeli siliva le tau faatulagaina mo tama ae tolu sekeli siliva mo teine.  “ ‘Afai e ono sefulu tausaga agaʻi i luga le matua, e tatau ona sefulu lima sekeli le tau faatulagaina mo le tane ae e sefulu sekeli mo le fafine.  Ae afai e matuā mativa le tagata ua faia le tautoga ma lē gafatia le tau faatulagaina,+ e ao ona ia faatū le tagata i luma o le ositaulaga, ma e fuafua e le ositaulaga le tau mo ia.+ E tusa ma le mea e gafatia+ e lē e faia le tautoga, e fuafua e le ositaulaga le tau mo ia.  “ ‘Ae afai e avatu e se tasi se manu e ofo atu iā Ieova, o mea uma e na te avatu iā Ieova e avea ma mea paia.+ 10  E lē mafai ona ia fesuiaʻia lea mea, ma e lē mafai ona ia fesuiaʻi se mea lelei i se mea leaga, po o se mea leaga i se mea lelei. Ae afai e na te fesuiaʻia lava se manu mo se isi manu, ona paia ai lea o lea manu atoa ma le isi manu na fesuiaʻi. 11  Ae afai e lē mamā+ se tasi o ia manu e pei o manu ia e lē tatau ona ofo atu iā Ieova,+ e ao ona ia avatu le manu i luma o le ositaulaga.+ 12  E fuafua e le ositaulaga le tau e faalagolago i lona lelei po o lona leaga. E tusa ma le tau ua faatulagaina+ e le ositaulaga, o le tau lava lea. 13  Ae afai e manaʻo lava o ia e toe faatau mai, e ao ona ia avatu le tasi vaelima+ e faaopoopo i le tau faatulagaina. 14  “ ‘Afai e avatu e se tasi lona fale iā Ieova e fai ma mea paia, e ao ona fuafua e le ositaulaga le tau o le fale e faalagolago i le lelei po o le leaga+ o le fale. O le ā lava le tau ua fuafuaina e le ositaulaga o le tau lava lea. 15  Ae afai e manaʻo lē na avatu lona fale e fai ma mea paia e toe faatau mai lona fale, e ao ona ia avatu le tasi vaelima o le tupe e faaopoopo i le tau faatulagaina;+ ona fai ai lea ma ia. 16  “ ‘Afai o se vaega o lona fanua+ ua ia manaʻo e avatu iā Ieova e fai ma mea paia, e ao ona fuafua le tau e tusa ma fatu ua lūlū ai: a faapea o le somera*+ o fatu o le karite, e lima sefulu sekeli siliva ia.* 17  Afai e na te avatu se vaega o lona fanua e fai ma mea paia, i le tausaga o le Iupelī+ ma faasolo atu ai, e ao ona tutusa le tau ma le tau faatulagaina. 18  Afai na te avatu lona fanua iā Ieova e fai ma mea paia pe a mavae le Iupelī, ona fuafua lea e le ositaulaga le tau e tusa ma tausaga ia o loo totoe seʻia oo i le isi tausaga o le Iupelī, ona toese lea o se vaega o le tau mai i le tau faatulagaina.+ 19  Ae afai e manaʻo lava lē na avatu lona fanua e fai ma mea paia e toe faatau mai lona fanua, e ao ona ia avatu le tasi vaelima o le tupe e faaopoopo i le tau faatulagaina; ona faamauina ai lea iā te ia.+ 20  Afai e na te lē toe faatauina mai le fanua po ua faatau atu le fanua i se isi tagata, e lē mafai ona toe faatauina mai. 21  Afai e faamatuu atu le fanua i le Iupelī e ao ona avea ma mea paia iā Ieova, o se fanua lea ua taofia mo se fuafuaga paia.+ E fai ma le ositaulaga.+ 22  “ ‘Afai na te avatu se fanua na ia faatauina iā Ieova e fai ma mea paia, ae e lē o se vaega o lona fanua,+ 23  e ao i le ositaulaga ona fuafua mo ia le aofaʻi o le tau e tusa ma tausaga seʻia oo atu i le tausaga o le Iupelī, ma e ao ona totogi le tau faatulagaina i lenā aso.+ O se mea paia lea iā Ieova.+ 24  I le tausaga o le Iupelī e toe faafoʻi atu ai le fanua i lē na ia faatau mai ai, o lē e ana moni le fanua.+ 25  “ ‘E ao ona fuafuaina tau uma e tusa ma le fua masani o le mea paia. E ao ona tusa le sekeli ma le lua sefulu kire.+ 26  “ ‘Aua neʻi avatua ulumatua a manu e fai ma mea paia, auā o ulumatua a manu e mo Ieova lava ia.+ E tusa po o se povi poʻa po o se mamoe, o mea lava ia a Ieova.+ 27  Ae afai e lē mamā se tasi o ia manu,+ e ao ona ia toe faatau mai e tusa ma le tau faatulagaina ma e faaopoopo i ai le tasi vaelima i le tau.+ Ae afai e lē toe faatauina mai, e ao la ona faatau atu e tusa ma le tau faatulagaina. 28  “ ‘O se mea ua taofia e se tagata mo se fuafuaga paia ma ua faapaiaina e faavavau iā Ieova*+ lea e mai i ana mea uma, e tusa lava po o se tagata, po o se manu, po o se vaega o lona fanua, e lē mafai ona faatau atu ma e lē mafai ona toe faatauina mai se mea ua taofia mo se fuafuaga paia.+ O le mea lea e sili ona paia iā Ieova. 29  E lē mafai ona toe faatauina mai se tasi mai i tagata ua fuafuaina mo le faaumatiaga.+ E ao lava ona fasiotia o ia.+ 30  “ ‘O le tasi vaesefulu+ o le fanua, o fatu o le fanua ma fua o laau e mo Ieova ia mea. O mea paia ia iā Ieova. 31  Afai e manaʻo lava se tasi e toe faatau mai nisi o le tasi vaesefulu o ana mea na avatu, e ao ona ia faaopoopo atu le tasi vaelima i le aofaʻiga o lea mea.+ 32  O manu lona sefulu uma o le lafu povi ma le lafu mamoe, o mea uma lava e ui ane i lalo o le tootoo,+ e ao ona tuuesea manu lona sefulu uma e avea ma mea paia iā Ieova. 33  E lē tatau ona ia iloilo po ua lelei po ua leaga, aua foʻi neʻi fesuiaʻia. Afai na te fesuiaʻia, e ao ona avea lea manu ma le manu lea e fesuiaʻi ma mea paia.+ E lē tatau ona toe faatauina mai.’ ” 34  O poloaʻiga+ ia na fetalai mai ai Ieova iā Mose mo le fanauga uma a Isaraelu i le Mauga o Sinai.+

Faamatalaga Pito i Lalo

O le fua o le “somera” e tusa ma le 220 lita (200 kuata).
O lona uiga o se fasi fanua e lava ai mo le lūlūina o le somera o karite, e fuafua le tau o lea fasi fanua i le lima sefulu sekeli siliva.
Pe “taofia mo le faaumatiaga.”